ಐಪಿಎಲ್ 2020: ಅರ್ಧಶತಕ ಬಾರಿಸಿ ಅಚ್ಚರಿಯ ದಾಖಲೆ ಬರೆದ ಜಡೇಜಾ

ದೀರ್ಘಾವಧಿ ಅರ್ಧ ಶತಕ ಗಳಿಸಿದೆ ಅತಿ ಹೆಚ್ಚು ರನ್

ದೀರ್ಘಾವಧಿ ಅರ್ಧ ಶತಕ ಗಳಿಸಿದೆ ಅತಿ ಹೆಚ್ಚು ಟಿ20 ಹಾಗೂ ಐಪಿಎಲ್ ರನ್ ಗಳಿಸಿದ ಸಾಧನೆ ಜಡೇಜಾ ಹೆಸರಿನಲ್ಲಿತ್ತು. 31 ವರ್ಷ ವಯಸ್ಸಿನ ಚೆನ್ನೈ ತಂಡದ ಆಲ್ ರೌಂಡರ್ ಜಡೇಜಾ ಅವರು 35 ಎಸೆತಗಳಲ್ಲಿ 50ರನ್ ಪೂರೈಸಿದರು.

ಡೆಕ್ಕನ್ ಚಾರ್ಜಸ್ ವಿರುದ್ಧ 48ರನ್ ಗಳಿಸಿದ್ದರು

ಇದಕ್ಕೂ ಮೊದಲು 2012ರಲ್ಲಿ ಡೆಕ್ಕನ್ ಚಾರ್ಜಸ್ ವಿರುದ್ಧ 48ರನ್ ಗಳಿಸಿದ್ದೇ ವೈಯಕ್ತಿಕ ಗರಿಷ್ಠ ಮೊತ್ತವಾಗಿತ್ತು. 2007ರ ಏಪ್ರಿಲ್ 4ರಂದು ಟಿ20 ಕ್ರಿಕೆಟ್ ಲೋಕಕ್ಕೆ ಜಡೇಜಾ ಎಂಟ್ರಿ ಕೊಟ್ಟರೂ 2009ರಲ್ಲಿ ಭಾರತ ಪರ ಟೀ20 ಆಡಿದರು. ಸುದೀರ್ಘ ಅವಧಿ 50ರನ್ ಗಳಿಸಲು ಸಾಧ್ಯವಾಗಿರಲಿಲ್ಲ. ಅಂತೂ ಈ ಪಂದ್ಯ ಈ ಸಾಧನೆ ಮಾಡಿದ್ದಾರೆ.

ಸುರೇಶ್ ರೈನಾ ದಾಖಲೆ ಸರಿಗಟ್ಟಿದ ಎಂಎಸ್ ಧೋನಿ

2000+ ರನ್ ಮತ್ತು 100+ ವಿಕೆಟ್ ಪಡೆದ ಆಲ್‌ ರೌಂಡರ್

ಐಪಿಎಲ್‌ನಲ್ಲಿ 2000+ ರನ್ ಮತ್ತು 100+ ವಿಕೆಟ್ ಪಡೆದ ಮೊದಲ ಆಲ್‌ ರೌಂಡರ್ ಎಂಬ ಹೆಗ್ಗಳಿಕೆಗೆ ಇದೇ ಐಪಿಎಲ್ ನಲ್ಲಿ ಜಡೇಜಾ ಪಾತ್ರರಾಗಿದ್ದಾರೆ. 174 ಪಂದ್ಯಗಳಿಂದ 123. 32 ಸ್ಟ್ರೈಕ್ ರೇಟ್ ಹಾಗೂ 24.09 ರನ್ ಸರಾಸರಿಯಂತೆ 2000ರನ್ ಗಳಿಸಿದ್ದಾರೆ. 7.66 ಎಕಾನಾಮಿ, 23.44 ಸ್ಟ್ರೈಕ್ ರೇಟ್ ನಂತೆ 110 ವಿಕೆಟ್ ಕಬಳಿಸಿದ್ದಾರೆ.

50ರನ್ ನಡುವೆಯೂ ಚೆನ್ನೈ ತಂಡಕ್ಕೆ ಸೋಲು

ಆದರೆ, ಜಡೇಜಾ ಅವರ 5 ಬೌಂಡರಿ, 2 ಸಿಕ್ಸರ್ ಇದ್ದ 50ರನ್ ನಡುವೆಯೂ ಚೆನ್ನೈ ತಂಡ ರನ್ ಚೇಸ್ ನಲ್ಲಿ ಎಡವಿತು. 165 ರನ್ ಚೇಸ್ ಮಾಡಿದ ಚೆನ್ನೈ ತಂಡವು 5 ವಿಕೆಟ್ ಕಳೆದುಕೊಂಡು 157ರನ್ ಮಾತ್ರ ಗಳಿಸಿ 7 ರನ್ ಗಳಿಂದ ಹೈದರಾಬಾದ್ ವಿರುದ್ಧ ಸೋಲುಂಡಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಸನ್ ರೈಸರ್ಸ್ ಹೈದರಾಬಾದ್ ತಂಡವು ಪ್ರಿಯಂ ಗರ್ಗ್ 51 (26 ಎಸೆತ), ಅಭಿಷೇಕ್ ಶರ್ಮಾ 31 (24 ಎಸೆತ) ಕೊಡುಗೆಯೊಂದಿಗೆ 20 ಓವರ್‌ಗೆ 5 ವಿಕೆಟ್ ಕಳೆದು 164 ರನ್ ಬಾರಿಸಿತು.

ಗುರಿ ಬೆನ್ನಟ್ಟಿದ ಚೆನ್ನೈ ಸೂಪರ್ ಕಿಂಗ್ಸ್, ಫಾಫ್ ಡು ಪ್ಲೆಸಿಸ್ 22, ಎಂಎಸ್ ಧೋನಿ 47 (36 ಎಸೆತ), ರವೀಂದ್ರ ಜಡೇಜಾ 50 (35 ಎಸೆತ), ಸ್ಯಾಮ್ ಕರನ್ ಅಜೇಯ 15 ರನ್‌ ಸೇರ್ಪಡೆಯೊಂದಿಗೆ 20 ಓವರ್‌ಗೆ 5 ವಿಕೆಟ್ ನಷ್ಟದಲ್ಲಿ 157 ರನ್ ಗಳಿಸಿತು.