ಆರ್‌ಸಿಬಿ: ನೇಥನ್ ಕೌಲ್ಟರ್ ನೇಲ್ ಬದಲಿಗೆ ಕೋರೆ ಆಂಡರ್ಸನ್‌ ಸೇರ್ಪಡೆ

By Manjunatha
RCB took Corey Anderson in the place of Injuired Nathan Coulter-Nile

ಬೆಂಗಳೂರು, ಮಾರ್ಚ್‌ 24: ಆರ್‌ಸಿಬಿ ತಂಡ ಆಯ್ಕೆ ಮಾಡಿಕೊಂಡಿದ್ದ ಆಸ್ಟ್ರೇಲಿಯಾದ ವೇಗದ ಬೌಲರ್‌ ನೇಥನ್ ಕೌಲ್ಟರ್ ನೇಲ್ ಗಾಯಕ್ಕೆ ತುತ್ತಾಗಿ ಇನ್ನೂ ಗುಣ ಹೊಂದದ ಕಾರಣ ಅವರ ಬದಲಿಯಾಗಿ ನ್ಯೂಜಿಲೆಂಡ್ ಆಲ್‌ರೌಂಡರ್ ಕೋರೆ ಆಂಡರ್ಸನ್ ಅನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ.

ನೇಥನ್ ಕೌಲ್ಟರ್ ನೇಲ್ ಗಾಯದಿಂದ ಇನ್ನೂ ಗುಣ ಮುಖರಾಗಿಲ್ಲದ ಕಾರಣ ಆರ್‌ಸಿಬಿಯು ಐಪಿಎಲ್ ನಿಯಮಾವಳಿಗಳಿಗೆ ಅನುಸಾರವಾಗಿ (ಆರ್‌ಎಪಿಪಿ) ಹರಾಜಿಗೆ ನೊಂದಾಯಿಸಲ್ಪಟ್ಟ ಆದರೆ ಮಾರಾಟವಾಗದ ಆಟಗಾರನನ್ನು ಆಯ್ಕೆ ಮಾಡಿಕೊಳ್ಳಬಹುದಿತ್ತು. ಹಾಗಾಗಿ ಆರ್‌ಸಿಬಿಯು ನ್ಯೂಜಿಲೆಂಡ್‌ನ ಆಲ್‌ರೌಂಡರ್‌ ಕೋರೆ ಆಂಡರ್ಸನ್‌ ಅವರನ್ನು ಅವರ ಮೂಲ ದರ 2 ಕೊಟಿಗೆ ಕೊಂಡುಕೊಂಡಿದೆ.

ಈ ಮುಂಚೆ ಮುಂಬೈ ಮತ್ತು ಡೆಲ್ಲಿ ತಂಡಕ್ಕೆ ಆಡಿರುವ ಕೋರಿ ಆಂಡರ್ಸನ್‌ ತಮ್ಮ ಬಿರು ಬೀಸಿನ ಬ್ಯಾಟಿಂಗ್ ಮತ್ತು ಸಮಯೋಚಿತ ಬೌಲಿಂಗ್‌ನಿಂದ ಪ್ರಖ್ಯಾತರು. ಏಕದಿನ ಕ್ರಿಕೆಟ್‌ನಲ್ಲಿ ಕೇವಲ 36 ಬಾಲಿಗೆ ಸೆಂಚುರಿ ಬಾರಿಸಿರುವ ದಾಖಲೆ ಕೋರೆ ಆಂಡರ್ಸನ್‌ ಬೆನ್ನಿಗಿದೆ. ಆ ನಂತರ ಇವರ ದಾಖಲೆಯನ್ನು ಡಿವಿಲಿಯರ್ಸ್‌ ಮುರಿದರು. ಅವರು ಕೇವಲ 31 ಎಸೆತದಲ್ಲೇ ಸೆಂಚುರಿ ಭಾರಿಸಿದರು.

ಕೋರೆ ಆಂಡರ್ಸನ್‌ ಅವರನ್ನು ತಂಡಕ್ಕೆ ಸ್ವಾಗತಿಸಿರುವ ಆರ್‌ಸಿಬಿ ಕೋಚ್ ಮತ್ತು ಮೆಂಟರ್ ಡೇನಿಯಲ್ ವೆಟೊರಿ 'ಕೋರೆ ಆಂಡರ್ಸನ್ ಒಬ್ಬ ಅದ್ಬುತ ಆಲ್‌ರೌಡರ್, ಆತ ಅದ್ಬುತ ಸಾಮರ್ಥ್ಯದಿಂದ ಪಂದ್ಯದ ಗತಿಯನ್ನೇ ಬದಲಾಯಿಸಬಲ್ಲ ಆಟಗಾರ' ಎಂದಿದ್ದಾರೆ.

ಆರ್‌ಸಿಬಿ ತಂಡವೂ ಸಹ ಕೋರೆ ಅವರನ್ನು ತಂಡಕ್ಕೆ ಸ್ವಾಗತಿಸಿದೆ. ಜೊತೆಗೆ ಕೌಲ್ಟರ್ ನೇಲ್ ಅವರು ಬೇಗ ಗುಣಮುಖವಾಗಲಿ ಹಾಗೂ ಆರ್‌ಸಿಬಿ ತಂಡವನ್ನು ಸೇರಿಕೊಳ್ಳಲಿ ಎಂದು ಹಾರೈಸಿದೆ.

For Quick Alerts
ALLOW NOTIFICATIONS
For Daily Alerts

    ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

    Story first published: Saturday, March 24, 2018, 16:46 [IST]
    Other articles published on Mar 24, 2018
    POLLS

    myKhel ನಿಂದ ತಾಜಾ ಸುದ್ದಿಗಳನ್ನು ಪಡೆಯಿರಿ

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more