ಸಿಂಧುಗೆ ಮತ್ತೊಮ್ಮೆ ಕಾರು ಕೀ ನೀಡಲಿರುವ ಸಚಿನ್

ಹೈದರಾಬಾದ್, ಆಗಸ್ಟ್ 23: ರಿಯೋ ಒಲಿಂಪಿಕ್ಸ್‌ ಬಾಡ್ಮಿಂಟನ್ ನಲ್ಲಿ ಬೆಳ್ಳಿ ಪದಕ ಗೆದ್ದು, ಭಾರತಕ್ಕೆ ಮರಳಿರುವ ಪಿವಿ ಸಿಂಧುಗೆ ಅಭೂತಪೂರ್ವ ಸ್ವಾಗತ ಸಿಕ್ಕಿದೆ. ಈ ನಡುವೆ ಉದ್ಯಮಿ ಚಾಮುಂಡೇಶ್ವರನಾಥ್ ಅವರು ಸಿಂಧುಗೆ ಐಷಾರಾಮಿ ಕಾರಿನ ಉಡುಗೊರೆ ಘೋಷಿಸಿದ್ದು ತಿಳಿದಿರಬಹುದು. ಈ ವಿಶೇಷ ಉಡುಗೊರೆಯನ್ನು ಕ್ರಿಕೆಟ್ ದಿಗ್ಗಜ ಸಚಿನ್ ಅವರು ನೀಡಲಿದ್ದಾರೆ.

ರಿಯೋ ಒಲಿಂಪಿಕ್ಸ್ 2016 : ಗ್ಯಾಲರಿ || ವಿಶೇಷ ಪುಟ

ಈ ಹಿಂದೆ ಅಂಡರ್-19 ಚಾಂಪಿಯನ್‌ಶಿಪ್‌ನಲ್ಲಿ ಬಾಲಕಿಯರ ಸಿಂಗಲ್ಸ್ ಪ್ರಶಸ್ತಿಯನ್ನು ಗೆದ್ದಿದ್ದ ಸಿಂಧು ಅವರಿಗೆ ಮಾರುತಿ ಸ್ವಿಫ್ಟ್ ಕಾರನ್ನು ತೆಂಡೂಲ್ಕರ್ ಉಡುಗೊರೆಯಾಗಿ ನೀಡಿದ್ದರು. ಈಗ ಬಿಎಂಡಬ್ಲ್ಯೂ ಕಾರಿನ ಕೀ ನೀಡಲಿದ್ದಾರೆ ಎಂದು ಸಚಿನ್ ಅವರ ಗೆಳೆಯ ಚಾಮುಂಡೇಶ್ವರನಾಥ್ ಹೇಳಿದ್ದಾರೆ.[ಬಾಡ್ಮಿಂಟನ್ ತಾರೆ ಸಿಂಧು ಬಗ್ಗೆ ತಿಳಿದುಕೊಳ್ಳಿ]

ಬ್ಯಾಡ್ಮಿಂಟನ್ ಆಟಗಾರ್ತಿ ಪಿ.ವಿ.ಸಿಂಧು ಅವರಿಗೆ ಆಗಸ್ಟ್ 28 ರಂದು ಕ್ರಿಕೆಟ್ ದಿಗ್ಗಜ, ಸಂಸದ ಸಚಿನ್ ತೆಂಡೂಲ್ಕರ್ ಅವರು ಹೊಚ್ಚ ಹೊಸ ಮಾದರಿಯ ಬಿಎಂಡಬ್ಲ್ಯೂ ಕಾರಿನ ಕೀಯನ್ನು ಹಸ್ತಾಂತರಿಸಲಿದ್ದಾರೆ. [ಪಿವಿ ಸಿಂಧುಗೆ ಬಿಎಂಡಬ್ಲೂ ಕಾರ್ ಗಿಫ್ಟ್]

ನಾಲ್ಕು ವರ್ಷಗಳ ಹಿಂದೆ ಲಂಡನ್ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಬಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್‌ ಅವರಿಗೆ ತೆಂಡೂಲ್ಕರ್ ಬಿಎಂಡಬ್ಲು ಕಾರನ್ನು ಉಡುಗೊರೆಯಾಗಿ ನೀಡಿದ್ದರು. [ಸಿಂಧುಗೆ ಕಡೆಗೆ ಹರಿದು ಬಂದ ಗಿಫ್ಟ್ ಗಳ ರಾಶಿ]


ಅದೇ ವರ್ಷ(2012ರಲ್ಲಿ) ಏಷ್ಯನ್ ಯೂತ್ ಅಂಡರ್-19 ಚಾಂಪಿಯನ್‌ಶಿಪ್‌ನಲ್ಲಿ ಬಾಲಕಿಯರ ಸಿಂಗಲ್ಸ್ ಪ್ರಶಸ್ತಿಯನ್ನು ಜಯಿಸಿದ್ದ ಸಿಂಧುಗೆ ಮಾರುತಿ ಸ್ವಿಫ್ಟ್ ಕಾರು ಗಿಫ್ಟ್ ಆಗಿ ಸಿಕ್ಕಿತ್ತು.