India vs West Indies: ಧೋನಿ ದಾಖಲೆ ಸರಿಗಟ್ಟಲಿದ್ದಾರೆ ರಿಷಬ್ ಪಂತ್

ಕೀಪಿಂಗ್ ದಾಖಲೆಗೆ ಅವಕಾಶ

ಶುಕ್ರವಾರ (ಡಿಸೆಂಬರ್ 6) ನಡೆಯಲಿರುವ ವೆಸ್ಟ್ ಇಂಡೀಸ್ vs ಭಾರತ ಮೊದಲನೇ ಟಿ20 ಪಂದ್ಯದಲ್ಲಿ ವಿಕೆಟ್‌ ಕೀಪಿಂಗ್ ಜವಾಬ್ದಾರಿ ನಿರ್ವಹಿಸಲಿರುವ ಪಂತ್‌ಗೆ ಧೋನಿ ದಾಖಲೆ ಮೀರಿಸಲು ಇಲ್ಲವೆ ಸರಿದೂಗಿಸಲು ಅವಕಾಶವಿದೆ. ಕೀಪರ್‌ ಆಗಿ ಎದುರಾಳಿ ಆಟಗಾರರ ಔಟ್‌ಗೆ ಪಂತ್‌ ಕಾರಣರಾದರೆ ದಾಖಲೆ ನಿರ್ಮಾಣವಾಗಲಿದೆ.

ಕೂಲ್ ಕ್ಯಾಪ್ಟನ್ ಟಾಪರ್

ಕೀಪರ್ ಆಗಿದ್ದುಕೊಂಡು ಭಾರತ-ವೆಸ್ಟ್ ಇಂಡೀಸ್ ಟಿ20 ಸರಣಿಯಲ್ಲಿ ಅತೀ ಹೆಚ್ಚು ವಿಕೆಟ್ ಉರುಳಿಸಿದ ದಾಖಲೆ ಎಂಎಸ್ ಧೋನಿ ಹೆಸರಿನಲ್ಲಿದೆ. ಧೋನಿ ಒಟ್ಟು 7 ಪಂದ್ಯಗಳಲ್ಲಿ 5 ಬಾರಿ ಎದುರಾಳಿ ಆಟಗಾರನನ್ನು ಔಟ್ ಮಾಡಿದ್ದರು. ಇದರಲ್ಲಿ 3 ಕ್ಯಾಚ್, 2 ಸ್ಟಂಪಿಂಗ್ ಸೇರಿತ್ತು.

ದ್ವಿತೀಯ ಸ್ಥಾನದಲ್ಲಿ ದಿನೇಶ್

ಭಾರತ-ವೆಸ್ಟ್ ಇಂಡೀಸ್ ಟಿ20 ಪಂದ್ಯಗಳಲ್ಲಿ ಹೆಚ್ಚು ವಿಕೆಟ್ ಕೆಡವಿದ ಕೀಪರ್‌ಗಳಲ್ಲಿ ವಿಂಡೀಸ್‌ನ ದಿನೇಶ್ ರಾಮ್‌ದಿನ್ ದ್ವಿತೀಯ ಸ್ಥಾನದಲ್ಲಿದ್ದಾರೆ. ರಾಮ್‌ದಿನ ಕೂಡ 7 ಪಂದ್ಯಗಳಲ್ಲಿ ಐದು ಕ್ಯಾಚ್ ಪಡೆದಿದ್ದಾರೆ. ಆದರೆ ರಾಮ್‌ದಿನ್ ಒಂದೂ ಸ್ಟಂಪ್‌ ಔಟ್ ಮಾಡಿಲ್ಲ.

ಪಟ್ಟಿಯಲ್ಲಿ ಭಾರತದ ಡಿಕೆ

ವೆಸ್ಟ್ ಇಂಡೀಸ್ vs ಭಾರತ ಟಿ20 ಪಂದ್ಯಗಳಲ್ಲಿ ಹೆಚ್ಚು ವಿಕೆಟ್‌ ಪಡೆದ ವಿಕೆಟ್ ಕೀಪರ್‌ಗಳಲ್ಲಿ 3ನೇ ಸ್ಥಾನದಲ್ಲಿರುವ ವೆಸ್ಟ್ ಇಂಡೀಸ್‌ನ ಆಂಡ್ರೆ ಫ್ಲೆಚರ್ 4 ಪಂದ್ಯಗಳಲ್ಲಿ 3 (ಕ್ಯಾಚ್), ಭಾರತದ ದಿನೇಶ್ ಕಾರ್ತಿಕ್ 4ರಲ್ಲಿ 3 (ಕ್ಯಾಚ್), ಭಾರತ ರಿಷಬ್ ಪಂತ್ 7 ಪಂದ್ಯಗಳಲ್ಲಿ 3 (ಕ್ಯಾಚ್‌) ವಿಕೆಟ್ ಕೆಡವಿದ್ದಾರೆ.