ಭಾರತ-ಇಂಗ್ಲೆಂಡ್ ಸರಣಿಯಲ್ಲಿ ನಿರ್ಮಾಣವಾದ 7 ವಿಶ್ವದಾಖಲೆಗಳು

ಭಾರತ ಹಾಗೂ ಇಂಗ್ಲೆಂಡ್ ನಡುವಣ ಟೆಸ್ಟ್‌ ಸರಣಿ ಇತಿಹಾಸದ ಪುಟ ಸೇರಿದೆ. ಈ ಸರಣಿಯಲ್ಲಿ ಯಂಗ್ ಟೀಮ್ ಇಂಡಿಯಾ ಅಮೋಘ ಪ್ರದರ್ಶನ ನೀಡಿ ಅಬ್ಬರಿಸಿದೆ. ಈ ಟೆಸ್ಟ್‌ ಸರಣಿ ಹಲವು ಕಾರಣಗಳಿಗೆ ಅಭಿಮಾನಿಗಳ ನೆನಪಿನಲ್ಲಿ ಉಳಿಯುತ್ತದೆ. ಅದರಲ್ಲಿ ಈ 7 ಕಾರಣಗಳಿಂದ ಫ್ಯಾನ್ಸ್‌ ಮನಸ್ಸಿನಲ್ಲಿ ಬಹು ದಿನಗಳ ವರೆಗೂ ಇರಲಿದೆ. ಆ ಕಾರಣಗಳ ಬಗ್ಗೆ ವರದಿ ಇಲ್ಲಿದೆ.

ಆಂಡರ್ಸನ್‌ ತೆಂಡೂಲ್ಕರ್ ಸರಣಿಯಲ್ಲಿ ಈ ಬಾರಿ ಐದು ಟೆಸ್ಟ್‌ ಪಂದ್ಯಗಳನ್ನು ಆಡಲಾಗಿತ್ತು. ಈ ವೇಳೆ ಭಾರತ 2 ಹಾಗೂ ಇಂಗ್ಲೆಂಡ್ 2 ಪಂದ್ಯಗಳಲ್ಲಿ ಜಯ ಸಾಧಿಸಿದ್ದವು. ಇನ್ನು ಮ್ಯಾಂಚೆಸ್ಟರ್‌ ಟೆಸ್ಟ್‌ ಪಂದ್ಯ ಡ್ರಾದಲ್ಲಿ ಅಂತ್ಯವಾಗಿತ್ತು. ಈ ಸರಣಿಯಲ್ಲಿ ಉಭಯ ತಂಡಗಳ ಆಟಗಾರರು ಸೊಗಸಾದ ಪ್ರದರ್ಶನ ನೀಡಿದ್ದಾರೆ. ಅದರಲ್ಲೂ 9 ಬ್ಯಾಟರ್‌ಗಳು 400ಕ್ಕೂ ಹೆಚ್ಚು ರನ್‌ ಕಲೆ ಹಾಕಿದ ದಾಖಲೆ ಬರೆದಿದ್ದಾರೆ. ಇದು ಟೆಸ್ಟ್‌ ಕ್ರಿಕೆಟ್‌ ಇತಿಹಾಸದಲ್ಲೇ ಮೊದಲನೆಯದ್ದಾಗಿದೆ.

ಈ ಸರಣಿಯಲ್ಲಿ ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿರುವ ಶುಭಮನ್‌ ಗಿಲ್‌, ಟೀಮ್ ಇಂಡಿಯಾ ಪರ ನಾಯಕರಾಗಿ ಅತಿ ಹೆಚ್ಚು ರನ್ ಕಲೆ ಹಾಕಿದ ದಾಖಲೆಯನ್ನು ಬರೆದಿದ್ದಾರೆ. ಇವರು ಈ ಸರಣಿಯಲ್ಲಿ ಆಡಿದ 5 ಪಂದ್ಯಗಳ 10 ಇನಿಂಗ್ಸ್‌ಗಳಲ್ಲಿ 754 ರನ್‌ ಸಿಡಿಸಿದ್ದಾರೆ. ಈ ಮೂಲಕ ಇವರು 1978ರಲ್ಲಿ ವಿಂಡೀಸ್‌ ವಿರುದ್ಧ ಗವಾಸ್ಕರ್‌ ನಿರ್ಮಿಸಿದ್ದ 732 ರನ್‌ ದಾಖಲೆ ಮೀರಿ ನಿಂತಿದ್ದಾರೆ.

ನಾಯಕನಾಗಿ ಗಿಲ್‌ ಆರ್ಭಟ

ಇಂಗ್ಲೆಂಡ್‌ ನೆಲದಲ್ಲಿ ಶುಭಮನ್‌ ಗಿಲ್ ವಿದೇಶಿ ನಾಯಕನಾಗಿ ಅತಿ ಹೆಚ್ಚು ರನ್ ಬಾರಿಸಿದ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಇವರು 1966ರಲ್ಲಿ ವಿಂಡೀಸ್‌ ನಾಯಕರಾಗಿದ್ದ ಗ್ಯಾರಿ ಸೋಬರ್ಸ್ ಬಾರಿಸಿದ್ದ 722 ರನ್‌ ದಾಖಲೆ ಅಳಿಸಿ ಹಾಕಿದರು.

ಇಂಗ್ಲೆಂಡ್ ನೆಲದಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ಏಷ್ಯಾದ ಬ್ಯಾಟರ್‌ ಎಂಬ ಹೆಗ್ಗಳಿಕೆ ತಮ್ಮದಾಗಿಸಿಕೊಂಡಿದ್ದಾರೆ. ಇವರು 2006ರಲ್ಲಿ ಪಾಕಿಸ್ತಾನದ ಮೊಹಮ್ಮದ್ ಯೂಸಫ್ ಬಾರಿಸಿದ್ದ 631 ರನ್‌ ಬಾರಿಸಿದ್ದರು.

ಇಂಗ್ಲೆಂಡ ತಂಡದ ಸ್ಟಾರ್ ಬ್ಯಾಟರ್‌ ಸಹ ಈ ಸರಣಿಯಲ್ಲಿ ರನ್‌ ಕಲೆ ಹಾಕಿ ಬೀಗಿದ್ದಾರೆ. ಇವರು ಈಗ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಕಲೆ ಹಾಕಿದ ಆಟಗಾರರ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಬಡ್ತಿ ಪಡೆದಿದ್ದಾರೆ.

ಓವಲ್‌ನಲ್ಲಿ ಟೀಮ್ ಇಂಡಿಯಾ 6 ರನ್‌ಗಳಿಂದ ಜಯ ಸಾಧಿಸಿದೆ. ಭಾರತದ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಇದು ಅತಿ ಕಡಿಮೆ ರನ್ ಅಂತರದ ಗೆಲುವಾಗಿದೆ. ಇದಕ್ಕೂ ಮೊದಲು ಭಾರತ 13 ರನ್‌ಗಳಿಂದ ಗೆದ್ದಿರುವುದು ಚಿಕ್ಕ ಅಂತರದ ಗೆಲವಾಗಿತ್ತು. 2004ರಲ್ಲಿ ವಾಂಖೇಡೆಯಲ್ಲಿ ನಡೆದಿದ್ದ ಪಂದ್ಯದಲ್ಲಿ ಭಾರತ, ಆಸ್ಟ್ರೇಲಿಯಾ ತಂಡವನ್ನು ಮಣಿಸಿ ತ್ರಿವಿಕ್ರಮ ಮಾಡಿತ್ತು.

ರವೀಂದ್ರ ಜಡೇಜಾ ಇಂಗ್ಲೆಂಡ್ ವಿರುದ್ಧದ ಒಂದೇ ಸರಣಿಯಲ್ಲಿ 50ಕ್ಕೂ ಹೆಚ್ಚು ರನ್ ಬಾರಿಸಿದ ಬ್ಯಾಟರ್‌ ಎಂಬ ಹಿರಿಮೆ ತಮ್ಮದಾಗಿಸಿಕೊಂಡಿದ್ದಾರೆ. ಇವರು ಈ ಸರಣಿಯಲ್ಲಿ 6 ಬಾರಿ ಈ ಸಾಧನೆ ಮಾಡಿದ್ದರು. ಈ ಮೊದಲು ಸುನಿಲ್ ಗವಾಸ್ಕರ್‌ ಹೆಸರಿನಲ್ಲಿತ್ತು. ಇವರು 1979ರಲ್ಲಿ 5 ಬಾರಿ 50ಕ್ಕೂ ಹೆಚ್ಚು ರನ್ ಸಿಡಿಸಿದ್ದರು.