SL vs AFG: ಏಕದಿನ ಕ್ರಿಕೆಟ್‌ನಲ್ಲಿ ಈ ಸಾಧನೆ ಮಾಡಿದ ಮೊದಲ ಶ್ರೀಲಂಕನ್ ಪಾಥುಮ್ ನಿಸ್ಸಾಂಕಾ; ಅಫ್ಘಾನ್ ವಿರುದ್ಧ ಜಯ

ಶುಕ್ರವಾರ, ಫೆಬ್ರವರಿ 9ರಂದು ಪಲ್ಲೆಕೆಲೆಯಲ್ಲಿ ನಡೆದ ಅಫ್ಘಾನಿಸ್ತಾನ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಶ್ರೀಲಂಕಾದ ಬ್ಯಾಟರ್ ಪಾಥುಮ್ ನಿಸ್ಸಾಂಕಾ ಭರ್ಜರಿ ದ್ವಿಶತಕ ಬಾರಿಸಿದರು. ಏಕದಿನ ಕ್ರಿಕೆಟ್‌ನಲ್ಲಿ ಈ ಸಾಧನೆ ಮಾಡಿದ ಮೊದಲ ಶ್ರೀಲಂಕಾ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಇನ್ನು ಪಾಥುಮ್ ನಿಸ್ಸಾಂಕಾ ಅವರ ದಾಖಲೆಯ ದ್ವಿಶತಕದ ನೆರವಿನಿಂದ ಶ್ರೀಲಂಕಾ ತಂಡವು ನಡೆದ ಮೂರು ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ 42 ರನ್‌ಗಳ ಅಮೋಘ ಗೆಲುವು ಸಾಧಿಸಿತು.

ಕೇವಲ 136 ಎಸೆತಗಳಲ್ಲಿ 200 ರನ್ ಗಳಿಸಿದ ಪಾಥುಮ್ ನಿಸ್ಸಾಂಕಾ, ಶ್ರೀಲಂಕಾದ ಮಾಜಿ ಕ್ರಿಕೆಟಿಗ ಸನತ್ ಜಯಸೂರ್ಯ ಅವರ 24 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದರು.

ಶ್ರೀಲಂಕಾ ನೀಡಿದ 382 ರನ್‌ಗಳ ಕಠಿಣ ಗುರಿಯನ್ನು ಬೆನ್ನಟ್ಟಿದ ಅಫ್ಘಾನಿಸ್ತಾನ ಒಂದು ಹಂತದಲ್ಲಿ 55 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ನಂತರ ಮೊಹಮ್ಮದ್ ನಬಿ ಮತ್ತು ಅಜ್ಮತುಲ್ಲಾ ಒಮರ್ಜಾಯ್ ಭರ್ಜರಿ ಶತಕಗಳನ್ನು ಸಿಡಿಸಿದ್ದರಿಂದ 6 ವಿಕೆಟ್‌ಗೆ 339 ರನ್ ಗಳಿಸಿತು. ಆದರೆ ಗೆಲುವಿನ ಗುರಿ ತಲುಪಲು ಸಾಧ್ಯವಾಗಲಿಲ್ಲ.

ಪಾಥುಮ್ ನಿಸ್ಸಾಂಕಾ ಅವರ ಅಜೇಯ 210 ರನ್‌ಗಳ ದಾಖಲೆಯು ಶ್ರೀಲಂಕಾದ ಮೊದಲ ಏಕದಿನ ದ್ವಿಶತಕವಾಗಿದೆ. ಈ ಹಿಂದೆ 2000ರಲ್ಲಿ ಸನತ್ ಜಯಸೂರ್ಯ ಅವರು ಭಾರತ ವಿರುದ್ಧ ದ್ವೀಪ ರಾಷ್ಟ್ರದ ಸುದೀರ್ಘ ದಾಖಲೆಯ 189 ರನ್‌ಗಳ ದಾಖಲೆಯನ್ನು ಮುರಿದರು.

ಮೊದಲ ಬ್ಯಾಟಿಂಗ್ ಮಾಡಿದ ಶ್ರೀಲಂಕಾ ತಂಡ ಪಾಥುಮ್ ನಿಸ್ಸಾಂಕಾ ಅವರ ಭರ್ಜರಿ ದ್ವಿಶತಕದ ಸಹಾಯದಿಂದ 50 ಓವರ್‌ಗಳಲ್ಲಿ 3 ವಿಕೆಟ್‌ಗೆ 381 ರನ್ ಗಳಿಸುವ ಮೂಲಕ ಅಫ್ಘಾನಿಸ್ತಾನ ವಿರುದ್ಧ ಬೃಹತ್ ಮೊತ್ತ ಕಲೆಹಾಕಿತು.

ಇದು ಏಕದಿನ ಪಂದ್ಯಗಳಲ್ಲಿ ಜಂಟಿ ಐದನೇ ಅತಿ ಹೆಚ್ಚು ವೈಯಕ್ತಿಕ ಸ್ಕೋರ್ ಆಗಿದೆ. ಶ್ರೀಲಂಕಾದ 381 ರನ್‌ಗಳು ದಾಖಲೆಯಲ್ಲಿ ತಂಡಗಳ ಪಟ್ಟಿಯಲ್ಲಿ ನಾಲ್ಕನೇ ಗರಿಷ್ಠವಾಗಿದೆ.

ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಪಾಥುಮ್ ನಿಸ್ಸಾಂಕ 2023ರ ವಿಶ್ವಕಪ್‌ನ ನಂತರದ ತನ್ನ ಮೊದಲ ಏಕದಿನ ಪಂದ್ಯದಲ್ಲಿ ಅವರು ಎದುರಿಸಿದ 139 ಎಸೆತಗಳಲ್ಲಿ 20 ಬೌಂಡರಿಗಳು ಮತ್ತು 8 ಸಿಕ್ಸರ್‌ಗಳನ್ನು ಒಳಗೊಂಡಿದ್ದವು.

27ನೇ ಓವರ್‌ನಲ್ಲಿ ಬ್ಯಾಕ್‌ವರ್ಡ್ ಪಾಯಿಂಟ್‌ನಲ್ಲಿ ಇಬ್ರಾಹಿಂ ಜದ್ರಾನ್‌ಗೆ ಕ್ಯಾಚ್ ನೀಡಿ ಹೊರನಡೆದ ಅವಿಷ್ಕಾ ಫೆರ್ನಾಂಡೋ 88 ರನ್ ಗಳಿಸಿದರು. ನಂತರ ಬಂದ ನಾಯಕ ಕುಸಾಲ್ ಮೆಂಡಿಸ್ ಕ್ರೀಸ್ ತೆಗೆದುಕೊಂಡರು. ಆದರೆ ಪರಿಣಾಮ ಬೀರಲು ವಿಫಲರಾದರು ಮತ್ತು 16 ರನ್ ಗಳಿಸಿದರು.

ಸದೀರ ಸಮರವಿಕ್ರಮ ಅವರು ಪಾಥುಮ್ ನಿಸ್ಸಾಂಕ ಜೋಡಿಯು 120 ರನ್ ಜೊತೆಯಾಟ ನೀಡಿತು ಮತ್ತು ಸಮರವಿಕ್ರಮ 36 ಎಸೆತಗಳಲ್ಲಿ 44 ರನ್ ಗಳಿಸಿದರು. ಅಫ್ಘಾನಿಸ್ತಾನದ ಫರೀದ್ ಅಹ್ಮದ್ ಅವರು ಸಮರವಿಕ್ರಮ ಮತ್ತು ಫರ್ನಾಂಡೋ ಅವರ ವಿಕೆಟ್‌ಗಳನ್ನು ಪಡೆದರು.

ಬೆನ್ನುಮೂಳೆಯ ಶಸ್ತ್ರಚಿಕಿತ್ಸೆಯಿಂದ ಚೇತರಿಸಿಕೊಳ್ಳಲು ಕಳೆದ ತಿಂಗಳಿನಿಂದ ಆಲ್‌ರೌಂಡರ್ ರಶೀದ್ ಖಾನ್ ತಂಡದಿಂದ ಹೊರಗುಳಿದಿದ್ದು, ಪ್ರವಾಸಿ ತಂಡ ನಾಲ್ಕು ವೇಗದ ಬೌಲರ್‌ಗಳನ್ನು ಆಯ್ಕೆ ಮಾಡಿಕೊಂಡರು.

ಇನ್ನು ಅಫ್ಘಾನಿಸ್ತಾನ ತಂಡದ ಪರ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಮೊಹಮ್ಮದ್ ನಬಿ ಮತ್ತು ಅಜ್ಮತುಲ್ಲಾ ಒಮರ್ಜಾಯ್ ತಂಡವನ್ನು ರೋಚಕ ಗೆಲುವಿನೆಡೆಗೆ ಕೊಂಡೊಯ್ಯಲು ಪ್ರಯತ್ನಿಸಿದರು. ಅಂತಿಮವಾಗಿ, ಅಫ್ಘಾನಿಸ್ತಾನ ತಂಡ 50 ಓವರ್‌ಗಳಲ್ಲಿ 6 ವಿಕೆಟ್‌ಗೆ 339 ರನ್ ಗಳಿಸಲಷ್ಟೇ ಶಕ್ತವಾಯಿತು.