IND vs SL: ಟಿ20 ಸರಣಿಗೂ ಮುನ್ನ ನಾಯಕನಿಂದ ರಿಂಕು ಸಿಂಗ್‌ಗೆ ವಿಶೇಷ ಉಡುಗೊರೆ!

ಜುಲೈ 24 ಬುಧವಾರ, ಯುಜ್ವೇಂದ್ರ ಚಹಾಲ್ ನಂತರ ಟೀಮ್ ಇಂಡಿಯಾದ ಹೊಸ ಟಿ20 ನಾಯಕ ಸೂರ್ಯಕುಮಾರ್ ಯಾದವ್ ಎರಡನೇ ತಮಾಷೆಯ ಆಟಗಾರನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಟಿ20 ಮತ್ತು ಏಕದಿನ ಸರಣಿಗಾಗಿ ಭಾರತ ತಂಡವು ಶ್ರೀಲಂಕಾ ತಲುಪಿದೆ. ಇದಕ್ಕೂ ಮುನ್ನ ರಿಂಕು ಸಿಂಗ್‌ಗೆ ಸೂರ್ಯಕುಮಾರ್‌ ಯಾದವ್‌ ಶುಭ ಸುದ್ದಿ ನೀಡಿದ್ದಾರೆ.

ಸೂರ್ಯ ಅವರು ರಿಂಕುಗೆ ಭರ್ಜರಿ ಗಿಫ್ಟ್ ಕೊಡಲಿದ್ದಾರೆ. ಸೂರ್ಯ ನೀಡಿದ ಉಡುಗೊರೆ ವಿರಾಟ್ ಕೊಹ್ಲಿ ಅವರಿಗೆ ಸಂಬಂಧಿಸಿದಾಗಿದೆ. ಈ ಬಗ್ಗೆ ಸೂರ್ಯಕುಮಾರ್‌ ಯಾದವ್‌ ಇನ್‌ಸ್ಟಾಗ್ರಾಮ್‌ನಲ್ಲಿ ರಿಂಕು ಸಿಂಗ್ ಜೊತೆಗಿನ ಫೋಟೋವನ್ನು ಹಂಚಿಕೊಂಡು ತಿಳಿಸಿದ್ದಾರೆ.

ಸ್ಕೈ ಇನ್‌ಸ್ಟಾಗ್ರಾಮ್‌ನಲ್ಲಿ ಏನಿದೆ?

ಸೋಮವಾರ ಟೀಮ್‌ ಇಂಡಿಯಾ ನೂತನ ಹೆಡ್‌ ಕೋಚ್‌ ಗೌತಮ್‌ ಗಂಭೀರ್‌ ಅವರೊಂದಿಗೆ ಶ್ರೀಲಂಕಾ ತಲುಪಿದೆ. ಇದರ ಹಲವು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಇದೇ ವೇಳೆ ಭಾರತ ತಂಡವೂ ಮಂಗಳವಾರ ಅಭ್ಯಾಸ ಆರಂಭಿಸಿತು. ಈ ಅವಧಿಯಲ್ಲಿ ಭಾರತ ತಂಡದ ಹಲವು ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿವೆ.

ಈ ಪೈಕಿ ಸೂರ್ಯಕುಮಾರ್ ಯಾದವ್ ಅವರು ತಮ್ಮ ಇನ್‌ಸ್ಟಾಗ್ರಾಮ್‌ ಸ್ಟೋರಿಯಲ್ಲಿ ರಿಂಕು ಸಿಂಗ್ ಜೊತೆಗಿನ ಫೋಟೋವನ್ನು ಹಾಕಿದ್ದಾರೆ. ಅದರಲ್ಲಿ ಸ್ಕೈ ರಿಂಕು ಅವರ ಭುಜದ ಮೇಲೆ ಕೈಯಿಟ್ಟು ಏನೋ ಹೇಳುತ್ತಿದ್ದಾರೆ. ಈ ಫೋಟೋದ ಇಂಗಿತದ ಮೇಲೆ, ಸೂರ್ಯ ತನ್ನ ಸ್ಟೋರಿಯಲ್ಲಿ, 'ಸರಿ, ಬ್ಯಾಟ್ ತೆಗೆದುಕೊಳ್ಳಿ' ಎಂದು ಬರೆದಿದ್ದಾರೆ.

ಈ ಸ್ಟೋರಿ ನೋಡಿದ ಕ್ರಿಕೆಟ್‌ ಅಭಿಮಾನಿಗಗಳು ಸೂರ್ಯ ಅವರಿಂದ ರಿಂಕು ಹೊಸ ಬ್ಯಾಟ್‌ ಉಡುಗೊರೆಯಾಗಿ ಪಡೆಯಲಿದ್ದಾರೆ ಎಂದು ಹೇಳುತ್ತಿದ್ದಾರೆ. ಈ ಹಿಂದೆ ಐಪಿಎಲ್‌ 2024ರಲ್ಲೂ ವಿರಾಟ್‌ ಕೊಹ್ಲಿ ಅವರಿಂದ ರಿಂಕು ಹೊಸ ಎರಡು ಬ್ಯಾಟ್‌ಗಳನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದರು.

ಈ ವಿಡಿಯೋ ಕೂಡ ವೈಲರ್‌ ಆಗಿತ್ತು. ವಿಡಿಯೋದಲ್ಲಿ ವಿರಾಟ್ ಕೊಹ್ಲಿ ಬಳಿ ಹೊಸ ಬ್ಯಾಟ್‌ಗಾಗಿ ರಿಂಕು ಮನವಿ ಮಾಡುತ್ತಿದ್ದರು. ವಿರಾಟ್ ಕೂಡ ರಿಂಕುವನ್ನು ರೇಗಿಸಿ ಹಳೆಯ ಬ್ಯಾಟ್ ಬಗ್ಗೆ ಕೇಳಿದರು.

ಆಗ ವಿರಾಟ್‌ಗೆ ಬ್ಯಾಟ್ ಮುರಿದ ಬಗ್ಗೆ ರಿಂಕು ಮಗುವಿನಂತೆ ಭಯದಿಂದ ಹೇಳಿದ್ದರು. ಇದಾದ ಬಳಿಕ ರಿಂಕು ಸಿಂಗ್ ವಿರಾಟ್ ಅವರಿಂದ ಬ್ಯಾಟ್ ಪಡೆದಿದ್ದರು.

ರೋಹಿತ್‌ ಸಿಂಹಾಸನದ ಮೇಲೆ ಸೂರ್ಯ

ರೋಹಿತ್ ಶರ್ಮಾ 2024ರ ಟಿ20 ವಿಶ್ವಕಪ್‌ನ ಗೆಲುವಿನ ಬಳಿಕ ಚುಟುಕು ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದರು. ಇದಾದ ನಂತರ ಟಿ20ಯಲ್ಲಿ ನಾಯಕತ್ವದ ಬಗ್ಗೆ ಚರ್ಚೆಗಳು ತೀವ್ರಗೊಂಡವು.

ಆದರೆ, ಮೊದಲಿನಂತೆ ಹಾರ್ದಿಕ್ ಪಾಂಡ್ಯ ಅವರನ್ನು ಖಾಯಂ ನಾಯಕರನ್ನಾಗಿ ಮಾಡಲಾಗುತ್ತದೆ ಎಂಬ ಊಹಾಪೋಹಗಳಿದ್ದವು. ಹೊಸ ಕೋಚ್ ಗೌತಮ್ ಗಂಭೀರ್ ಆಗಮನದ ನಂತರ, ನಿರ್ಧಾರಗಳು ವಿರುದ್ಧವಾಗಿ ಕಾಣಿಸಿಕೊಂಡವು. ಟಿ20 ತಂಡದ ನಾಯಕತ್ವವನ್ನು ಸೂರ್ಯಕುಮಾರ್ ಯಾದವ್ ಅವರಿಗೆ ನೀಡಲಾಯಿತು.