ಆರ್ ಸಿಬಿಯನ್ನು 5 ನೇ ಸ್ಥಾನಕ್ಕೆ ತಳ್ಳಿದ ವಾರ್ನರ್

ವಾರ್ನರ್ ಆರ್ಭಟಕ್ಕೆ ಮಂಕಾದ ಪ್ರೀತಿ ಹುಡುಗರು

ಉತ್ತಮ ಆರಂಭ ಪಡೆದುಕೊಂಡ ಹೈದ್ರಾಬಾದ್ ಗೆ ಆರಂಭಿಕರಾದ ಡೇವಿಡ್ ವಾರ್ನರ್ ಮತ್ತು ಶಿಖರ್ ಧವನ್ ಜೊತೆಗೂಡಿ 6.1 ಓವರ್ ಗಳಲ್ಲಿ 54 ರನ್ ಪೇರಿಸಿದರು. ಧವನ್ ನಂತರ ಆಗಮಿಸಿದ ಹೆನ್ರಿಕ್ಸ್ ಸಹ ನಾಯಕನಿಗೆ ಉತ್ತಮ ಸಾಥ್ ನೀಡಿದರು. ಎರಡನೇ ವಿಕೆಟ್ 13 ನೇ ಓವರ್ ನಲ್ಲಿ ಪತನವಾದಾಗ ಹೈದ್ರಾಬಾದ್ 110 ರನ್ ಗಳಿಸಿತ್ತು.

ರಾಹುಲ್-ಕರಣ್ ಶರ್ಮಾ ಜುಗಲ್ ಬಂದಿ

ಹೈದ್ರಾಬಾದ್ ಇನಿಂಗ್ಸ್ ನ ಕೊನೆಯಲ್ಲಿ ಜತೆಯಾದ ಕನ್ನಡಿಗ ಕೆ.ಎಲ್. ರಾಹುಲ್ ಹಾಗೂ ಕರಣ್ ಶರ್ಮಾ ಜೋಡಿ ಮುರಿಯದ 16 ಎಸೆತಗಳಲ್ಲಿ 28 ರನ್ ಸೇರಿಸಿ, ತಂಡದ ಮೊತ್ತವನ್ನು 185ಕ್ಕೆ ಹೆಚ್ಚಿಸಿದರು.

ಪಂಜಾಬ್ ಆರಂಭ ಚೆನ್ನಾಗಿತ್ತು

ಆರಂಭಿಕರಾದ ಮುರಳಿ ವಿಜಯ್ ಹಾಗೂ ಮನನ್ ವೊಹ್ರಾ ಮೊದಲ ವಿಕೆಟ್ ಗೆ 42 ರನ್ ಜತೆಯಾಟ ನೀಡಿದರು. ಆದರೆ, ಬಿಪುಲ್ ಶರ್ಮಾ ಮಾರಕ ದಾಳಿಗೆ ಸಿಕ್ಕ ಆರಂಭಿಕರು ಒಂದೆ ಸಮಯದಲ್ಲಿ ವಿಕೆಟ್ ಒಪ್ಪಿಸಿದ್ದು ಪಂಜಾಬ್ ಗೆ ಹೊಡೆತ ನೀಡಿತು.

ಮಿಲ್ಲರ್ ಕಿಲ್ಲರ್ ಆಟ

ಪಂಜಾಬ್ ಮಧ್ಯಮ ಕ್ರಮಾಂಕದ ಆಟಗಾರರು ಹೆಚ್ಚು ಹೊತ್ತು ಕ್ರೀಸ್ ನಲ್ಲಿ ನಿಲ್ಲಲಿಲ್ಲ. ಹಿಂದಿನ ಪಂದ್ಯದಲ್ಲಿ ಆರ್ಭಟಿಸಿದ್ದ ಮಾಕ್ಸವೆಲ್ ಬೇಗನೇ ಪೆವಿಲಿಯನ್ ಸೇರಿಕೊಂಡರು. ಒಂದು ಕಡೆ ಗಟ್ಟಿಯಾಗಿ ನಿಂತ ಡೇವಿಡ್ ಮಿಲ್ಲರ್ ಹೈದ್ರಾಬಾದ್ ಬೌಲರ್ ಗಳ ಬೆವರಿಳಿಸಿದರು.

ಕೊನೆ ಓವರ್ ನಲ್ಲಿ 22 ರನ್!

ಕೊನೆ ಓವರ್ ನಲ್ಲಿ ಪಂಜಾಬ್ ಗೆ ಬೇಕಿದ್ದದ್ದು 28 ರನ್. ಇಶಾಂತ್ ಶರ್ಮಾ ಬಳಿ ಚೆಂಡಿದ್ದರೆ ಮಿಲ್ಲರ್ ಆಕ್ರಮಣಕ್ಕೆ ಸಿದ್ಧರಾಗಿದ್ದರು. ಕೊನೆ ಓವರ್ ನಲ್ಲಿ ಮಿಲ್ಲರ್ ಆರ್ಭಟಿಸಿದ ರೀತಿ ಟಿ-20ಯ ಮಜಾಕ್ಕೆ ನಿಜವಾದ ಉದಾಹರಣೆ. ಮೊದಲ ಮತ್ತು ಎರಡನೇ ಚೆಂಡನ್ನು ಮಿಲ್ಲರ್ ಸಿಕ್ಸರ್ ಗೆ ಅಟ್ಟಿದರು. ಆದರೆ ಮೂರನೇ ಎಸೆತ ಯಾರ್ಕರ್ ಆಗಿದ್ದು ಯಾವ ರನ್ ಬರಲಿಲ್ಲ. ಆದರೆ ನಾಲ್ಕನೇ ಎಸೆತವನ್ನು ಮಿಲ್ಲರ್ ಮತ್ತೆ ಬೌಂಡರಿಗೆ ಅಟ್ಟಿದರು. ಐದನೇ ಎಸೆತದಲ್ಲಿ ಯಾವುದೇ ರನ್ ಇಲ್ಲ. ಆದರೆ ಆರನೇ ಎಸೆತವನ್ನು ಮತ್ತೆ ಸಿಕ್ಸರ್ ಗೆ ಅಟ್ಟಿದ ಮಿಲ್ಲರ್ ತಮ್ಮ ಬ್ಯಾಟಿಂಗ್ ಪ್ರತಿಭೆ ಸಾಬೀತು ಮಾಡಿದರು.