IND vs PAK: ಪಾಕಿಸ್ತಾನದಿಂದ ಪಂದ್ಯ ಕಸಿಯುವ ಭಾರತದ ಆಟಗಾರರು ಇವರೇ; ಪಾಕ್ ಮಾಜಿ ಕ್ರಿಕೆಟಿಗ

ಸದ್ಯ ನಡಯುತ್ತಿರುವ 2024ರ ಐಸಿಸಿ ಟಿ20 ವಿಶ್ವಕಪ್‌ನ ತನ್ನ ಆರಂಭಿಕ ಪಂದ್ಯದಲ್ಲಿ ಭಾರತ ತಂಡವು ಐರ್ಲೆಂಡ್ ತಂಡವನ್ನು ಎಂಟು ವಿಕೆಟ್‌ಗಳಿಂದ ಸೋಲಿಸಿತು. ಮತ್ತೊಂದೆಡೆ, ಪಾಕಿಸ್ತಾನ ತಂಡವು ಆತಿಥೇಯ ಯುಎಸ್ಎ ವಿರುದ್ಧ ಸೂಪರ್‌ ಓವರ್‌ನಲ್ಲಿ ಹೀನಾಯ ಸೋಲು ಅನುಭವಿಸಿತು.

ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ತಂಡವು ಬ್ಯಾಟ್ ಮತ್ತು ಬೌಲ್‌ನೊಂದಿಗೆ ಫ್ಲಾಪ್ ಶೋ ಪ್ರದರ್ಶಿಸಿತು ಮತ್ತು ಪ್ರಸ್ತುತ ಪಂದ್ಯಾವಳಿಯಲ್ಲಿ ಸೂಪರ್ 8ರ ಹಂತಕ್ಕೆ ಅರ್ಹತೆ ಪಡೆಯುವ ಭಾರೀ ಒತ್ತಡಕ್ಕೆ ಸಿಲುಕಿದೆ.

ಭಾನುವಾರ, ಜೂನ್ 9ರಂದು ನಸ್ಸೌ ಕೌಂಟಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುವ ಹೈ-ವೋಲ್ಟೇಜ್ ಪಂದ್ಯದಲ್ಲಿ ಪಾಕಿಸ್ತಾನ ತಂಡವು ಟೀಮ್ ಇಂಡಿಯಾವನ್ನು ಸೋಲಿಸಬೇಕಾಗುತ್ತದೆ. ಇಲ್ಲದಿದ್ದರೆ ಮೆನ್ ಇನ್ ಗ್ರೀನ್ ಲೀಗ್ ಹಂತದ ನಂತರ ವಿದಾಯ ಹೇಳಬೇಕಾಗಬಹುದು.

ಸದ್ಯ ಪಾಕಿಸ್ತಾನ ತಂಡದ ಫಾರ್ಮ್ ಗಮನಿಸಿದರೆ, ಬಲಿಷ್ಠವಾಗಿ ಕಾಣುತ್ತಿರುವ ಭಾರತ ತಂಡವನ್ನು ಎದುರಿಸುವುದು ಸುಲಭವಲ್ಲ ಎಂದು ಪಾಕಿಸ್ತಾನದ ಅನುಭವಿ ಬ್ಯಾಟರ್ ಫವಾದ್ ಆಲಂ ಅಭಿಪ್ರಾಯಪಟ್ಟಿದ್ದಾರೆ.

ಭಾರತೀಯ ಸ್ಟಾರ್‌ಗಳಾದ ವಿರಾಟ್ ಕೊಹ್ಲಿ ಮತ್ತು ಜಸ್ಪ್ರೀತ್ ಬುಮ್ರಾ ಉತ್ತಮ ಫಾರ್ಮ್‌ನಲ್ಲಿದ್ದಾರೆ ಮತ್ತು ಪಾಕಿಸ್ತಾನದಿಂದ ಪಂದ್ಯವನ್ನು ಕಸಿದುಕೊಳ್ಳಬಹುದು ಎಂದು ತಿಳಿಸಿದರು.

ಭಾರತ ಅತ್ಯಂತ ಸಮತೋಲಿತ ತಂಡವನ್ನು ಹೊಂದಿದೆ ಮತ್ತು 2022ರ ಟಿ20 ವಿಶ್ವಕಪ್ ಫೈನಲಿಸ್ಟ್ ಪಾಕಿಸ್ತಾನಕ್ಕೆ ಸಾಂಪ್ರದಾಯಿಕ ಎದುರಾಳಿಯನ್ನು ಮೀರಿಸುವುದು ಕಷ್ಟ ಎಂದು ಫವಾದ್ ಆಲಂ ಹೇಳಿದ್ದಾರೆ.

"ವಿರಾಟ್ ಕೊಹ್ಲಿ ಮತ್ತು ಜಸ್ಪ್ರೀತ್ ಬುಮ್ರಾ ಅವರ ಅನುಭವ ಮತ್ತು ಅವರಿಬ್ಬರ ಗುಣಮಟ್ಟದ ಆಟದಿಂದಾಗಿ ಭಾರತ ತಂಡಕ್ಕೆ ಪಂದ್ಯದಲ್ಲಿ ಪ್ರಭಾವ ಬೀರುತ್ತಾರೆ. ಅವರು ಸುಲಭವಾಗಿ ಪಾಕಿಸ್ತಾನ ತಂಡದಿಂದ ಪಂದ್ಯವನ್ನು ಕಿತ್ತುಕೊಳ್ಳಬಹುದು. ಒಂದು ತಂಡವಾಗಿ, ಭಾರತ ಸಮತೋಲಿತವಾಗಿದೆ ಮತ್ತು ಅವರನ್ನು ಮೀರಿಸುವುದು ನಿಜವಾಗಿಯೂ ಕಷ್ಟಕರವಾಗಿರುತ್ತದೆ," ಎಂದು ಫವಾದ್ ಆಲಂ ಹೇಳಿದ್ದಾರೆ ಎಂದು ಹಿಂದೂಸ್ತಾನ್ ಟೈಮ್ಸ್ ವರದಿ ಮಾಡಿದೆ.

ಮೊಹಮ್ಮದ್ ಅಮೀರ್ ಪಂದ್ಯಶ್ರೇಷ್ಠ ಪ್ರದರ್ಶನ ನೀಡುತ್ತಾನೆ: ಫಾವದ್ ಆಲಂ

ಪಾಕಿಸ್ತಾನ ತಂಡದ ಸ್ಟಾರ್ ವೇಗಿ ಮೊಹಮ್ಮದ್ ಅಮೀರ್ ಯುಎಸ್ಎ ವಿರುದ್ಧ ಸೂಪರ್ ಓವರ್‌ನಲ್ಲಿ 18 ರನ್‌ಗಳನ್ನು ಸೋರಿಕೆ ಮಾಡಿದರು. ಇದು ಪಾಕಿಸ್ತಾನ ತಂಡದ ಪಂದ್ಯವನ್ನು ಅವಮಾನಕಾರಿಯಾಗಿ ಸೋಲುವಂತೆ ಮಾಡಿತು.

ಮೊಹಮ್ಮದ್ ಅಮೀರ್ ಹಲವಾರು ಎಕ್ಸ್‌ಟ್ರಾಗಳನ್ನು ಬೌಲ್ ಮಾಡಿದರು. ಇದು ಪ್ರವಾಸಿ ತಂಡದ ಮೇಲೆ ಒತ್ತಡ ಹೇರಿತು. ಅಂತಿಮವಾಗಿ, ಸೂಪರ್ ಓವರ್‌ನಲ್ಲಿ ಪಾಕಿಸ್ತಾನ ಐದು ರನ್‌ಗಳಿಂದ ಸೋತಿತು.

ಮೊಹಮ್ಮದ್ ಅಮೀರ್ ಅವರ ಪ್ರದರ್ಶನದ ಬಗ್ಗೆ ಮಾತನಾಡಿದ ಫಾವದ್ ಆಲಂ, ವೇಗಿ ತನ್ನನ್ನು ತಾನು ಪುನಃ ಪಡೆದುಕೊಳ್ಳುತ್ತಾನೆ ಮತ್ತು ಮುಂಬರುವ ಪಂದ್ಯದಲ್ಲಿ ಮತ್ತೆ ಉತ್ತಮ ಪ್ರದರ್ಶನ ನೀಡುತ್ತಾನೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

"ಮೊಹಮ್ಮದ್ ಅಮೀರ್ ತನ್ನನ್ನು ತಾನು ಕಂಡುಕೊಳ್ಳುತ್ತಾನೆ ಮತ್ತು ಭಾರತ ವಿರುದ್ಧ ಯೋಗ್ಯ ದಾಖಲೆಯನ್ನು ಹೊಂದಿರುವ ನಾಯಕ ಬಾಬರ್ ಅಜಂ ಜೊತೆಗೆ ಭಾರತದ ವಿರುದ್ಧ ಪಂದ್ಯಶ್ರೇಷ್ಠ ಪ್ರದರ್ಶನವನ್ನು ನೀಡುತ್ತಾನೆ ಎಂದು ನಾನು ಭಾವಿಸುತ್ತೇನೆ".

"ಯುಎಸ್ಎ ವಿರುದ್ಧ ಸೂಪರ್ ಓವರ್ ಆಧರಿಸಿ, ನೀವು ಅಮೀರ್ ಅವರನ್ನು ದೂಷಿಸಲು ಸಾಧ್ಯವಿಲ್ಲ. ಅವರು ನಾಲ್ಕು ವರ್ಷಗಳ ಹಿಂದೆ ಇದ್ದ ಬೌಲರ್ ಅಲ್ಲ. ವಿವಿಧ ಲೀಗ್‌ಗಳಲ್ಲಿ ಕ್ರಿಕೆಟ್ ಆಡುತ್ತಿದ್ದಾರೆ ಮತ್ತು ಈಗಲೂ ಪಾಕಿಸ್ತಾನದ ಅತ್ಯುತ್ತಮ ಮತ್ತು ಅನುಭವಿ ಬೌಲರ್ ಆಗಿದ್ದಾರೆ," ಎಂದು ಫಾವದ್ ಆಲಂ ಹೇಳಿದ್ದಾರೆ.