ಪ್ರತಿಷ್ಟಿತ ಪ್ರಶಸ್ತಿಗೆ ಭಾಜನರಾದ, ವಿರಾಟ್, ಸಚಿನ್, ಕಪಿಲ್‌ದೇವ್

ಮುತ್ತಯ್ಯ ಮುರಳೀಧರನ್

ಇನ್ನು 2000ನೇ ದಶಕದ ಪ್ರಶಸ್ತಿಗೆ ಶ್ರೀಲಂಕಾ ದಿಗ್ಗಜ ಸ್ಪಿನ್ನರ್ ಮುತ್ತಯ್ಯ ಮುರಳೀಧರನ್ ಭಾಗಿಯಾಗಿದ್ದಾರೆ. ಅವರು ಈ ಒಂದು ದಶಕದ ಅವಧಿಯಲ್ಲಿ 335 ವಿಕೆಟ್ ಕಬಳಿಸಿದ್ದಾರೆ. ಇದು ಯಾವುದೇ ಬೌಲರ್‌ಗೆ ಹೋಲಿಸಿದರೆ ಅತಿ ಹೆಚ್ಚು.

ಸಚಿನ್ ತೆಂಡೂಲ್ಕರ್

1990ರ ದಶಕದ ಸಾಧನೆಗೆ ದಶಕದ ಆಟಗಾರ ಪ್ರಶಸ್ತಿಯನ್ನು ಭಾರತದ ದಿಗ್ಗಜ ಆಟಗಾರ ಸಚಿನ್ ತೆಂಡೂಲ್ಕರ್ ಪಡೆದುಕೊಂಡಿದ್ದಾರೆ. 1998ರಲ್ಲಿ ಸಚಿನ್ ತೆಂಡೂಲ್ಕರ್ ಒಂದೇ ಕ್ಯಾಲೆಂಡರ್ ವರ್ಷದಲ್ಲಿ 9 ಏಕದಿನ ಶತಕವನ್ನು ಬಾರಿಸಿ ದಾಖಲೆ ಸಹಿತ ಶ್ರೇಷ್ಠ ಪ್ರದರ್ಶನವನ್ನು ಈ ಅವಧಿಯಲ್ಲಿ ಸಚಿನ್ ನೀಡಿದ್ದರು.

ಕಪಿಲ್ ದೇವ್

1980ರ ದಶಕದ ಸಾಧನೆಗೆ ಭಾರತದ ಮಾಜಿ ನಾಯಕ ಕಪಿಲ್ ದೇವ್‌ಗೆ ಈ ಪ್ರಶಸ್ತಿ ಸಂದಿದೆ. 1983ರ ವಿಶ್ವಕಪ್ ಚಾಂಪಿಯನ್ ಪಟ್ಟಕ್ಕೇರಿಸುವುದರ ಜೊತೆಗೆ ವೈಯಕ್ತಿಕ ಪ್ರದರ್ಶನವೂ ಶ್ರೇಷ್ಠ ಮಟ್ಟದಲ್ಲಿತ್ತು. ಈ ದಶಕದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸುವುದರ ಜೊತೆಗೆ 1000 ರನ್‌ಗೂ ಅಧಿಕ ರನ್‌ಗಳಿಸಿದ ಆಟಗಾರರ ಪೈಕಿ ಅತಿ ಹೆಚ್ಚು ಸ್ಟ್ರೈಕ್‌ರೇಟ್ ಹೊಂದಿದ ಆಟಗಾರನಾಗಿದ್ದಾರೆ.

ವಿವಿಯನ್ ರಿಚರ್ಡ್ಸ್

1970ರಲ್ಲಿ ಏಕದಿನ ಕ್ರಿಕೆಟ್‌ ಪರಿಚಯವಾದ ದಶಕ. ಈ ಅವಧಿಯಲ್ಲಿ ವೆಸ್ಟ್ ಇಂಡೀಸ್‌ನ ಸರ್ ವಿವಿಯನ್ ರಿಚರ್ಡ್ಸ್ ನೀಡಿದ ಶ್ರೇಷ್ಠ ಪ್ರದರ್ಶನದ ಕಾರಣಕ್ಕೆ ದಶಕದ ಆಟಗಾರ ಪ್ರಶಸ್ತಿಯನ್ನು ತಮ್ಮದಾಗಿಸಿದ್ದಾರೆ. ವೆಸ್ಟ್ ಇಂಡೀಸ್ ತಂಡ ಸತತ ಎರಡು ಬಾರಿ ಏಕದಿನ ವಿಶ್ವಕಪ್‌ನ ಚಾಂಪಿಯನ್ ಪಟ್ಟಕ್ಕೇರಲು ಅವರು ಕಾರಣಗಿದ್ದರು.