ಒಂದಲ್ಲ, ಎರಡಲ್ಲ, 6 ಕ್ಯಾಚ್‌ಗಳನ್ನ ಕೈ ಚೆಲ್ಲಿದ್ರೂ, ಭಾರತ 50 ರನ್‌ನಿಂದ ಗೆದ್ದಿದ್ದೇಗೆ?

ಟೀಂ ಇಂಡಿಯಾ ಕಳಪೆ ಫೀಲ್ಡಿಂಗ್‌, ದಿನೇಶ್ ಕಾರ್ತಿಕ್‌ಗೆ ವಿರುದ್ಧ ಟೀಕೆ

ಭಾರತದ ಕಳಪೆ ಫೀಲ್ಡಿಂಗ್ ಬಗ್ಗೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಟೀಕೆ ಮಾಡುತ್ತಿದ್ದಾರೆ. ದಿನೇಶ್ ಕಾರ್ತಿಕ್ ವಿರುದ್ಧ ಹೆಚ್ಚು ಟೀಕೆ ವ್ಯಕ್ತವಾಗಿದೆ. 'ಭಾರತ ಫೀಲ್ಡಿಂಗ್ ಸುಧಾರಿಸಿಕೊಳ್ಳದಿದ್ರೆ, ಏನನ್ನೂ ಮಾಡದೆ ವಿಶ್ವಕಪ್‌ನಿಂದ ಮರಳುತ್ತಾರೆ. ಕ್ಯಾಚ್‌ಗಳು ಪಂದ್ಯವನ್ನು ಗೆಲ್ಲುತ್ತವೆ. ಕಳೆದ ಕೆಲವು ವರ್ಷಗಳಿಂದ ಫೀಲ್ಡಿಂಗ್‌ನಲ್ಲಿ ಭಾರತ ಹಿನ್ನಡೆ ಸಾಧಿಸುತ್ತಿದೆ. ಕೊನೆಯ ಟೆಸ್ಟ್‌ನಲ್ಲಿ ಭಾರತ ಸೋತಿದ್ದರ ಹಿಂದೆ ಫೀಲ್ಡಿಂಗ್‌ನಲ್ಲಿ ಲೋಪವಿದೆ ಎಂದು ಅಭಿಮಾನಿಯೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

ವಿಕೆಟ್ ಕೀಪರ್ ಆಗಿ ದಿನೇಶ್ ಕಾರ್ತಿಕ್‌ಗೆ ಹಿನ್ನಡೆ

ವಿಕೆಟ್ ಕೀಪರ್ ಆಗಿ ದಿನೇಶ್ ಕಾರ್ತಿಕ್‌ಗೆ ಸಾಕಷ್ಟು ಹಿನ್ನಡೆಯಾದ ಪಂದ್ಯವಿದು ಎನ್ನುತ್ತಾರೆ ಅಭಿಮಾನಿಗಳು. ಇಶಾನ್ ಕಿಶನ್ ಇರುವಾಗ ಕಾರ್ತಿಕ್ ಅವರನ್ನು ಕೀಪರ್ ಆಗಿ ಇಡಬಾರದು ಎಂದು ಅಭಿಮಾನಿಗಳು ಗಮನಸೆಳೆದಿದ್ದಾರೆ. ಆದರೆ ಕೀಪಿಂಗ್ ಮಾಡದೆ ಫೀಲ್ಡಿಂಗ್ ಮಾಡಿದಾಗ ಕಾರ್ತಿಕ್ ಪ್ರದರ್ಶನ ಹೆಚ್ಚು ನಿರಾಸೆ ಮೂಡಿಸಿದೆ. ವಿಶ್ವಕಪ್‌ನಂತಹ ದೊಡ್ಡ ಪಂದ್ಯಾವಳಿಗೆ ಈಗಿನ ಫೀಲ್ಡಿಂಗ್‌ನೊಂದಿಗೆ ಹೋದರೆ, ಅವರು ಸೋಲುತ್ತಾರೆ ಎಂದು ಅಭಿಮಾನಿಗಳು ಟೀಕಿಸಿದ್ದಾರೆ.

ಈತನನ್ನು ಹೊರಹಾಕಿ ಕೊಹ್ಲಿಗೆ ಆರಂಭಿಕನ ಸ್ಥಾನ ಕೊಡಿ ರನ್ ಹೊಳೆ ಹರಿಯುತ್ತದೆ ಎಂದ ಇಂಗ್ಲೆಂಡ್ ಕ್ರಿಕೆಟಿಗ!

ಟೀಂ ಇಂಡಿಯಾ ಗೆದ್ದಿರುವುದೇ ದೊಡ್ಡ ಪವಾಡ!

ಭಾರತ ಸುಲಭ ಕ್ಯಾಚ್‌ಗಳನ್ನು ಸಹ ತೆಗೆದುಕೊಳ್ಳದೆ ಗೆದ್ದಿರುವುದು ಅದೃಷ್ಟ ಎಂದು ಮತ್ತೊಬ್ಬ ಅಭಿಮಾನಿ ಹೇಳುತ್ತಾರೆ. ಭಾರತದ ಫೀಲ್ಡಿಂಗ್, ಇಂಗ್ಲೆಂಡ್ ಬ್ಯಾಟಿಂಗ್ ಗಿಂತ ಕೆಟ್ಟದಾಗಿದೆ ಎಂದು ಮತ್ತೊಬ್ಬ ಅಭಿಮಾನಿ ಟ್ವೀಟ್ ಮಾಡಿದ್ದಾರೆ. ಭಾರತ ಗೆದ್ದರೂ ಫೀಲ್ಡಿಂಗ್ ತುಂಬಾ ಕೆಟ್ಟದಾಗಿದೆ ಎನ್ನುತ್ತಾರೆ ಅಭಿಮಾನಿಗಳು. ಆರು ಕ್ಯಾಚ್‌ಗಳನ್ನು ವ್ಯರ್ಥ ಮಾಡಿದರೂ ಭಾರತ ಗೆದ್ದಿರುವುದು ಪವಾಡ ಎಂದು ಅನೇಕ ಅಭಿಮಾನಿಗಳು ಹೇಳಿದ್ದಾರೆ.

ಭಾರತ ಎರಡನೇ ಇನ್ನಿಂಗ್ಸ್‌ನಲ್ಲಿ ಆರು ಕ್ಯಾಚ್‌ಗಳನ್ನು ಕೈಬಿಟ್ಟು, ಇಂಗ್ಲಿಷ್ ಬ್ಯಾಟರ್‌ಗಳಿಗೆ ಹಲವಾರು ಅವಕಾಶಗಳನ್ನು ನೀಡಿತು. ಭಾರತದ ವಿಕೆಟ್ ಕೀಪರ್ ಬ್ಯಾಟರ್ ದಿನೇಶ್ ಕಾರ್ತಿಕ್ ಮೂರು ಕೈಬಿಟ್ಟ ಕ್ಯಾಚ್‌ಗಳೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದರು. ಇವರನ್ನು ಹೊರತುಪಡಿಸಿ ಯುಜುವೇಂದ್ರ ಚಹಾಲ್, ದೀಪಕ್ ಹೂಡಾ ಮತ್ತು ಸೂರ್ಯಕುಮಾರ್ ಯಾದವ್ ತಲಾ ಒಂದು ಕ್ಯಾಚ್ ಕೈಬಿಟ್ಟರು.

ಬ್ಯಾಟ್ ಮತ್ತು ಬಾಲ್‌ನಲ್ಲಿ ಅಬ್ಬರಿಸಿದ ಹಾರ್ದಿಕ್ ಪಾಂಡ್ಯ

ಭಾರತದ ಗೆಲುವಿನ ಶ್ರೇಯವು ಹಾರ್ದಿಕ್ ಪಾಂಡ್ಯ ಅವರ ಆಲ್‌ರೌಂಡ್ ಆಟದ ಶ್ರೇಷ್ಠತೆಗೆ ಸಲ್ಲುತ್ತದೆ. ಅವರು ಪ್ರಬುದ್ಧತೆಯಿಂದ ಬ್ಯಾಟ್ ಮತ್ತು ಬಾಲ್ ಮೂಲಕ ಭಾರತಕ್ಕೆ ಆಧಾರವಾದ್ರು. ಅವರು 33 ಎಸೆತಗಳಲ್ಲಿ 6 ಬೌಂಡರಿ ಮತ್ತು 1 ಸಿಕ್ಸರ್ ಸೇರಿದಂತೆ 51 ರನ್ ಗಳಿಸಿದರು ಮತ್ತು ಬೌಲಿಂಗ್‌ನಲ್ಲಿ ನಾಲ್ಕು ವಿಕೆಟ್ ಪಡೆದರು. ಭಾರತದ ಆಟಗಾರನೊಬ್ಬ ಟಿ20 ಪಂದ್ಯವೊಂದರಲ್ಲಿ ಅರ್ಧಶತಕ ಹಾಗೂ ನಾಲ್ಕು ವಿಕೆಟ್ ಗಳಿಸಿದ್ದು ಇದೇ ಮೊದಲು.

ದಿನೇಶ್ ಕಾರ್ತಿಕ್‌ಗೂ ಮುಂಚಿತವಾಗಿ ಅಕ್ಷರ್‌ ಪಟೇಲ್ ಬ್ಯಾಟಿಂಗ್: ರೋಹಿತ್ ವಿರುದ್ಧ ಕಿಡಿಕಾರಿದ ನೆಟ್ಟಿಗರು

Hardik Pandya ಪಂದ್ಯ ಮುಗಿದ ನಂತರ ಹೀಗೆ ಹೇಳಿದ್ದೇಕೆ | *Cricket | Onendia Kannada

ರೋಹಿತ್ ನಾಯಕತ್ವದಲ್ಲಿ ಸತತ 13ನೇ ದಾಖಲೆಯ ಗೆಲುವು

ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಭಾರತ ಸತತ 13 ಟಿ20 ಪಂದ್ಯಗಳನ್ನು ಸೋಲದೆ ಗೆದ್ದಿದೆ. ಇದು ಯಾವ ನಾಯಕನೂ ಮಾಡದ ಸಾಧನೆಯಾಗಿ. ರೋಹಿತ್ ನಿಯಮಿತ ನಾಯಕರಾದ ನಂತರ, ಅವರು ತಂಡವನ್ನು ಮುನ್ನಡೆಸಿದ್ದ ಎಲ್ಲಾ ಪಂದ್ಯಗಳನ್ನು ಭಾರತ ಗೆದ್ದುಕೊಂಡಿತು. ಟಿ20 ವಿಶ್ವಕಪ್ ಬರುತ್ತಿರುವ ಭಾರತಕ್ಕೆ ಭರವಸೆ ಮೂಡಿಸುವ ಅಂಕಿ ಅಂಶಗಳು ಇವು. ಎರಡನೇ ಟಿ20ಯಲ್ಲಿ ಭಾರತ ತಂಡದಲ್ಲಿ ತೀವ್ರ ಬದಲಾವಣೆಯಾಗಲಿದೆ. ಸೂಪರ್‌ಸ್ಟಾರ್‌ಗಳು ಹಿಂತಿರುಗಿದಾಗ, ಅನೇಕ ಯುವ ಆಟಗಾರರು ಹೊರಗುಳಿಯುತ್ತಾರೆ.