ಕೊಹ್ಲಿ ನೀಡಿದ್ದ ಬೆಲೆ ಕಟ್ಟಲಾಗದ ಉಡುಗೊರೆಯನ್ನು ಕಣ್ಣೀರಿಟ್ಟು ವಾಪಸ್ ಮಾಡಿದ್ದೆ ಎಂದ ಸಚಿನ್!

ಕ್ರಿಕೆಟ್ ದೇವರಿಗೆ ವಿರಾಟ್ ಕೊಹ್ಲಿ ವಿಶೇಷ ಉಡುಗೊರೆ

'ನನ್ನ ವೃತ್ತಿ ಜೀವನದ ಅಂತಿಮ ಪಂದ್ಯ ಮುಗಿದ ಬಳಿಕ ನಾನು ಕೊಠಡಿಗೆ ಹೋಗಿ ಭಾವುಕನಾಗಿ ಕುಳಿತಿದ್ದೆ. ಈ ಸಂದರ್ಭದಲ್ಲಿ ನನ್ನ ಬಳಿ ಬಂದ ವಿರಾಟ್ ಕೊಹ್ಲಿ ಕೈ ದಾರವನ್ನು ನನಗೆ ನೀಡಿದರು. ಕೊಹ್ಲಿಗೆ ಅವರ ತಂದೆ ಪ್ರೀತಿಯಿಂದ ನೀಡಿದ್ದ ಆ ಕೈ ದಾರವನ್ನು ನನಗೆ ಉಡುಗೊರೆಯನ್ನಾಗಿ ನೀಡಿದ್ದರು. ಆ ಸಂದರ್ಭದಲ್ಲಿ ನನಗೆ ಕಣ್ಣೀರನ್ನು ತಡೆಯಲಾಗಲಿಲ್ಲ' ಎಂದು ಸಚಿನ್ ತೆಂಡೂಲ್ಕರ್ ಅಂದು ನಡೆದ ಘಟನೆಯನ್ನು ಮೆಲುಕು ಹಾಕಿದ್ದಾರೆ.

ಸ್ವಲ್ಪ ಸಮಯದ ನಂತರ ಉಡುಗೊರೆಯನ್ನು ಹಿಂದಿರುಗಿಸಿದ ಸಚಿನ್

'ವಿರಾಟ್ ಕೊಹ್ಲಿ ಉಡುಗೊರೆಯಾಗಿ ನೀಡಿದ್ದ ಆ ಕೈ ದಾರವನ್ನು ಸ್ವಲ್ಪ ಸಮಯದವರೆಗೆ ನನ್ನ ಬಳಿಯೇ ಇಟ್ಟುಕೊಂಡಿದ್ದೆ. ನಂತರ ಅದನ್ನು ವಿರಾಟ್ ಕೊಹ್ಲಿಗೆ ವಾಪಸ್ ನೀಡಿದೆ. ಇದು ತಂದೆಯಿಂದ ನಿನಗೆ ಬಂದಿರುವ ವಿಶೇಷವಾದ ಉಡುಗೊರೆ ಇದಕ್ಕೆ ಬೆಲೆ ಕಟ್ಟಲು ಸಾಧ್ಯವಿಲ್ಲ ಹೀಗಾಗಿ ಈ ವಿಶೇಷ ಉಡುಗೊರೆ ನಿನ್ನ ಬಳಿಯೇ ಇರಲಿ, ಈ ಕೈ ದಾರ ನಿನ್ನದು ಮಾತ್ರ, ಬೇರೆ ಯಾರಿಗೂ ಸೇರುವುದಿಲ್ಲ, ಇದನ್ನು ನೀವೇ ಇಟ್ಟುಕೊಳ್ಳಬೇಕು ಎಂದಿದ್ದೆ. ಹಾಗೂ ಆ ಘಟನೆ ನನಗೆ ಯಾವಾಗಲೂ ಅದ್ಬುತ ನೆನಪಾಗಿಯೇ ಉಳಿಯಲಿದೆ' ಎಂದು ಸಚಿನ್ ತೆಂಡೂಲ್ಕರ್ ಹೇಳಿಕೊಂಡಿದ್ದಾರೆ.

ರೋಹಿತ್ ಶರ್ಮಾ ಜೊತೆಗೆ ಯಾವ ಆಟಗಾರ ಓಪನರ್ ಆಗಿ ಆಡಬೇಕು | Oneindia Kannada

ಕೊಹ್ಲಿ ಕೂಡ ಈ ವಿಶೇಷ ದಾರದ ಬಗ್ಗೆ ಈ ಹಿಂದೆ ಮಾತನಾಡಿದ್ದರು

ಸದ್ಯ ಸಚಿನ್ ತೆಂಡೂಲ್ಕರ್ ವಿರಾಟ್ ಕೊಹ್ಲಿ ಉಡುಗೊರೆಯಾಗಿ ನೀಡಲು ಬಂದಿದ್ದ ಕೈ ದಾರದ ಕುರಿತು ಮೆಲುಕು ಹಾಕಿದ್ದು, ಇದೇ ಕೈ ದಾರದ ಕುರಿತು ಈ ಹಿಂದೆ ಸಂದರ್ಶನವೊಂದರಲ್ಲಿ ವಿರಾಟ್ ಕೊಹ್ಲಿ ಅವರು ಕೂಡಾ ಮಾತನಾಡಿದ್ದರು. ಭಾರತೀಯ ಸಂಸ್ಕೃತಿಯಲ್ಲಿ ಸಾಮಾನ್ಯವಾಗಿ ಕೈ ದಾರಗಳನ್ನು ಕಟ್ಟಲಾಗುತ್ತದೆ, ಅದೇ ರೀತಿ ತನಗೆ ತನ್ನ ತಂದೆ ಈ ವಿಶೇಷ ದಾರವನ್ನು ನೀಡಿದ್ದರು ಹಾಗೂ ಅದನ್ನು ತಾನು ಸಚಿನ್ ತೆಂಡೂಲ್ಕರ್ ಅವರಿಗೆ ಉಡುಗೊರೆಯನ್ನಾಗಿ ನೀಡಲು ಮುಂದಾಗಿದ್ದೆ, ಅದಕ್ಕಿಂತ ವಿಶೇಷವಾದ ಉಡುಗೊರೆ ಬೇರೆ ಯಾವುದೂ ಇಲ್ಲ ಎಂದು ತನಗೆ ಎನಿಸಿತ್ತು ಎಂದು ವಿರಾಟ್ ಕೊಹ್ಲಿ ಹೇಳಿಕೊಂಡಿದ್ದರು.