ಬಾಲ್ಯದ ಗೆಳತಿಯ ಜೊತೆ ಸಪ್ತ ಪದಿ ತುಳಿದ ಸಿಎಸ್‌ಕೆ ವೇಗಿ

ಚೆನ್ನೈ ಸೂಪರ್ ಕಿಂಗ್ಸ್ ಆಟಗಾರ ತುಷಾರ್ ದೇಶಪಾಂಡೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ತುಷಾರ್ ನಭಾ ಗಡಂವಾರ್ ಅವರನ್ನು ಜೀವನ ಜೊತೆ ಸಪ್ತ ಪದಿ ತುಳಿದಿದ್ದಾರೆ.

ಸಿಎಸ್ ಕೆ ಆಟಗಾರ ತುಷಾರ್ ತಮ್ಮ ಮದುವೆಯ ಬಗ್ಗೆ ಸಾಮಾಜಿಕ ಜಾಲತಾಣದ ಮೂಲಕ ಅಭಿಮಾನಿಗಳೊಂದಿಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಅವರು ತಮ್ಮ ಪತ್ನಿ ನಭಾ ಅವರೊಂದಿಗಿನ ಕೆಲವು ಫೋಟೋ ಹಂಚಿಕೊಂಡಿದ್ದಾರೆ. ತುಷಾರ್ ಮದುವೆಗೆ ಹತ್ತಿರದ ಬಂಧುಗಳ ಜತೆಗೆ ಕೆಲ ಸ್ನೇಹಿತರನ್ನೂ ಮಾತ್ರ ಆಹ್ವಾನಿಸಲಾಗಿತ್ತು.

ಮೂಲಗಳ ಪ್ರಕಾರ, ತುಷಾರ್ ಮತ್ತು ನಭಾ ಶಾಲಾ ಸಮಯದಿಂದಲೂ ಪರಸ್ಪರ ತಿಳಿದು ಬಂದಿದೆ. ಇದಾದ ನಂತರ ಕಾಲೇಜಿನಲ್ಲಿ ಕೂಡ ಒಟ್ಟಿಗೆ ಓದುತ್ತಿದ್ದರು. ಈಗ ಇಬ್ಬರೂ ಮದುವೆಯ ಬಂಧನದಲ್ಲಿ ಬಂಧಿತರಾಗಿದ್ದಾರೆ. ತುಷಾರ್ ಮದುವೆಯ ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಇಬ್ಬರೂ ಡಿಸೆಂಬರ್ 21 ರಂದು ವಿವಾಹವಾದರು. ಈ ಹಿಂದೆ ಜೂನ್ 12 ರಂದು ನಿಶ್ಚಿತಾರ್ಥ ನಡೆದಿತ್ತು. ನಭಾ ತುಷಾರ್‌ನ ಸ್ಕೂಲ್ ಕ್ರಶ್ ಆಗಿದ್ದಳು ಮತ್ತು ಈಗ ವರ್ಷಗಳ ನಂತರ ಇಬ್ಬರೂ ಮದುವೆಯಾಗಿದ್ದಾರೆ.

ತುಷಾರ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪ್ರಮುಖ ಬೌಲರ್. ಅವರು ತಂಡಕ್ಕಾಗಿ ಅನೇಕ ಪಂದ್ಯಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ತುಷಾರ್ ದೇಶೀಯ ಪಂದ್ಯಗಳಲ್ಲೂ ಉತ್ತಮ ದಾಖಲೆ ಹೊಂದಿದ್ದಾರೆ.

ತುಷಾರ್ ಅವರ ಐಪಿಎಲ್ ನಲ್ಲಿ ಇದುವರೆಗೆ 23 ಪಂದ್ಯಗಳನ್ನು ಆಡಿದ್ದಾರೆ. ಈ ವೇಳೆ 25 ವಿಕೆಟ್‌ಗಳು ಉರುಳಿಸಿದ್ದಾರೆ. ಐಪಿಎಲ್ ಪಂದ್ಯವೊಂದರಲ್ಲಿ 45 ರನ್ ನೀಡಿ 3 ವಿಕೆಟ್ ಕಬಳಿಸಿರುವುದು ತುಷಾರ್ ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ.

ತುಷಾರ್ 30 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 81 ವಿಕೆಟ್ ಪಡೆದಿದ್ದಾರೆ. 40 ಲಿಸ್ಟ್ ಎ ಪಂದ್ಯಗಳಲ್ಲಿ 51 ವಿಕೆಟ್ ಪಡೆದಿದ್ದಾರೆ. ಇದರೊಂದಿಗೆ ಇದುವರೆಗೆ ಆಡಿರುವ 67 ಟಿ20 ಪಂದ್ಯಗಳಲ್ಲಿ 99 ವಿಕೆಟ್ ಪಡೆದಿದ್ದಾರೆ.