ಭಾರತವೇ ಗೆಲ್ಲುವ ಫೇವರಿಟ್
ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಫೈನಲ್ ಪಂದ್ಯ ಪೊಚೆಫ್ಸ್ಟ್ರೂಮ್ನ ಸೆನ್ವೆಸ್ ಪಾರ್ಕ್ನಲ್ಲಿ ನಡೆಯಲಿದೆ. ಭಾರತೀಯ ಕಾಲಮಾನ ಸಂಜೆ 5:15ಕ್ಕೆ ಪಂದ್ಯ ಆರಂಭವಾಗಲಿದೆ. ಭಾರತದಲ್ಲಿ ಈ ಪಂದ್ಯವನ್ನು ಫ್ಯಾನ್ಕೋಡ್ ಆಪ್ನಲ್ಲಿ ವೀಕ್ಷಿಸಬಹುದಾಗಿದೆ.
ಮೇಲ್ನೊಟಕ್ಕೆ ಉತ್ತಮ ಬೌಲಿಂಗ್ ಪಡೆಯನ್ನು ಹೊಂದಿರುವ ಭಾರತವೇ ಫೈನಲ್ನಲ್ಲಿ ಗೆಲ್ಲುವ ಫೇವರಿಟ್ ಎನಿಸಿಕೊಂಡಿದೆ. ನ್ಯೂಜಿಲೆಂಡ್ ವಿರುದ್ಧ ನೀಡಿದ ಪ್ರದರ್ಶನವನ್ನೇ ಫೈನಲ್ ಪಂದ್ಯದಲ್ಲಿ ಮುಂದುವರೆಸಿದರೆ ಭಾರತದ ವನಿತೆಯರು ಚೊಚ್ಚಲ ವಿಶ್ವಕಪ್ ಎತ್ತಿಹಿಡಿಯುವುದು ನಿಶ್ಚಿತ.
ಸ್ಪಿನ್ ಬೌಲಿಂಗ್ಗೆ ಸಹಕಾರಿಯಾದ ಪಿಚ್
ಪೊಟ್ಚೆಫ್ಸ್ಟ್ರೂಮ್ನಲ್ಲಿರುವ ಸೆನ್ವೆಸ್ ಪಾರ್ಕ್ ಸಮತೋಲಿತ ಪಿಚ್ ಹೊಂದಿದೆ. ಆದರೂ, ಸ್ಪಿನ್ ಬೌಲರ್ಗಳಿಗೆ ಸಹಾಯ ಮಾಡುತ್ತದೆ ಎಂದು ನಿರೀಕ್ಷೆ ಮಾಡಲಾಗಿದೆ. ಪಂದ್ಯದ ಆರಂಭದಲ್ಲಿ ಚೆಂಡು ಸ್ವಿಂಗ್ ಆಗುವುದರಿಂದ ವೇಗಿಗಳು ಹೆಚ್ಚು ಪರಿಣಾಮಕಾರಿಯಾಗಬಹುದು. ಆದರೂ ಎಚ್ಚರಿಕೆಯಿಂದ ಆಡಿದರೆ, ಬ್ಯಾಟರ್ ಗಳು ಸುಲಭವಾಗಿ ರನ್ ಗಳಿಸಬಹುದಾಗಿದೆ. ಈ ಪಿಚ್ನಲ್ಲಿ ಮೊದಲ ಇನ್ನಿಂಗ್ಸ್ ಸರಾಸರಿ ಸ್ಕೋರ್ 120-130 ಆಗಿದೆ.
ಭಾರತ ಇಂಗ್ಲೆಂಡ್ ಪಂದ್ಯದ ಸಮಯದಲ್ಲಿ ಮೋಡಕವಿದ ವಾತಾವರಣ ಇರುವ ಮುನ್ಸೂಚನೆ ನೀಡಲಾಗಿದೆ. ಆದರೆ, ಮಳೆ ಬೀಳುವ ಸಾಧ್ಯತೆ ಇಲ್ಲ. 30 ಡಿಗ್ರಿ ಸೆಲ್ಸಿಯಸ್ ತಾಪಮಾನ ಇರುವ ನಿರೀಕ್ಷೆಯಿದೆ.
ಭಾರತ, ಇಂಗ್ಲೆಂಡ್ ತಂಡದ ವಿವರ
ಭಾರತ : ಶಫಾಲಿ ವರ್ಮಾ (ನಾಯಕಿ), ಶ್ವೇತಾ ಸೆಹ್ರಾವತ್, ರಿಚಾ ಘೋಷ್ (ವಿಕೆಟ್ ಕೀಪರ್), ಗೊಂಗಾಡಿ ತ್ರಿಶಾ, ಸೌಮ್ಯ ತಿವಾರಿ, ಹೃಷಿತಾ ಬಸು (ವಿಕೆಟ್ ಕೀಪರ್), ಟೈಟಾಸ್ ಸಾಧು, ಮನ್ನತ್ ಕಶ್ಯಪ್, ಅರ್ಚನಾ ದೇವಿ, ಪಾರ್ಶವಿ ಚೋಪ್ರಾ, ಸೋನಮ್ ಯಾದವ್
ಇಂಗ್ಲೆಂಡ್ : ಗ್ರೇಸ್ ಸ್ಕ್ರಿವೆನ್ಸ್ (ನಾಯಕಿ), ಲಿಬರ್ಟಿ ಹೀಪ್, ನಿಯಾಮ್ ಹಾಲೆಂಡ್, ಸೆರೆನ್ ಸ್ಮೇಲ್ (ವಿಕೆಟ್ ಕೀಪರ್), ಚಾರಿಸ್ ಪಾವೆಲಿ, ರಿಯಾನಾ ಮ್ಯಾಕ್ಡೊನಾಲ್ಡ್ ಗೇ, ಅಲೆಕ್ಸಾ ಸ್ಟೋನ್ಹೌಸ್, ಜೋಸಿ ಗ್ರೋವ್ಸ್, ಸೋಫಿಯಾ ಸ್ಮೇಲ್, ಎಲ್ಲೀ ಆಂಡರ್ಸನ್, ಹನ್ನಾ ಬೇಕರ್