UAE ಟಿ20 ಲೀಗ್: 2023ರ ಜನವರಿಯಲ್ಲಿ ಚೊಚ್ಚಲ ಲೀಗ್‌ಗೆ ಚಾಲನೆ, ಪಂದ್ಯ ಹಾಗೂ ತಂಡಗಳೆಷ್ಟು?

ಐಪಿಎಲ್ ಮಾದರಿಯಲ್ಲೇ ನಡೆಯಲಿರುವ ಯುಎಇ ಅಂತರರಾಷ್ಟ್ರೀಯ ಲೀಗ್ ಟಿ20ಯ ಮೊದಲ ಆವೃತ್ತಿಯು 2023ರ ಜನವರಿ 6ರಿಂದ ಫೆಬ್ರುವರಿ 12ರವರೆಗೆ ನಡೆಯಲಿದೆ ಎಂದು ಎಮಿರೇಟ್ಸ್ ಕ್ರಿಕೆಟ್ ಮಂಡಳಿ ಖಚಿತಪಡಿಸಿದೆ. ಈ ಲೀಗ್ ಅನ್ನು 'ILT20' ಎಂದು ಕರೆಯಲಾಗುತ್ತದೆ.

ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಯ ಅಧ್ಯಕ್ಷ ಶೇಖ್ ನಹಯಾನ್ ಮಬಾರಕ್ ಅಲ್ ನಹಯಾನ್, "ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಯ ಪರವಾಗಿ ನಾವು ರಿಲಯನ್ಸ್ ಇಂಡಸ್ಟ್ರೀಸ್, ಕೋಲ್ಕತ್ತಾ ನೈಟ್ ರೈಡರ್ಸ್, ಕ್ಯಾಪ್ರಿ ಗ್ಲೋಬಲ್, ಜಿಎಂಆರ್, ಲ್ಯಾನ್ಸರ್ ಕ್ಯಾಪಿಟಲ್, ಅದಾನಿ ಸ್ಪೋರ್ಟ್ಸ್‌ಲೈನ್ ಮತ್ತು ಬ್ರಾಡ್‌ಕಾಸ್ಟರ್ ZEE ಅನ್ನು ಸ್ವಾಗತಿಸುತ್ತೇವೆ'' ಎಂದಿದ್ದಾರೆ.

ಯುಎಇ ಆರಂಭಿಸಿದ ಟಿ20 ಲೀಗ್‌ಗೆ ಫ್ರಾಂಚೈಸ್ ಮಾಲೀಕರಾಗಲು ಮುಂದೆ ಬಂದಂತಹ ಪ್ರಮುಖ ಕಂಪನಿಗಳ ನಿರ್ಧಾರ ಸ್ವಾಗತಾರ್ಹ. ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಯಲ್ಲಿ ವಿಶ್ವಾಸವನ್ನು ತೋರಿಸಲು ನಾವು ಅವರೆಲ್ಲರನ್ನು ಸ್ವಾಗತಿಸುತ್ತೇವೆ. ನಾವು ಕ್ರಿಕೆಟ್ ಭವಿಷ್ಯವನ್ನು ಮತ್ತಷ್ಟು ಮುಂದಕ್ಕೆ ಕೊಂಡೊಯ್ಯುತ್ತೇವೆ. ಯುಎಇ ಟಿ20 ಲೀಗ್ ಪ್ರಪಂಚದಾದ್ಯಂತ ಲಕ್ಷಾಂತರ ಅಭಿಮಾನಿಗಳಿಗೆ ಮನರಂಜನೆ ಮತ್ತು ಸಂತೋಷವನ್ನು ನೀಡುತ್ತದೆ ಎಂಬ ವಿಶ್ವಾಸವಿದೆ ಎಂದು ಎಮಿರೇಟ್ಸ್‌ ಕ್ರಿಕೆಟ್ ಮಂಡಳಿ ತಿಳಿಸಿದೆ.

ನಮ್ಮ ಸಾಂಪ್ರದಾಯಿಕ ಆತಿಥ್ಯದ ಮೂಲಕ ಆಟಗಾರರಿಗೆ ಯೋಗ್ಯವಾದ ಕ್ರೀಡಾ ಅನುಭವವನ್ನು ಒದಗಿಸುತ್ತೇವೆ ಎಂದು ಸ್ಪಷ್ಟಪಡಿಸಿದರು. ILT20 ಲೀಗ್ ಅನ್ನು ಆರು ಫ್ರಾಂಚೈಸಿಗಳ ತಂಡಗಳೊಂದಿಗೆ ಆಯೋಜಿಸುತ್ತದೆ. ಅಂತರಾಷ್ಟ್ರೀಯ ಮಟ್ಟದ ಕ್ರೀಡಾಂಗಣಗಳಲ್ಲಿ 34 ಪಂದ್ಯಗಳನ್ನು ನಿಗದಿಪಡಿಸಲಾಗುತ್ತದೆ.

ಲೀಗ್‌ನ ಮೊದಲ ಪಂದ್ಯವು ಮುಂದಿನ ವರ್ಷ ಜನವರಿ 6 ಮತ್ತು ಫೆಬ್ರವರಿ 12 ರ ನಡುವೆ ನಡೆಯಲಿದೆ. ಈ ಪಂದ್ಯಾವಳಿಯ ಮೂಲಕ ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಯು ಸ್ಥಳೀಯ ಪ್ರತಿಭೆಗಳನ್ನು ಹೊರತೆಗೆಯಲು ಮತ್ತು ಸ್ಥಳೀಯ ಆಟಗಾರರನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ಅಮೂಲ್ಯವಾದ ವೇದಿಕೆಯನ್ನು ಒದಗಿಸುತ್ತದೆ.