ತನ್ನ ಮೂವರು ಫೇವರಿಟ್ ಕ್ರಿಕೆಟಿಗರ ಹೆಸರನ್ನು ತಿಳಿಸಿದ ರುತುರಾಜ್ ಗಾಯಕ್ವಾಡ್; ಇಲ್ಲ ಧೋನಿ!

ನೆಚ್ಚಿನ ಮೂವರು ಕ್ರಿಕೆಟಿಗರು

ಈ ಸಂದರ್ಶನದ ವೇಳೆ ನೆಚ್ಚಿನ ಮೂವರು ಕ್ರಿಕೆಟಿಗರು ಯಾರು ಎಂಬ ಪ್ರಶ್ನೆ ಎದುರಾದಾಗ ರುತುರಾಜ್ ಗಾಯಕ್ವಾಡ್ ಅನಿರೀಕ್ಷಿತ ಉತ್ತರವನ್ನು ನೀಡಿದ್ದಾರೆ. ಈ ಪ್ರಶ್ನೆ ಎದುರಾದಾಗ ರುತುರಾಜ್ ಗಾಯಕ್ವಾಡ್ ಖಡಾಖಂಡಿತವಾಗಿ ಎಂ ಎಸ್ ಧೋನಿ ಅವರ ಹೆಸರನ್ನು ತೆಗೆದುಕೊಳ್ಳುತ್ತಾರೆ ಎಂದು ಊಹಿಸಲಾಗಿತ್ತು. ಹೌದು, ಎಂಎಸ್ ಧೋನಿ ನಾಯಕತ್ವದಡಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡಿರುವ ರುತುರಾಜ್ ಗಾಯಕ್ವಾಡ್ ತಮ್ಮ ನೆಚ್ಚಿನ ಮೂವರ ಆಟಗಾರರು ಯಾರು ಎಂಬುದನ್ನು ತಿಳಿಸಿದ್ದು, ಈ ಪಟ್ಟಿಯಲ್ಲಿ ಧೋನಿ ಹೆಸರು ಇಲ್ಲದಿರುವುದು ಆಶ್ಷರ್ಯ ಮೂಡಿಸದೇ ಇರದು. ಇನ್ನು ರುತುರಾಜ್ ಗಾಯಕ್ವಾಡ್ ಸಚಿನ್ ತೆಂಡೂಲ್ಕರ್, ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಈ ಮೂವರು ತನ್ನ ನೆಚ್ಚಿನ ಕ್ರಿಕೆಟಿಗರು ಎಂಬುದನ್ನು ತಿಳಿಸಿದ್ದಾರೆ.

ಧೋನಿ ಜತೆ ಅಭ್ಯಾಸ ಅಥವಾ ಸಚಿನ್ ಜತೆ ಊಟ

ಇನ್ನು ಇದೇ ಸಂದರ್ಶನದಲ್ಲಿ ಎದುರಿಸಿದ ರುತುರಾಜ್ ಗಾಯಕ್ವಾಡ್ ಎಂ ಎಸ್ ಧೋನಿ ಜತೆ ಅಭ್ಯಾಸ ಮಾಡಲು ಇಚ್ಚಿಸುತ್ತೀರಾ ಅಥವಾ ಸಚಿನ್ ತೆಂಡೂಲ್ಕರ್ ಜತೆ ರಾತ್ರಿ ಊಟ ಮಾಡುತ್ತೀರ ಎಂಬ ವಿಶೇಷ ಪ್ರಶ್ನೆಗೆ ಉತ್ತರಿಸಿದ ರುತುರಾಜ್ ಗಾಯಕ್ವಾಡ್ ಮೊದಲು ಎಂ ಎಸ್ ಧೋನಿ ಜತೆ ಅಭ್ಯಾಸ ನಡೆಸಿ ನಂತರ ಸಚಿನ್ ತೆಂಡೂಲ್ಕರ್ ಜತೆ ಊಟ ಮಾಡುತ್ತೇನೆ ಎಂದಿದ್ದಾರೆ. ಈ ಮೂಲಕ ಈ ಪ್ರಶ್ನೆಗೆ ರುತುರಾಜ್ ಗಾಯಕ್ವಾಡ್‌ ಜಾಣ್ಮೆಯಿಂದ ಉತ್ತರಿಸಿದ್ದಾರೆ.

ಕ್ರಿಕೆಟಿಗನಾಗದೇ ಇದ್ದಿದ್ದರೆ ಟೆನಿಸ್ ಆಟಗಾರನಾಗಿರುತ್ತಿದ್ದೆ

ಇನ್ನೂ ಮುಂದುವರೆದು ಮಾತನಾಡಿರುವ ರುತುರಾಜ್ ಗಾಯಕ್ವಾಡ್ ತಾವು ಕ್ರಿಕೆಟಿಗನಾಗದೇ ಇದ್ದಿದ್ದರೆ ಟೆನಿಸ್ ಪ್ಲೇಯರ್ ಆಗಿರುತ್ತಿದ್ದೆ ಎಂದು ಹೇಳಿದ್ದಾರೆ. ಟೆನಿಸ್ ದಿಗ್ಗಜರಾದ ನೊವಾಕ್ ಜೋಕೊವಿಕ್ ಹಾಗೂ ರಾಫೆಲ್ ನಡಾಲ್ ಈ ಇಬ್ಬರಲ್ಲಿ ಯಾರು ಅಚ್ಚು ಮೆಚ್ಚು ಎಂಬ ಪ್ರಶ್ನೆಗೆ ರುತುರಾಜ್ ಗಾಯಕ್ವಾಡ್ ಉತ್ತರಿಸಿದ್ದು, ಈ ಇಬ್ಬರ ಹೆಸರನ್ನೂ ಸಹ ಕೈಬಿಟ್ಟು ರೋಜರ್ ಫೆಡರರ್ ತನ್ನ ನೆಚ್ಚಿನ ಟೆನಿಸ್ ಪ್ಲೇಯರ್ ಎಂದು ತಿಳಿಸಿದ್ದಾರೆ.