ಶತಕಗಳ ಸರದಾರರ ಪಟ್ಟಿಯಲ್ಲಿ ಪಾಂಟಿಂಗ್ ಸಮಕ್ಕೆ ನಿಂತ ಕೊಹ್ಲಿ

ಕೊಲಂಬೊ, ಸೆಪ್ಟೆಂಬರ್ 04 : ಟೀಂ ಇಂಡಿಯಾದ ನಾಯಕ ವಿರಾಟ್‌ ಕೊಹ್ಲಿ ಏಕದಿನ ಕ್ರಿಕೆಟ್ ನಲ್ಲಿ ದಾಖಲೆ ನಿರ್ಮಿಸಿದ್ದಾರೆ.

ಭಾನುವಾರ ನಡೆದ ಶ್ರೀಲಂಕಾ ವಿರುದ್ಧ ಐದನೇ ಏಕದಿನ ಪಂದ್ಯದಲ್ಲಿ 30ನೇ ಶತಕ ಸಿಡಿಸುವ ಮೂಲಕ ಗರಿಷ್ಠ ಶತಕ ಗಳಿಸಿದವರ ಪಟ್ಟಿಯಲ್ಲಿ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಅವರ ಸರಿ ಸಮಕ್ಕೆ ನಿಂತಿದ್ದಾರೆ.

ಆದರೆ, ಕಡಿಮೆ ಇನಿಂಗ್ಸ್‌ಗಳಲ್ಲಿ (ಪಂದ್ಯ) 30 ಶತಕ ಸಿಡಿಸಿದ ಮೊದಲ ಆಟಗಾರ ಎಂಬ ಖ್ಯಾತಿಗೆ ಕೊಹ್ಲಿ ಪಾತ್ರರಾಗಿದ್ದಾರೆ.

ಪಾಟಿಂಗ್ 375 ಇನ್ನಿಂಗ್ಸ್ ಗಳಲ್ಲಿ 30 ಶತಕ ಸಿಡಿಸಿದ್ದಾರೆ. ಕೊಹ್ಲಿ ಕೇವಲ 194 ಇನ್ನಿಂಗ್ಸ್ ಗಳಲ್ಲಿ 30 ಶತಕ ಸಿಡಿಸಿ ಗರಿಷ್ಠ ಶತಕ ಗಳಿಸಿದವರ ಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿದರು.

ಕ್ರಿಕೆಟ್ ದಿಗ್ಗಜ ಭಾರತದ ಮಾಜಿ ಆಟಗಾರ ಸಚಿನ್‌ ತೆಂಡೂಲ್ಕರ್‌ 463 ಪಂದ್ಯಗಳಲ್ಲಿ 49 ಶತಕ ಬಾರಿಸಿ ಗರಿಷ್ಠ ಶತಕ ಗಳಿಸಿದವರ ಪಟ್ಟಿಯಲ್ಲಿ ಆಗ್ರಸ್ಥಾನದಲ್ಲಿದ್ದಾರೆ.