World Cup 2023: ಏಕದಿನ ವಿಶ್ವಕಪ್‌ನಲ್ಲಿ ಸೆಮಿಫೈನಲ್ ತಲುಪುವ 4 ತಂಡಗಳನ್ನು ಹೆಸರಿಸಿದ ವೀರೇಂದ್ರ ಸೆಹ್ವಾಗ್!

ವಿಶ್ವಾದ್ಯಂತ ಕ್ರಿಕೆಟ್ ಅಭಿಮಾನಿಗಳ ಸುದೀರ್ಘ ಕಾಯುವಿಕೆ ಅಂತ್ಯಗೊಂಡಿದ್ದು, ಮಂಗಳವಾರ, ಜೂನ್ 27ರಂದು 2023ರ ಐಸಿಸಿ ಏಕದಿನ ವಿಶ್ವಕಪ್ ಪಂದ್ಯಾವಳಿ ಅಂತಿಮ ಹಾಗೂ ಸಂಪೂರ್ಣ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯು ಪ್ರಕಟಗೊಳಿಸಿದೆ.

ಈ ರೋಮಾಂಚಕಾರಿ ಪಂದ್ಯಾವಳಿಯು ಭಾರತದಲ್ಲಿ ಅಕ್ಟೋಬರ್ 5ರಿಂದ ನವೆಂಬರ್ 19ರವರೆಗೆ ನಡೆಯಲಿದ್ದು, ದೇಶದ 10 ಪ್ರಮುಖ ನಗರಗಳಲ್ಲಿ 10 ತಂಡಗಳನ್ನೊಳಗೊಂಡ ಪಂದ್ಯಗಳು ಆಯೋಜನೆಯಾಗಲಿವೆ.

ಅಕ್ಟೋಬರ್ 5ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ ನಡುವೆ ಉದ್ಘಾಟನಾ ಪಂದ್ಯ ನಡೆಯಲಿದ್ದು, ಎರಡು ಪ್ರಬಲ ತಂಡಗಳ ನಡುವಿನ ಈ ಮುಖಾಮುಖಿಯು ರೋಚಕ ಪಂದ್ಯಾವಳಿಗೆ ವೇದಿಕೆ ಸಿದ್ಧಪಡಿಸಲಿದೆ.

ಆತಿಥೇಯ ರಾಷ್ಟ್ರವಾದ ಭಾರತ ತಂಡವು ಆಸ್ಟ್ರೇಲಿಯಾ ವಿರುದ್ಧ ಅಕ್ಟೋಬರ್ 8ರಂದು ಚೆನ್ನೈನಲ್ಲಿ ಎದುರಿಸುವ ಮೂಲಕ ತನ್ನ ಅಭಿಯಾನವ ಆರಂಭಿಸಲಿದೆ. ಈ ಪಂದ್ಯವು ಭಾರತ ತಂಡಕ್ಕೆ ಅತ್ಯಂತ ಸವಾಲಿನಿಂದ ಕೂಡಿರಲಿದೆ.

ಅಕ್ಟೋಬರ್ 15ರಂದು ಭಾರತ vs ಪಾಕಿಸ್ತಾನ

ಆ ಬಳಿಕ ಅತಿ ಹೆಚ್ಚು ನಿರೀಕ್ಷಿತ ಭಾರತ ಮತ್ತು ಪಾಕಿಸ್ತಾನ ನಡುವಿನ ಹೈ-ವೋಲ್ಟೇಜ್ ಪಂದ್ಯವು ಅಕ್ಟೋಬರ್ 15ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ. ಇದು ಪಂದ್ಯಾವಳಿಗೆ ಹೆಚ್ಚು ರೋಚಕತೆ ನೀಡಲಿದೆ.

2023ರ ಐಸಿಸಿ ಏಕದಿನ ವಿಶ್ವಕಪ್ ಪಂದ್ಯಾವಳಿಗಾಗಿ ಅಹಮದಾಬಾದ್, ಬೆಂಗಳೂರು, ಚೆನ್ನೈ, ದೆಹಲಿ, ಧರ್ಮಶಾಲಾ, ಹೈದರಾಬಾದ್, ಕೋಲ್ಕತ್ತಾ, ಲಕ್ನೋ, ಮುಂಬೈ ಮತ್ತು ಪುಣೆಯನ್ನು ಆಯ್ಕೆ ಮಾಡಲಾದ ಸ್ಥಳಗಳಾಗಿವೆ.

ಕ್ರಿಕೆಟ್ ದಿಗ್ಗಜರಾದ ಮುತ್ತಯ್ಯ ಮುರಳೀಧರನ್, ಜಿಯೋಫ್ ಅಲ್ಲಾರ್ಡೈಸ್ ಮತ್ತು ವೀರೇಂದ್ರ ಸೆಹ್ವಾಗ್ ಅವರು ವಿಶ್ವಕಪ್ ಪಂದ್ಯಾವಳಿಯ ವೇಳಾಪಟ್ಟಿ ಘೋಷಣೆ ವೇಳೆ ಮುಂಬೈನ ಸೇಂಟ್ ರೆಜಿಸ್‌ನಲ್ಲಿ ಒಟ್ಟುಗೂಡಿದ್ದರು.

ವೀರೇಂದ್ರ ಸೆಹ್ವಾಗ್ ಪ್ರಕಾರ ಸೆಮಿಫೈನಲ್ ತಲುಪುವ ನಾಲ್ಕು ತಂಡಗಳು
ಈ ವೇಳೆ ಭಾರತದ ಮಾಜಿ ಸ್ಟೋಟಕ ಬ್ಯಾಟರ್ ವೀರೇಂದ್ರ ಸೆಹ್ವಾಗ್ ಅವರು ಆಸ್ಟ್ರೇಲಿಯಾ, ಇಂಗ್ಲೆಂಡ್, ಪಾಕಿಸ್ತಾನ ಮತ್ತು ಭಾರತವನ್ನು ಸೆಮಿಫೈನಲ್ ತಂಡಗಳಾಗಿ ಆಯ್ಕೆ ಮಾಡುವ ಮೂಲಕ ಪಂದ್ಯಾವಳಿಯ ಭವಿಷ್ಯವನ್ನು ತೆರೆದಿಟ್ಟರು.

ಐಸಿಸಿ ಏಕದಿನ ವಿಶ್ವಕಪ್ 2011ರ ನೆನಪುಗಳನ್ನು ಮೆಲುಕು ಹಾಕಿದ ವೀರೇಂದ್ರ ಸೆಹ್ವಾಗ್, ಕೆಲವು ಹಿರಿಯ ಆಟಗಾರರು ಗಾಯಗೊಂಡಿದ್ದರೂ, ಯುವ ಪ್ರತಿಭೆಗಳಿಗೆ ಅವಕಾಶಗಳನ್ನು ಒದಗಿಸಲಾಯಿತು. ಇದರ ಹೊರತಾಗಿಯೂ ಭಾರತ ತಂಡವು ಟ್ರೋಫಿ ಗೆಲ್ಲುಲು ಹೇಗೆ ಯಶಸ್ವಿಯಾಯಿತು ಎಂಬುದನ್ನು ನೆನಪಿಸಿಕೊಂಡರು.

ಪ್ರಶಸ್ತಿ ಗೆದ್ದ ನಂತರದ ನಿರ್ಣಾಯಕ ಕ್ಷಣಗಳಲ್ಲಿ ಲೆಜೆಂಡ್ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರನ್ನು ತನ್ನ ಭುಜದ ಮೇಲೆ ಹೊತ್ತುಕೊಂಡು ವಿರಾಟ್ ಕೊಹ್ಲಿ ಹೇಗೆ ಜವಾಬ್ದಾರಿಯನ್ನು ನಿಭಾಯಿಸಿದರು ಎಂದು ವೀರೇಂದ್ರ ಸೆಹ್ವಾಗ್ ಉಲ್ಲೇಖಿಸಿದರು.

ವಿರಾಟ್ ಕೊಹ್ಲಿ ದೊಡ್ಡ ಗೌರವ ಸಲ್ಲುವ ಸಾಧ್ಯತೆ

"ಸದ್ಯ ಭಾರತ ತಂಡದಲ್ಲಿ ವಿರಾಟ್ ಕೊಹ್ಲಿ ಅವರು ಸಚಿನ್ ತೆಂಡೂಲ್ಕರ್ ಅವರನ್ನು ಹೋಲುತ್ತಾರೆ. ಅವರು ಇತರ ಯುವ ಆಟಗಾರರಿಗಿಂತ ದೊಡ್ಡ ಹಂತಗಳಲ್ಲಿ ಹೆಜ್ಜೆ ಹಾಕುತ್ತಾರೆ," ಎಂದು ವೀರೇಂದ್ರ ಸೆಹ್ವಾಗ್ ತಿಳಿಸಿದರು.

ಇದೆ ವೇಳೆ ವಿರಾಟ್ ಕೊಹ್ಲಿಯನ್ನು ಶ್ಲಾಘಿಸಿದ ವೀರೇಂದ್ರ ಸೆಹ್ವಾಗ್, "ಸಚಿನ್ ತೆಂಡೂಲ್ಕರ್ ಅವರನ್ನು ತನ್ನ ಅವಿಭಾಜ್ಯ ಅವಧಿಯಲ್ಲಿ ಮಾಡಿದಂತೆಯೇ, ಭಾರತೀಯ ಮಾಜಿ ನಾಯಕನಿಗೆ ದೊಡ್ಡ ವೇದಿಕೆಗಳಲ್ಲಿ ಹೆಜ್ಜೆ ಹಾಕುವ ಸಾಮರ್ಥ್ಯವಿದೆ," ಎಂದು ಹೇಳಿದರು.

2011ರ ವಿಶ್ವಕಪ್‌ ಸಂದರ್ಭದಲ್ಲಿ ನಾಯಕ ಎಂಎಸ್ ಧೋನಿ ಅವರ ಆಹಾರದ ಬಗ್ಗೆ ಆಸಕ್ತಿದಾಯಕ ವಿಷಯವನ್ನು ಹಂಚಿಕೊಂಡ ವೀರೇಂದ್ರ ಸೆಹ್ವಾಗ್, "ಮಾಜಿ ನಾಯಕ ಅವರು ಪಂದ್ಯಾವಳಿಯುದ್ದಕ್ಕೂ ಖಿಚಡಿ (ಭಾರತೀಯ ಸಾಂಪ್ರದಾಯಿಕ ಖಾದ್ಯ) ಮಾತ್ರ ಸೇವಿಸಿದ್ದಾರೆ," ಎಂದು ಉಲ್ಲೇಖಿಸಿದ್ದಾರೆ.