ಇದುವರೆಗಿನ ಪಂದ್ಯದಲ್ಲಿ ಆರ್‌ಸಿಬಿ ಸ್ಟ್ರೈಕ್ ಬೌಲರ್ ಯಜುವೇಂದ್ರ ಚಹಾಲ್ ಕೊಡುಗೆ ಏನು?

ಸುನಿಲ್ ಗವಾಸ್ಕರ್ ಹೇಳಿಕೆ

"ಈ ಬಾರಿಯ ಐಪಿಎಲ್ ಪಂದ್ಯಾವಳಿ, ಸ್ಪಿನ್ನರ್ ಗಳಿಗೆ ಹೆಚ್ಚಿನ ಸಹಕಾರಿಯಾಗಲಿದೆ. ಹಾಗಾಗಿ, ಆ ತಂಡದ ಪ್ರಮುಖ ಸ್ಪಿನ್ನರ್ ಮ್ಯಾಚ್ ವಿನ್ನರ್ ಆಗಲಿದ್ದಾರೆ. ಲೆಗ್ ಸ್ಪಿನ್ನರ್ ಆಗಿರುವ ಚಾಹಲ್ ಈ ಬಾರಿ ಆರ್‌ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಲಿದ್ದಾರೆ" ಎಂದು ಸುನಿಲ್ ಗವಾಸ್ಕರ್ ಹೇಳಿದ್ದರು.

ಹೈದರಾಬಾದ್ ತಂಡದ ವಿರುದ್ದ ಮೂರು ವಿಕೆಟ್

ಬೆಂಗಳೂರು ತಂಡ ಆರಂಭಿಕ ಪಂದ್ಯದಲ್ಲಿ ಹೈದರಾಬಾದ್ ತಂಡದ ವಿರುದ್ದ ಹತ್ತು ರನ್ ಗಳಿಂದ ಜಯ ಸಾಧಿಸಿತ್ತು. ಆ ಪಂದ್ಯದಲ್ಲಿ ಯಜುವೇಂದ್ರ ಚಹಾಲ್ ನಾಲ್ಕು ಓವರ್ ನಲ್ಲಿ ಹದಿನೆಂಟು ರನ್ ನೀಡಿ ಮೂರು ವಿಕೆಟ್ ಪಡೆದಿದ್ದರು. ಇದಾದ ನಂತರ ಪಂಜಾಬ್ ವಿರುದ್ದದ ಪಂದ್ಯದಲ್ಲಿ ಹೀನಾಯವಾಗಿ ಸೋತರೂ, ಚಾಹಲ್, ನಾಲ್ಕು ಓವರ್ ನಲ್ಲಿ ಕೇವಲ್ 25 ರನ್ ನೀಡಿ, ಒಂದು ವಿಕೆಟ್ ಪಡೆದಿದ್ದರು.

ಮುಂಬೈ ವಿರುದ್ದದ ಪಂದ್ಯದಲ್ಲಿ ಚಹಾಲ್

ಮುಂಬೈ ವಿರುದ್ದದ ಪಂದ್ಯದಲ್ಲಿ ಬೆಂಗಳೂರು ಸೂಪರ್ ಓವರ್ಸ್ ನಲ್ಲಿ ಗೆದ್ದಿತ್ತು. ಆ ಪಂದ್ಯದಲ್ಲಿ ಮಾತ್ರ ಚಹಾಲ್ ದುಬಾರಿಯಾದರು. ನಾಲ್ಕು ಓವರ್ ನಲ್ಲಿ 48 ರನ್ ನೀಡಿ ಒಂದು ವಿಕೆಟ್ ಪಡೆದಿದ್ದರು. ಇದಾದ ನಂತರ, ರಾಜಸ್ಥಾನ ಜೊತೆಗಿನ ಪಂದ್ಯದಲ್ಲಿ ನಾಲ್ಕು ಓವರ್ ನಲ್ಲಿ 24 ರನ್ ನೀಡಿ ಮೂರು ವಿಕೆಟ್ ಪಡೆದಿದ್ದರು.

19 ಓವರ್ ನಲ್ಲಿ 144 ರನ್ ನೀಡಿ, ಎಂಟು ವಿಕೆಟ್

ಇನ್ನು ಐದನೇ ಪಂದ್ಯದಲ್ಲಿ ಡೆಲ್ಲಿ ವಿರುದ್ದ, ಮೂರು ಓವರ್ ಬೌಲ್ ಮಾಡಿದ್ದ ಚಹಾಲ್ ವಿಕೆಟ್ ಪಡೆಯದೇ 29 ರನ್ ನೀಡಿದ್ದರು. ಒಟ್ಟಾರೆಯಾಗಿ, ಐದು ಪಂದ್ಯದಲ್ಲಿ 19 ಓವರ್ ನಲ್ಲಿ 144 ರನ್ ನೀಡಿ, ಎಂಟು ವಿಕೆಟ್ ಅನ್ನು ಪಡೆದಿದ್ದಾರೆ. ಅಂದರೆ, ಅವರ ಇಕಾನಮಿ ರೇಟ್ 7.5. ಐಪಿಎಲ್ ನಲ್ಲಿ ಇದು ಉತ್ತಮ ಇಕಾನಮಿ ರೇಟ್ ಎಂದೇ ಹೇಳಬಹುದು.