ಟೀಕಾಕಾರರ ಬಾಯಿ ಮುಚ್ಚಿಸಲು ವಿರಾಟ್ ಕೊಹ್ಲಿ ಕಂಡುಕೊಂಡ ಉಪಾಯವೇನು?

ಟೀಕಿಸುವವರು ನನ್ನ ಶೂಗಳಲ್ಲಿ ಇರಲು ಸಾಧ್ಯವಿಲ್ಲ

"ಟೀಕಿಸುವವರು ನನ್ನ ಶೂಗಳಲ್ಲಿ ಇರಲು ಸಾಧ್ಯವಿಲ್ಲ, ಅವರು ನನ್ನ ಭಾವನೆಗಳನ್ನು ಅನುಭವಿಸಲು ಸಾಧ್ಯವಿಲ್ಲ, ಅವರು ನನ್ನ ಜೀವನವನ್ನು ಬದುಕಲು ಸಾಧ್ಯವಿಲ್ಲ, ಅವರು ಆ ಕ್ಷಣಗಳನ್ನು ಬದುಕಲು ಸಾಧ್ಯವಿಲ್ಲ,'' ಎಂದು ವಿರಾಟ್ ಕೊಹ್ಲಿ ತಮ್ಮ ಬಗ್ಗೆ ಬರೆಯಲು ಪ್ರಯತ್ನಿಸುತ್ತಿರುವ ವಿಶ್ಲೇಷಕರ ಕುರಿತು ಹೇಳಿರುವ ಮಾತಿದು.

"ನೀವು ಈ ರೀತಿಯ ಮಾತು ಕೇಳುವುದನ್ನು ಹೇಗೆ ಕಡಿತಗೊಳಿಸುತ್ತೀರಿ? ಎಂಬ ಪ್ರಶ್ನೆಗೆ, ನೀವು ಟಿವಿಯನ್ನು ಮ್ಯೂಟ್ ಮಾಡಬೇಕು ಅಥವಾ ಜನರು ಹೇಳುವುದನ್ನು ಕೇಳಬೇಡಿ. ನಾನು ಈ ಎರಡೂ ಕೆಲಸಗಳನ್ನು ಮಾಡುತ್ತೇನೆ," ಎಂದು ಉತ್ತರಿಸಿದರು.

ಭಾರವಾದ ಹೆಜ್ಜೆಗಳನ್ನಿಡುತ್ತಾ ಹೊರನಡೆದರು

ವಿರಾಟ್ ಕೋಹ್ಲಿಯವರ ಇತ್ತೀಚಿನ ಗೋಲ್ಡನ್ ಡಕ್ ಔಟ್ ಹೇಗಿತ್ತೆಂದರೆ, ಪಂದ್ಯದ ಆರಂಭಿಕ ಎಸೆತವನ್ನು ಸನ್‌ರೈಸರ್ಸ್ ಹೈದರಾಬಾದ್ ನಾಯಕ ಕೇನ್ ವಿಲಿಯಮ್ಸನ್‌ಗೆ ಫ್ಲಿಕ್ ಮಾಡಿ, ಕೈಗೆ ಕ್ಯಾಚಿತ್ತಾಗ, ಕೊಹ್ಲಿ ಒಂದು ಸಣ್ಣ ಸ್ಮೈಲ್ ಕೊಟ್ಟು ನಿರಾಸೆಯೊಂದಿಗೆ ಭಾರವಾದ ಹೆಜ್ಜೆಗಳನ್ನಿಡುತ್ತಾ ಹೊರನಡೆದರು.

ವಿಡಿಯೋ ಹೋಸ್ಟ್ ಮಿ. ನಾಗ್ಸ್ ಅವರು, ವಿರಾಟ್ ಕೊಹ್ಲಿ ಎರಡು ಡಕ್‌ಗಳನ್ನು ಹೊಂದಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ. ಈ ಋತುವಿನ ಆರಂಭದಲ್ಲಿ ಕಿಂಗ್ ಕೊಹ್ಲಿ ಮೊದಲ ಎಸೆತಗಳಲ್ಲಿ ಸತತವಾಗಿ ಎರಡು ಬಾರಿ ಹೇಗೆ ಔಟಾದರು ಎಂಬುದನ್ನು ಸೂಚಿಸುತ್ತದೆ.

ಚೊಚ್ಚಲ ಐಪಿಎಲ್ ಟ್ರೋಫಿಯನ್ನು ಗೆಲ್ಲುವ ಆಶಯ

ವಿರಾಟ್ ಕೊಹ್ಲಿ ಈಗ ಎಲ್ಲಾ ಮಾದರಿಗಳಲ್ಲಿ 100ಕ್ಕೂ ಹೆಚ್ಚು ಪಂದ್ಯಗಳಲ್ಲಿ ಶತಕ ಬಾರಿಸಲು ವಿಫಲರಾಗಿದ್ದಾರೆ. ಈ ಋತುವಿನ ಐಪಿಎಲ್‌ನಲ್ಲಿ 12 ಪಂದ್ಯಗಳಿಂದ ಕೇವಲ 216 ರನ್‌ಗಳನ್ನು ಗಳಿಸಿದ್ದು, ಒಂದು ಅರ್ಧಶತಕವನ್ನು ಮಾತ್ರ ಗಳಿಸಿದ್ದಾರೆ.

2013 ಮತ್ತು 2021ರ ನಡುವೆ ಕೊಹ್ಲಿ ನಾಯಕತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಚೊಚ್ಚಲ ಐಪಿಎಲ್ ಟ್ರೋಫಿಯನ್ನು ಗೆಲ್ಲುವ ಆಶಯ ಹೊಂದಿತ್ತು. ಆದರೆ ಅದು ಈವರೆಗೂ ಕೈಗೂಡಿಲ್ಲ. ವಿರಾಟ್ ಕೊಹ್ಲಿ ಅವರು ದಕ್ಷಿಣ ಆಫ್ರಿಕಾದ ಶ್ರೇಷ್ಠ ಕ್ರಿಕೆಟಿಗ ಮತ್ತು ಮಾಜಿ ಐಪಿಎಲ್ ಸಹ ಆಟಗಾರ ಎಬಿ ಡಿವಿಲಿಯರ್ಸ್ ಬಗ್ಗೆ ಪ್ರೀತಿಯಿಂದ ಮಾತನಾಡಿದರು.

ಎಬಿ ಡಿವಿಲಿಯರ್ಸ್‌ರನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ

"ಅವರನ್ನು (ಎಬಿ ಡಿವಿಲಿಯರ್ಸ್) ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ನಾನು ಅವನೊಂದಿಗೆ ನಿಯಮಿತವಾಗಿ ಮಾತನಾಡುತ್ತೇನೆ. ಅವರು ನನಗೆ ಸಂದೇಶಗಳನ್ನು ಕಳುಹಿಸುತ್ತಲೇ ಇರುತ್ತಾರೆ. ನಾವು ಸಂಪರ್ಕದಲ್ಲಿದ್ದೇವೆ, ಅವರು ಆರ್‌ಸಿಬಿಯನ್ನು ಸ್ಪಷ್ಟವಾಗಿ ವೀಕ್ಷಿಸುತ್ತಿದ್ದಾರೆ ಮತ್ತು ಮುಂದಿನ ವರ್ಷ ಸ್ವಲ್ಪ ಸಾಮರ್ಥ್ಯದಲ್ಲಿ ವಾಪಸ್ ಬರುತ್ತಾರೆ ಎಂದು ಭಾವಿಸಿದ್ದೇನೆ," ಎಂದು ವಿರಾಟ್ ಕೊಹ್ಲಿ ಹೇಳಿದ್ದಾರೆ.

ದಕ್ಷಿಣ ಆಫ್ರಿಕಾದ ಮತ್ತೊಬ್ಬ ಆಟಗಾರ ಫಾಫ್ ಡು ಪ್ಲೆಸಿಸ್ ಈ ಋತುವಿನಲ್ಲಿ ಬೆಂಗಳೂರು ನಾಯಕರಾಗಿ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಆರ್‌ಸಿಬಿ ಪ್ರಸ್ತುತ 10 ತಂಡಗಳ ಟ್ವೆಂಟಿ 20 ಪಂದ್ಯಾವಳಿಯ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ ಮತ್ತು ಪ್ಲೇಆಫ್ ಸ್ಥಾನಕ್ಕಾಗಿ ಪೈಪೋಟಿ ನಡೆಸುತ್ತಿದೆ.