ವನಿತೆಯರ ವಿಶ್ವಕಪ್: ಪಾಕಿಸ್ತಾನ ವಿರುದ್ಧ ಭಾರತಕ್ಕೆ 95 ರನ್ ವಿಜಯ

ಮೊದಲು ಬ್ಯಾಟಿಂಗ್ ಆಯ್ಕೆ

ಪಂದ್ಯಕ್ಕೂ ಮುನ್ನ ಟಾಸ್ ಗೆದ್ದಿದ್ದ ಭಾರತ, ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತು. ಆದರೆ, ಪಾಕಿಸ್ತಾನದ ಸ್ಪಿನ್ನರ್ ನಶ್ರಾ ಸಂಧು ಮತ್ತು ಸಾದಿಯೂ ಯೂಸುಫ್ ಅವರ ಬೌಲಿಂಗ್ ಕೈಚಳಕದಿಂದ ರನ್ ಗಳಿಸಲು ಭಾರತ ಕೊಂಚ ತಡಕಾಡಿತು.

ಮಧ್ಯಮ ಕ್ರಮಾಂಕದಲ್ಲಿ ನೆರವಾದ ಸುಷ್ಮಾ

ಆರಂಭಿಕ ಆಟಗಾರ್ತಿಯಾದ ಪೂನಮ್ ರವೂತ್ (47) ಬಿಟ್ಟರೆ ಮಿಕ್ಕವರ್ಯಾರೂ ಉತ್ತಮವಾಗಿ ಆಡಲಿಲ್ಲ. ಆದರೂ, ಮಧ್ಯಮ ಕ್ರಮಾಂಕದಲ್ಲಿ ಕೊಂಚ ಮಿಂಚಿದ ವಿಕೆಟ್ ಕೀಪರ್ ಸುಷ್ಮಾ ವರ್ಮಾ (33) ಅವರ ಸಮಯೋಚಿತ ಬ್ಯಾಟಿಂಗ್ ನಿಂದಾಗಿ ಭಾರತ 169 ರನ್ ಗಳ ಮೊತ್ತ ಸಂಪಾದಿಸಿತು.

ನೆರವಾದ ಮಾನ್ಸಿ ಜೋಷಿ

ಆನಂತರ, ಬ್ಯಾಟಿಂಗ್ ಗೆ ಇಳಿದ ಪಾಕಿಸ್ತಾನವನ್ನು ಕಾಡಿದ ಏಕ್ತಾ ಬಿಶ್ತ್, ಆರಂಭಿಕ ಆಟಗಾರ್ತಿ ಆಯೇಶ್ ಜಾಫರ್ ಅವರನ್ನು ತಂಡದ ಮೊತ್ತ ಕೇವಲ 1 ರನ್ ಆಗಿದ್ದಾಗಲೇ ಪೆವಿಲಿಯನ್ ಗೆ ಕಳುಹಿಸಿದರು.
ಆನಂತರ, ತಮ್ಮ ಸ್ಪಿನ್ ಕೈಚಳಕದಿಂದ ಸಿದ್ರಾ ನವಾಜ್, ಇರಾಮ್ ಜಾವೇದ್ ಹಾಗೂ ನಶ್ರಾ ಸಂಧು ವಿಕೆಟ್ ಉರುಳಿಸಿದರು. ಇವರ ಪ್ರಯತ್ನಕ್ಕೆ ಕೈ ಜೋಡಿಸಿದ ತಂಡದ ಮಧ್ಯಮ ವೇಗಿ ಮಾನ್ಸಿ ಜೋಷಿ, ಅಸ್ಮಾವಿಯಾ ಇಕ್ಬಾಲ್ ಹಾಗೂ ನಾಯಕಿ ಸನಾ ಮಿರ್ ಅವರ ವಿಕೆಟ್ ಕಬಳಿಸಿದರು.
ಇನ್ನು ಮೂರು ವಿಕೆಟ್ ಗಳು ಹರ್ಮನ್ ಪ್ರೀತ್ ಕೌರ್, ಜುಲಾನ್ ಗೋಸ್ವಾಮಿ ಹಾಗೂ ದೀಪ್ತಿ ಶರ್ಮಾ ಅವರ ಪಾಲಾದವು. ಅಂತಿಮವಾಗಿ, ಪಾಕಿಸ್ತಾನ 74 ರನ್ ಮೊತ್ತಕ್ಕೆ ಆಲೌಟ್ ಆಯಿತು.

ಆಸೀಸ್ ಎರಡನೇ ಸ್ಥಾನದಲ್ಲಿ

ಪಾಕಿಸ್ತಾನ ತಂಡದ ವಿರುದ್ಧದ ಜಯದ ಮೂಲಕ ಭಾರತ ಈವರೆಗೆ ಆಡಿರುವ ಮೂರೂ ಪಂದ್ಯಗಳಲ್ಲಿ (ಇಂಗ್ಲೆಂಡ್, ವೆಸ್ಟ್ ಇಂಡೀಸ್ ಹಾಗೂ ಪಾಕಿಸ್ತಾನ) ಜಯ ಸಾಧಿಸಿ ಒಟ್ಟು 6 ಅಂಕಗಳನ್ನು ಪಡೆದು ಅಂಕಪಟ್ಟಿಯ ಮೊದಲ ಸ್ಥಾನದಲ್ಲಿದೆ.
ಇಷ್ಟೇ ಜಯ ಸಂಪಾದಿಸಿ ತಾನೂ 6 ಅಂಕ ಗಳಿಸಿದ್ದರೂ, ನೆಟ್ ರನ್ ರೇಟ್ ನಲ್ಲಿ (+0.724) ಭಾರತಕ್ಕಿಂತ (+1.110) ಹಿಂದಿರುವುದರಿಂದ ಅದು 2ನೇ ಸ್ಥಾನದಲ್ಲಿದೆ. ಇನ್ನು, 5 ಅಂಕ ಗಳಿಸಿರುವ ದಕ್ಷಿಣ ಆಫ್ರಿಕಾ 3ನೇ ಸ್ಥಾನದಲ್ಲಿದೆ.

ಭಾರತಕ್ಕೆ ಅರ್ಹ ಜಯ

ಭಾರತ 50 ಓವರ್ ಗಳಲ್ಲಿ 9 ವಿಕೆಟ್ ಗೆ 169 (ಪೂನಮ್ ರವೂತ್ 47, ಸುಷ್ಮಾ ವರ್ಮಾ 33; ನಶ್ರಾ ಸಂಧು 26ಕ್ಕೆ 4, ಸಾದಿಯಾ ಯೂಸುಫ್ 30ಕ್ಕೆ 2).
ಪಾಕಿಸ್ತಾನ 38.1 ಓವರ್ ಗಳಲ್ಲಿ 74 (ಅಸ್ಮಾವಿಯಾ ಇಕ್ಬಾಲ್ 29, ನಾಹಿದಾ ಖಾನ್ 23; ಏಕ್ತಾ ಬಿಶ್ತ್ 18ಕ್ಕೆ 5, ಮಾನ್ಸಿ ಜೋಷಿ 9ಕ್ಕೆ 2).
ಪಂದ್ಯ ಶ್ರೇಷ್ಠ: ಏಕ್ತಾ ಬಿಶ್ತ್