ವಿಶ್ವಕಪ್ 2015: ಸದ್ಯಕ್ಕೆ ಶತಕ ವೀರರ ಸಂಖ್ಯೆ 5

ಬೆಂಗಳೂರು, ಫೆ.18: ಕಳೆದ 11 ಆವೃತ್ತಿಯ ವಿಶ್ವಕಪ್ ಗಳಲ್ಲಿ ಅತಿ ಹೆಚ್ಚು ಶತಕ ಗಳಿಸಿದ ಆಟಗಾರರ ಪೈಕಿ ಸಚಿನ್ ತೆಂಡೂಲ್ಕರ್ ಇಂದಿಗೂ ಟಾಪ್ ನಲ್ಲಿದ್ದಾರೆ. ಸಚಿನ್ ವಿಶ್ವದಾಖಲೆ (6 ಶತಕ) ಹಾಗೂ ಅತಿ ಹೆಚ್ಚು ಅರ್ಧಶತಕ (15) ಇನ್ನೂ ಯಾರು ಮುರಿದಿಲ್ಲ. ಅದರೆ, ಈ ಬಾರಿ ಶತಕಗಳು ಸುಲಭವಾಗಿ ಬ್ಯಾಟ್ಸ್ ಮನ್ ಗಳಿಂದ ಹರಿದು ಬದುತ್ತಿವೆ.

ಕಳೆದ 40 ವರ್ಷಗಳ ವಿಶ್ವಕಪ್ ಇತಿಹಾಸದಲ್ಲೇ ಕಂಡರಿಯದಷ್ಟು ಶತಕಗಳು ಈ ಬಾರಿ ಕಂಡರೆ ಅಚ್ಚರಿಪಡಬೇಕಾಗಿಲ್ಲ. ಟೂರ್ನಿಯ ಆರಂಭದಲ್ಲೇ ತಂಡಗಳು ಮುನ್ನೂರು ರನ್ ಸುಲಭವಾಗಿ ದಾಟುತ್ತಿವೆ. ಜೊತೆಗೆ ಈಗಾಗಲೇ ಐವರು ಆಟಗಾರರು ಮ್ಯಾಜಿಕ್ ನಂಬರ್ 100 ರನ್ ಗಡಿ ದಾಟಿದ್ದಾರೆ.[ವಿಶ್ವಕಪ್: ಇಂಡಿಯಾದ ಶತಕವೀರರ ಪಟ್ಟಿ ]

ಫೆ.18ರ ತನಕದ ಶತಕ ವೀರರ ಪಟ್ಟಿ ಗಮನಿಸಿದರೆ ಡೇವಿಡ್ ಮಿಲ್ಲರ್ ಹಾಗೂ ಅರೋನ್ ಫಿಂಚ್ ಅಬ್ಬರದ ಬ್ಯಾಟಿಂಗ್, ವಿರಾಟ್ ಕೊಹ್ಲಿ ಸಮಯೋಜಿತ ಆಟ ಕಂಡು ಬಂದಿದೆ.

ಐಸಿಸಿ ವಿಶ್ವಕಪ್ 2015 ಟೂರ್ನಿಯಲ್ಲಿ ಶತಕ ಗಳಿಸಿದ ಆಟಗಾರರ ಪಟ್ಟಿ ಇಲ್ಲಿದೆ. ಪ್ರತಿ ಬಾರಿ ಆಟಗಾರ ಶತಕ ಗಡಿ ದಾಟುತ್ತಿದ್ದಂತೆ ಈ ಪಟ್ಟಿ ಅಪ್ಡೇಟ್ ಆಗುತ್ತಿರುತ್ತದೆ.