ಲಂಡನ್, ಜುಲೈ 1: ಐಸಿಸಿ ವಿಶ್ವಕಪ್ 2019ರಲ್ಲಿ ಸೆಮಿಫೈನಲ್ ಪ್ರವೇಶಿಸುವ ಶ್ರೀಲಂಕಾ ಆಸೆಗೆ ದಕ್ಷಿಣ ಆಫ್ರಿಕಾ ವಿರುದ್ಧದ ಸೋಲು ದೊಡ್ಡ ಹೊಡೆತ ನೀಡಿದೆ. ಸೋಮವಾರ (ಜುಲೈ 1) ಶ್ರೀಲಂಕಾಕ್ಕೆ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯವನ್ನು ಗೆಲ್ಲಲೇಬೇಕು. ಈ ಫಲಿತಾಂಶ ಲಂಕಾ ಹಣೆಬರಹ ನಿರ್ಧರಿಸಲಿದೆ. ಹಾಗಂತ ಪಂದ್ಯ ಗೆದ್ದರೂ ಲಂಕಾ ಸೆಮಿಫೈನಲ್ ಪ್ರವೇಶಿಸುತ್ತೆ ಅನ್ನೋದಕ್ಕೆ ಗ್ಯಾರಂಟಿಯಿಲ್ಲ!
ಕುತೂಹಲಕಾರಿ ಸ್ಟೋರಿಗಳು, ಅಂಕಿ-ಅಂಶಗಳು 'ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019' ವಿಶೇಷ ಮುಖಪುಟದಲ್ಲಿವೆ
ಸೋಮವಾರ ಚೆಸ್ಟರ್-ಲೆ-ಸ್ಟ್ರೀಟ್ ನಲ್ಲಿರುವ ರಿವರ್ಸ್ಸೈಡ್ ಗ್ರೌಂಡ್ನಲ್ಲಿ ವಿಶ್ವಕಪ್ 39ನೇ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಮತ್ತು ಶ್ರೀಲಂಕಾ ತಂಡಗಳು ಮುಖಾಮುಖಿಯಾಗುತ್ತಿವೆ. ಆಡಿರುವ 7ರಲ್ಲಿ 1 ಗೆಲುವು ದಾಖಲಿಸಿರುವ ವಿಂಡೀಸ್ಗೆ ಇದು ಔಪಚಾರಿಕ ಪಂದ್ಯವೆ. 7ರಲ್ಲಿ 2 ಗೆಲುವು ಕಂಡಿರುವ ಲಂಕಾ ಪಾಲಿಗೂ ಇದು ಒಂದರ್ಧದಲ್ಲಿ ಔಪಚಾರಿಕವೇ.
ಶ್ರೀಲಂಕಾ vs ವೆಸ್ಟ್ ಇಂಡೀಸ್, ಜುಲೈ 1, Live ಸ್ಕೋರ್ಕಾರ್ಡ್
ಸದ್ಯ ಅಂಕಪಟ್ಟಿಯಲ್ಲಿ ಮೊದಲ ನಾಲ್ಕು ಸ್ಥಾನಗಳಲ್ಲಿ ಕ್ರಮವಾಗಿ ಆಸ್ಟ್ರೇಲಿಯಾ (14 ಪಾಯಿಂಟ್ಸ್), ಭಾರತ (11), ನ್ಯೂಜಿಲೆಂಡ್ (11), ಇಂಗ್ಲೆಂಡ್ (10) ತಂಡಗಳಿವೆ. ಈ ನಾಲ್ಕೂ ತಂಡಗಳ ನೆಟ್ ರನ್ ರೇಟ್ ಕೂಡ ಚೆನ್ನಾಗಿಯೇ ಇದೆ. ಹೀಗಾಗಿ ಶ್ರೀಲಂಕಾ-ವಿಂಡೀಸ್ ಪಂದ್ಯದ ಫಲಿತಾಂಶವೂ ಅಗ್ರ ನಾಲ್ಕು ಸ್ಥಾನಿಗಳಿಗೆ ಅಂಥದ್ದೇನೂ ಪರಿಣಾಮ ಬೀರಲಾರದು.
ವೆಸ್ಟ್ ಇಂಡೀಸ್ ತಂಡ: ಕ್ರಿಸ್ ಗೇಲ್, ಸುನಿಲ್ ಆ್ಯಬ್ರಿಸ್, ಶೈ ಹೋಪ್, ನಿಕೋಲಸ್ ಪೂರನ್, ಶಿಮ್ರಾನ್ ಹೆಟ್ಮೈರ್, ಜೇಸನ್ ಹೋಲ್ಡರ್, ಕಾರ್ಲೋಸ್ ಬ್ರಾಥ್ವೇಟ್, ಫ್ಯಾಬಿಯನ್ ಅಲೆನ್, ಕೆಮರ್ ರೋಚ್, ಶೆಲ್ಡನ್ ಕಾಟ್ರೆಲ್, ಓಶೇನ್ ಥಾಮಸ್.
ಶ್ರೀಲಂಕಾ ತಂಡ: ದಿಮುತ್ ಕರುಣರತ್ನೆ, ಕುಸಾಲ್ ಪೆರೆರಾ, ಅವಿಷ್ಕಾ ಫರ್ನಾಂಡೊ, ಕುಸಾಲ್ ಮೆಂಡಿಸ್, ಏಂಜೆಲೊ ಮ್ಯಾಥ್ಯೂಸ್, ಜೀವನ್ ಮೆಂಡಿಸ್/ಮಿಲಿಂಡಾ ಸಿರಿವರ್ಧನ, ಧನಂಜಯ ಡಿ ಸಿಲ್ವಾ, ಥಿಸೆರಾ ಪೆರೆರಾ, ಇಸುರು ಉದಾನ, ಸುರಂಗ ಲಕ್ಮಲ್, ಲಸಿತ್ ಮಾಲಿಂಗ.
{headtohead_cricket_7_8}