ಪಾಕ್ ವಿರುದ್ಧ ಭಾರತ ಗೆದ್ದಾಗ ಧೋನಿ ಪತ್ನಿ ಸಾಕ್ಷಿ ಬೆಚ್ಚಿದ್ದೇಕೆ?

ಮುಂಬೈ, ಮಾರ್ಚ್ 21 : ಕೋಲ್ಕತ್ತಾದಲ್ಲಿ ನಡೆದ ವಿಶ್ವ ಟಿ20 ಪಂದ್ಯದಲ್ಲಿ ಬದ್ಧ ವೈರಿ ಪಾಕಿಸ್ತಾನವನ್ನು ಭಾರತ ಬಗ್ಗುಬಡಿದು ವಿಜಯೋತ್ಸವ ಆಚರಿಸಿತು. ಶನಿವಾರ ತಡರಾತ್ರಿ ಇಡೀ ದೇಶವೇ ಸಂಭ್ರಮ ಆಚರಣೆಯಲ್ಲಿ ತೇಲಾಡುತ್ತಿತ್ತು.

ವಿಶ್ವ ಟಿ20: ತಂಡಗಳು | ವೇಳಾಪಟ್ಟಿ | ಗ್ಯಾಲರಿ | ಟೂರ್ನಿಗೆ ಫುಲ್ ಗೈಡ್

ಆದರೆ, ಟೀಂ ಇಂಡಿಯಾ ನಾಯಕ ಮಹೇಂದ್ರ ಸಿಂಗ್ ಧೋನಿ ಸಾಕ್ಷಿ ಸಿಂಗ್ ಧೋನಿ ಅವರು ಮಾತ್ರ ಇಂಡಿಯಾ ಗೆದ್ದಿದ್ದಕ್ಕೆ ಬೆಚ್ಚಿ ಬಿದ್ದಿದ್ದಾರೆ. ಏತಕ್ಕೆ? ಮುಂದೆ ಓದಿ..[ಪಾಕಿಸ್ತಾನ ವಿರುದ್ಧ ಭಾರತ 11-0 ಪರಾಕ್ರಮ ಸಾಧನೆ]

ಈಡನ್ ಗಾರ್ಡನ್ ಮೈದಾನದಲ್ಲಿ ಮಾರ್ಚ್ 19 ಶನಿವಾರ ನಡೆದ ಭಾರತ ಹಾಗೂ ಪಾಕ್ ನಡುವಿನ ಹೈವೋಲ್ಟೇಜ್ ಪಂದ್ಯದಲ್ಲಿ ಭಾರತ 6 ವಿಕೆಟ್ ಗಳ ಅಮೋಘ ಜಯಗಳಿಸಿದ್ದಕ್ಕೆ ರಾಂಚಿಯಲ್ಲಿರುವ ಕ್ಯಾಪ್ಟನ್ ಧೋನಿ ಅವರ ಮನೆ ಮುಂದೆ ಅಭಿಮಾನಿಗಳು ಶಿಳ್ಳೆ, ಕೇಕೆ ಹಾಕಿ, ಪಟಾಕಿಗಳನ್ನು ಸಿಡಿಸಿ ಸಂಭ್ರಮಾಚರಣೆ ಮಾಡಿದ್ದರು. [ಅನುಷ್ಕಾರನ್ನು ಕಿಚಾಯಿಸಿದ ಟ್ವೀಟ್ಸ್ ]

ಹೆಚ್ಚು ಸದ್ದು ಕೇಳಿ ಬಂದಿದ್ದರಿಂದ ಗಾಬರಿಗೊಂಡ ಸಾಕ್ಷಿ ತನ್ನ ಮಗಳು ಝೀವಾ ನಿದ್ರೆಯಿಂದ ಎದ್ದು ಬಿಡುತ್ತಾಳೆಂದು ಹೆಚ್ಚು ಗಲಾಟೆ ಮಾಡಬೇಡಿ ಶಾಂತ ರೀತಿಯಿಂದ ಸಂಭ್ರಮಾಚರಣೆ ಮಾಡಿ ಎಂದು ಸಾಕ್ಷಿ ಟ್ವಿಟ್ಟರ್ ಮೂಲಕ ಮನೆ ಮುಂದೆ ಸೇರಿದ್ದ ಅಭಿಮಾನಿಗಳಲ್ಲಿ ಮನವಿ ಮಾಡಿಕೊಂಡಿದ್ದಾರೆ. [ಟ್ರಾಲ್ಸ್ : ಕೊಹ್ಲಿ ಪರಿಶ್ರಮ vs ಧೋನಿ ಭಕ್ತರು]

ಇದೇ ವೇಳೆ ಪಾಕಿಸ್ತಾನವನ್ನು 6 ವಿಕೆಟ್ ಗಳಿಂದ ಮಣಿಸಿ ಮತ್ತೊಮ್ಮೆ ಗೆಲವು ನಮ್ಮದೆ ಎಂದು ತೋರಿಸಿಕೊಟ್ಟ ಭಾರತ ಕ್ರಿಕೆಟ್ ತಂಡಕ್ಕೆ ಟೀಂ ಇಂಡಿಯಾದ ಕೂಲ್ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಮಡದಿ ಸಾಕ್ಷಿ ಸಿಂಗ್ ಟ್ವಿಟ್ಟರ್ ಮೂಲಕ ಅಭಿನಂದನೆಗಳನ್ನು ತಿಳಿಸಿದ್ದಾರೆ.