ಸತ್ಯ ಮಾತನಾಡಿದ್ದಕ್ಕೆ ಹುಚ್ಚನೆನಿಸಿಕೊಂಡಿದ್ದೆ: ಪಾಕ್ ಮಾಜಿ ನಾಯಕ

ನೇರವಾಗಿ ಹೇಳುತ್ತಿದ್ದೆ

ನಾಯಕನಾಗಿದ್ದ ಸಂದರ್ಭದಲ್ಲಿಕೆಲ ಆಟಗಾರರು ನಮ್ಮ ತಂಡಕ್ಕೆ ತಮ್ಮ ಸಂಪೂರ್ಣ ಆಟವನ್ನು ನೀಡುತ್ತಿರಲಿಲ್ಲ. ಅದಕ್ಕಾಗಿ ಕೆಲ ಆಟಗಾರರನ್ನು ಬೊಟ್ಟುಮಾಡಿ ಹೇಳುತ್ತಿದ್ದೆ. ಆದರೆ ಅದನ್ನು ಅವರು ಸ್ವೀಕರಿಸಲು ಸಿದ್ದರಿರಲಿಲ್ಲ. ಇದರಿಂದಾಗಿ ಕಷ್ಟವೆನಿಸುತ್ತಿತ್ತು ಎಂದು ಹೇಳಿಕೊಂಡಿದ್ದಾರೆ.

ಸತ್ಯವನ್ನು ನೇರವಾಗಿ ಹೇಳುತ್ತಿದ್ದೆ

ತಂಡಕ್ಕಾಗಿ ನಾನು ಸತ್ಯವನ್ನು ನೇರವಾಗಿ ಹೇಳುತ್ತಿದ್ದೆ. ಆದರೆ ಪರಿಸ್ಥಿತಿ ಹೇಗಿರುತ್ತದೆ ಎಂದರೆ ಸತ್ಯವನ್ನು ಹೇಳಿದರೆ ನಾವು ಹುಚ್ಚರು ಎನಿಸಿಕೊಳ್ಳಬೇಕಾಗುತ್ತದೆ. ಆದರೆ ನನಗೆ ಗೊತ್ತಿತ್ತು, ನಾನು ತಪ್ಪು ಮಾಡುತ್ತಿಲ್ಲವೆಂದು. ಅದಕ್ಕಾಗಿ ನಾನು ಮಾಡುತ್ತಿದ್ದಕ್ಕೆ ನನಗೆ ಹಿಂಜರಿಕೆಯಿರಲಿಲ್ಲ ಎಂದು ಯೂನುಸ್ ಖಾನ್ ಹೇಳಿದ್ದಾರೆ.

ಆಟಗಾರರ ಗುಂಪಿನ ಮೇಲೆ ಬೊಟ್ಟು ಮಾಡಿದ್ದೆ

ನಾನು ಒಂದು ಆಟಗಾರರ ಗುಂಪಿನ ಮೇಲೆ ಬೊಟ್ಟು ಮಾಡಿದ್ದೆ. ಅವರಿಂದ ತಂಡಕ್ಕಾಗಿ ಸಂಪೂರ್ಣ ಪ್ರಮಾಣದ ಕೊಡುಗೆ ಸಿಕುತ್ತಿರಲಿಲ್ಲ. ಆದರೆ ತಡವಾಗಿ ಅವರು ಇದನ್ನು ಅರ್ಥಮಾಡಿಕೊಂಡಿದ್ದರು. ಬಳಿಕ ನಾವು ತಂಡವಾಗಿ ಬಹಳ ಕಾಲ ಆಡಿದ್ದೆವು ಎಂದು ಪಾಕಿಸ್ತಾನ ಕ್ರಿಕೆಟ್ ತಮಡದ ಮಾಜಿ ನಾಯಕ ಯೂನಿಸ್ ಖಾನ್ ಹೇಳಿಕೊಂಡಿದ್ದಾರೆ.

ವಿರಾಟ್ ಕೊಹ್ಲಿ ಜೊತೆಗೆ ಬಾಬರ್ ಅಜಂ ಹೋಲಿಕೆ

ಇದೇ ಸಂದರ್ಭದಲ್ಲಿ ಪಾಕಿಸ್ತಾನದ ಯುವ ಕ್ರಿಕೆಟಿಗ ಸೀಮಿತ ಓವರ್‌ಗಳ ನಾಯಕ ಬಾಬರ್ ಅಜಂ ಬಗ್ಗೆಯೂ ಯೂನಿಸ್ ಖಾನ್ ಮಾತನಾಡಿದ್ದಾರೆ. ಬಾಬರ್ ಅಜಂ ಅದ್ಭುತ ಆಟಗಾರ. ಆದರೆ ಆತನನ್ನು ಈಗಲೇ ವಿರಾಟ್ ಕೊಹ್ಲಿ ಜೊತೆಗೆ ಹೋಲಿಕೆ ಮಾಡುವುದು ಸರಿಯಲ್ಲ. ಮುಂದಿನ ಐದು ವರ್ಷಗಳ ನಂತರ ಬಾಬರ್ ಸಾಧನೆಯನ್ನು ಕೊಹ್ಲಿ ಜೊತೆಗೆ ಹೋಲಿಕೆ ನಾಡಿಕೊಳ್ಳಲು ಅವಕಾಶವಿದೆ ಎಂದು ಹೇಳಿದ್ದಾರೆ.