'ಕನಸು ಕಾಣುತ್ತಿರಿ' ಎಂದು ಮುಂಬೈ ಇಂಡಿಯನ್ಸ್‌ಗೆ ತಿರುಗೇಟು ನೀಡಿದ ಚಾಹಲ್ !

ಅಭಿಮಾನಿಗಳಲ್ಲಿ ಮುಂಬೈ ಪ್ರಶ್ನೆ

ಲಾಕ್‌ಡೌನ್‌ನ ಈ ಸಂದರ್ಭದಲ್ಲಿ ಮುಂಬೈ ಇಂಡಿಯನ್ಸ್ ತನ್ನ ಅಭಿಮಾನಿಗಳಿಗೆ ಒಂದು ಪ್ರಶ್ನೆಯನ್ನು ಕೇಳಿತ್ತು. ಈ ಪ್ರಶ್ನೆಗೆ ಚಾಹಲ್ ಉತ್ತರವನ್ನು ನೀಡಿದ್ದು ನಯವಾಗಿಯೇ ತಿರುಗೇಟು ನೀಡಿದಂತಿದೆ. ಈ ಉತ್ತರಕ್ಕೆ ಅಭಿಮಾನಿಗಳೂ ಫಿದಾ ಆಗಿದ್ದಾರೆ.

ಬೂಮ್ರಾ ಬೌಲಿಂಗ್‌ಗೆ ಚಾಹಲ್ ಬ್ಯಾಟಿಂಗ್

ಜಸ್ಪ್ರೀತ್ ಬೂಮ್ರಾ ಅವರ ಬೌಲಿಂಗ್‌ನಲ್ಲಿ ಚಾಹಲ್ ಬ್ಯಾಟಿಂಗ್ ಮಾಡುವುದನ್ನು ನೀವು ನೋಡಲು ಉತ್ಸುಕರಾಗಿದ್ದೀರಾ ಎಂದು ಮುಂಬೈ ಇಂಡಿಯನ್ಸ್ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಕೇಳಿತ್ತು. ಅದಕ್ಕೆ ಪೂರಕವಾಗಿ ಅಭಿಮಾನಿಗಳೂ ಪ್ರತಿಕ್ರಿಯಿಸಿದ್ದರು.

ಜಾಣತನದ ಉತ್ತರ

ಮುಂಬೈ ಇಂಡಿಯನ್ಸ್ ಕೇಳಿದ ಈ ಪ್ರಶ್ನೆಗೆ ಯುಜುವೇಂದ್ರ ಚಾಹಲ್ ಜಾಣತನದ ಉತ್ತರವನ್ನು ನೀಡಿದ್ದಾರೆ. 'ನಾನು ಬ್ಯಾಟಂಗ್‌ಗೆ ಕಣಕ್ಕಿಳಿಯುವುದು 10-11ನೇ ಕ್ರಮಾಂಕದಲ್ಲಿ. ನನಗಿಂತಲೂ ಮೊದಲು ಫಿಂಚ್, ಎಬಿಡಿ ಸರ್ ಮತ್ತು ಕಿಂಗ್ ಕೊಹ್ಲಿ ಬ್ಯಾಟಿಂಗ್‌ಗಿಳಿಯುತ್ತಾರೆ. ಮೊದಲಿಗೆ ಅವರನ್ನು ಔಟ್‌ ಮಾಡಿ ಆಮೇಲೆ ನನ್ನ ಬ್ಯಾಟಿಂಗ್ ಬಗ್ಗೆ ಮಾತನಾಡಿ' ಎಂದು ಚಾಹಲ್ ಪ್ರತಿಕ್ರಿಯಿಸಿದ್ದಾರೆ.

ಎಲ್ಲರೂ ಲಾಕ್‌ಡೌನ್

ಎಲ್ಲಾ ಕ್ರಿಕೆಟಿಗರೂ ತಮ್ಮ ತಮ್ಮ ಮನೆಗಳಲ್ಲಿ ಕಾಲವನ್ನು ಕಳೆಯುತ್ತಿದ್ದಾರೆ. ಈ ಸಂದರ್ಭದಲ್ಲಿ ತಮ್ಮನ್ನ ಬ್ಯುಸಿಯಾಗಿಟ್ಟುಕೊಳ್ಳಲು ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳೊಂದಿಗೆ ಸಂವಾದವನ್ನು ನಡೆಸುತ್ತಿದ್ದಾರೆ. ಮೊದಲೇ ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿದ್ದ ಚಾಹಲ್ ಈಗ ಮತ್ತಷ್ಟು ಚಟುವಟಿಕೆಯಿಂದಿದ್ದಾರೆ.