ಧರ್ಮಶಾಲಾ, ಮಾರ್ಚ್ 11: ಮಾರಕ ಸೋಂಕು ಕೊರೊನಾ ವೈರಸ್ ಬಗ್ಗೆ ಬರೀ ದಕ್ಷಿಣ ಆಫ್ರಿಕಾ ಆಟಗಾರರಷ್ಟೇ ಎಚ್ಚರಿಕೆ ವಹಿಸುತ್ತಿಲ್ಲ, ಭಾರತದ ಆಟಗಾರರೂ ಸೋಂಕು ತಗುಲದಂತೆ ಮುನ್ನೆಚ್ಚರಿಕೆ ವಹಿಸುತ್ತಿದ್ದಾರೆ. ಭಾರತ vs ದಕ್ಷಿಣ ಆಫ್ರಿಕಾ ನಡುವಿನ ಮೊದಲ ಏಕದಿನ ಪಂದ್ಯಕ್ಕೂ ಮುನ್ನ ಟೀಮ್ ಇಂಡಿಯಾದ ಲೆಗ್ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ಮಾಸ್ಕ್ ಧರಿಸಿರುವ ಫೋಟೋ ವೈರಲ್ ಆಗಿದೆ.
ಪಠಾಣ್ ಸ್ಫೋಟಕ ಬ್ಯಾಟಿಂಗ್: ಶ್ರೀಲಂಕಾ ವಿರುದ್ಧ ಇಂಡಿಯಾಕ್ಕೆ ರೋಚಕ ಜಯ!
ಭಾರತ-ದಕ್ಷಿಣ ಆಫ್ರಿಕಾ ಮೊದಲ ಏಕದಿನ ಪಂದ್ಯ ಮಾರ್ಚ್ 12ರಂದು ಹಿಮಾಚಲ್ ಪ್ರದೇಶದ ಧರ್ಮಶಾಲಾ ಸ್ಟೇಡಿಯಂನಲ್ಲಿ ನಡೆಯಲಿದೆ. ಪಂದ್ಯದ ಸಲುವಾಗಿ ಧರ್ಮಶಾಲಾದತ್ತ ವಿಮಾನಯಾನದಲ್ಲಿರುವಾಗ ಯುಜುವೇಂದ್ರ ಚಾಹಲ್ ಕೊರೊನಾ ವೈರಸ್ ನಿಯಂತ್ರಕ ಮಾಸ್ಕ್ ಧರಿಸಿದ್ದರು. ಈ ಫೋಟೋವನ್ನು ಚಾಹಲ್ ಅವರೇ ತನ್ನ ಟ್ವಿಟರ್ ಪೇಜ್ನಲ್ಲಿ ಹಾಕಿಕೊಂಡಿದ್ದರು.
😷 😷 ✈️✈️ pic.twitter.com/BnCyJCuf4V
— Yuzvendra Chahal (@yuzi_chahal) March 10, 2020
ಭಾರತದಲ್ಲೂ ಸುಮಾರು 62ಕ್ಕೂ ಮಿಕ್ಕಿ ಕೊರೊನಾ ವೈರಸ್ ಸೋಂಕಿತರು ಪತ್ತೆಯಾಗಿರುವುದರಿಂದ ಭಾರತ ಪ್ರವಾಸದ ವೇಳೆ ಹ್ಯಾಂಡ್ಶೇಕ್ ಮಾಡ ಕೂಡದು ಎಂದು ದಕ್ಷಿಣ ಆಫ್ರಿಕಾ ಕೋಚ್ ಮಾರ್ಕ್ ಬೌಚರ್ ತನ್ನ ತಂಡದ ಆಟಗಾರರಿಗೆ ಸೂಚಿಸಿದ್ದರು. ಅಷ್ಟೇ ಅಲ್ಲ, ಮುನ್ನೆಚ್ಚರಿಕೆ ಕ್ರಮವಾಗಿ ನಮ್ಮೊಂದಿಗೆ ವೈದ್ಯಕೀಯ ಸಿಬ್ಬಂದಿಯೂ ಬಂದಿದ್ದಾರೆ ಎಂದು ಬೌಚರ್ ತಿಳಿಸಿದ್ದರು.
ಐಪಿಎಲ್ 2020: ಆರ್ಸಿಬಿ ಪಂದ್ಯಗಳು ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯಲ್ಲ!?
ಧರ್ಮಶಾಲಾ ಸ್ಟೇಡಿಯಂನಲ್ಲಿ ಭಾರತ-ದಕ್ಷಿಣ ಆಫ್ರಿಕಾ ಮೊದಲ ಏಕದಿನ ಪಂದ್ಯ ನಡೆದರೆ, ಲಕ್ನೋ ಸ್ಟೇಡಿಯಂನಲ್ಲಿ ದ್ವಿತೀಯ ಪಂದ್ಯ, ಕೋಲ್ಕತ್ತಾದ ಈಡನ್ ಗಾರ್ಡನ್ನಲ್ಲಿ ಅಂತಿಮ ಪಂದ್ಯ ನಡೆಯಲಿದೆ. ಎಲ್ಲಾ ಪಂದ್ಯಗಳು ಭಾರತೀಯ ಕಾಲಮಾನ 1.30 pmಗೆ ಆರಂಭಗೊಳ್ಳಲಿವೆ.