ಪಾಕಿಸ್ತಾನ ದಂತಕತೆಗೆ ಕೊಹ್ಲಿಗಿಂತ ಮತ್ತೊಬ್ಬನ ಆಟ ಹೆಚ್ಚು ಇಷ್ಟವಂತೆ!

ರೋಹಿತ್‌ದು ಅಪರೂಪದ ಶೈಲಿ

ರೋಹಿತ್ ಅವರದ್ದು ಅಪರೂಪದ ಬ್ಯಾಟಿಂಗ್ ಶೈಲಿಯಾದ್ದರಿಂದ ಅವರ ಬ್ಯಾಟಿಂಗ್‌ ನೋಡುವುದಕ್ಕೆ ನಾನು ಆದ್ಯತೆ ನೀಡುತ್ತೇನೆ ಎಂದು ಜಹೀರ್ ಹೇಳಿದರು. 'ರೋಹಿತ್ ಬ್ಯಾಟಿಂಗ್ ಮಾಡುತ್ತಿದ್ದರೆ ನಾನ್ಯಾವತ್ತಿಗೂ ಟಿವಿ ಸ್ವಿಚ್‌ ಆಫ್‌ ಮಾಡಲಾರೆ,' ಎಂದು ಅಬ್ಬಾಸ್ ಹೇಳಿದರು.

ಟೀಮ್ ಇಂಡಿಯಾದ ಬಗ್ಗೆ ಮೆಚ್ಚುಗೆ

ಕೊಹ್ಲಿ ಭಾರತದ ಬೆನ್ನೆಲುಬು ನಿಜ. ಆದರೆ ರೋಹಿತ್ ಬ್ಯಾಟಿಂಗ್ ನೋಡಲು ಚಂದ. ಭಾರತದವರು ನಮ್ಮಂತಲ್ಲ. ಅವರು ರಾಜಕೀಯ ಅಸೂಯೆಗಳಿಂದ ದೂರ ಉಳಿದರು. ಅಲ್ಲಿ ಜೂನಿಯರ್-ಸೀನಿಯರ್ ನಡುವೆ ಕಚ್ಚಾಟವಿಲ್ಲ. ಹೀಗಾಗಿಯೇ ಅಲ್ಲಿ ಶ್ರೇಷ್ಠ ಆಟಗಾರರು ಹುಟ್ಟಿಕೊಂಡಿದ್ದಾರೆ,' ಎಂದು ಅಬ್ಬಾಸ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಭಾರತದ ಬೆನ್ನೆಲುಬು

ವಿಶ್ವಮಟ್ಟದಲ್ಲಿ ಭಾರತ ಬಲಿಷ್ಠ ತಂಡವಾಗಿ ಬೆಳೆಯುತ್ತಿರುವ ಬಗ್ಗೆ ಪ್ರತಿಕ್ರಿಯಿಸಿದ ಅಬ್ಬಾಸ್, 'ಭಾರತದವರು ಸರಿಯಾದ ಕ್ಷೇತ್ರಗಳಲ್ಲಿ ಶ್ರಮ ವಹಿಸಿದ್ದಾರೆ. ಅವರಲ್ಲಿ ಸಾಕಷ್ಟು ಹಣವೂ ಇದೆ. ಅಲ್ಲದೆ ದೇಸೀಯ ವ್ಯವಸ್ಥೆಯಲ್ಲೂ ಅವರು ಬಹಳಷ್ಟು ಬದಲಾವಣೆಗಳನ್ನು ಮಾಡಿಕೊಂಡಿದ್ದಾರೆ. ಹೀಗಾಗಿಯೇ ಭಾರತ ವಿಶ್ವಕ್ರಿಕೆಟ್‌ನಲ್ಲಿ ಪಾರಮ್ಯ ಮೆರೆಯುತ್ತಿದೆ,' ಎಂದರು.

ಟೆಸ್ಟ್‌ನಲ್ಲಿ 5062 ರನ್

ಪಾಕಿಸ್ತಾನ ರಾಷ್ಟ್ರೀಯ ಕ್ರಿಕೆಟ್‌ ತಂಡದ ಪರ ಅಬ್ಬಾಸ್ 78 ಪಂದ್ಯಗಳಲ್ಲಿ 5062 ರನ್, 62 ಏಕದಿನ ಪಂದ್ಯಗಳಲ್ಲಿ 2572 ರನ್ ಗಳಿಸಿದ್ದಾರೆ. ಇನ್ನು 14 ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ 3 ವಿಕೆಟ್‌ಗಳು, 12 ಏಕದಿನ ಇನ್ನಿಂಗ್ಸ್‌ಗಳಲ್ಲಿ 7 ವಿಕೆಟ್‌ ಪಡೆದ ದಾಖಲೆ ಹೊಂದಿದ್ದಾರೆ.