Asian Games 2023: 22 ಸದಸ್ಯರ ಭಾರತೀಯ ಫುಟ್ಬಾಲ್ ತಂಡ ಪ್ರಕಟ; ಕೊನೆಗೂ ಸುನಿಲ್ ಛೆಟ್ರಿ ಹೆಸರು ಸೇರ್ಪಡೆ

ಚೀನಾದ ಹ್ಯಾಂಗ್‌ಝೌನಲ್ಲಿ ಸೆಪ್ಟೆಂಬರ್ 23ರಿಂದ ಅಕ್ಟೋಬರ್ 8ರವರೆಗೆ ನಡೆಯಲಿರುವ 2023ರ ಏಷ್ಯನ್ ಗೇಮ್ಸ್ ಪಂದ್ಯಾವಳಿಗಾಗಿ 22 ಸದಸ್ಯರ ಭಾರತೀಯ ಪುರುಷರ ಫುಟ್ಬಾಲ್ ತಂಡವನ್ನು ಮಂಗಳವಾರ, ಆಗಸ್ಟ್ 1ರಂದು ಪ್ರಕಟಿಸಲಾಗಿದೆ.

ಅನುಭವಿ ಫುಟ್ಬಾಲ್ ಆಟಗಾರ ಸುನಿಲ್ ಛೆಟ್ರಿ, ಹಿರಿಯ ಡಿಫೆಂಡರ್ ಸಂದೇಶ್ ಜಿಂಗಾನ್ ಮತ್ತು ಮೊದಲ ಆಯ್ಕೆಯ ಗೋಲ್‌ಕೀಪರ್ ಗುರುಪ್ರೀತ್ ಸಿಂಗ್ ಸಂಧು ಅವರು ಭಾರತ ತಂಡದಲ್ಲಿ ಕೊನೆಗೂ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾದರು.

ಭಾರತೀಯ ತಂಡವು ರಾಷ್ಟ್ರೀಯ ಹಿರಿಯ ತಂಡದ ಮುಖ್ಯ ಕೋಚ್ ಇಗೊರ್ ಸ್ಟಿಮ್ಯಾಕ್ ಅವರ ಉಸ್ತುವಾರಿಯಲ್ಲಿ ಭಾರತ ಚೀನಾ ಪ್ರಯಾಣ ಬೆಳೆಸಲಿದೆ.

ಅಖಿಲ ಭಾರತ ಫುಟ್ಬಾಲ್ ಫೆಡರೇಶನ್ (ಎಐಎಫ್ಎಫ್) ಸುನಿಲ್ ಛೆಟ್ರಿ ನಾಯಕತ್ವದ ಮತ್ತು ಇಗೊರ್ ಸ್ಟಿಮ್ಯಾಕ್ ಮಾರ್ಗದರ್ಶನದ ಪುರುಷರ ತಂಡವನ್ನು ಏಷ್ಯನ್ ಗೇಮ್ಸ್‌ಗೆ ಕಳುಹಿಸುವ ಬಗ್ಗೆ ಕೇಂದ್ರ ಕ್ರೀಡಾ ಸಚಿವಾಲಯದಿಂದ ಹಸಿರು ನಿಶಾನೆ ಪಡೆದಿದೆ.

ಈ ಭಾರತೀಯ ಪುರುಷರ ತಂಡವು ಏಷ್ಯನ್ ಗೇಮ್ಸ್ ಆಯೋಜಕರು ಮತ್ತು ಏಷ್ಯಾದ ಒಲಿಂಪಿಕ್ ಕೌನ್ಸಿಲ್‌ನಿಂದ ಅನುಮೋದನೆ ಪಡೆದಿದೆ ಎಂದು ತಿಳಿದುಬಂದಿದೆ.

ಏಷ್ಯಾದ ಅಗ್ರ 8ರ ಶ್ರೇಯಾಂಕದಲ್ಲಿರುವ ತಂಡಗಳನ್ನು ಕಳುಹಿಸುವ ಕ್ರೀಡಾ ಸಚಿವಾಲಯದ ಮಾನದಂಡದ ಪ್ರಕಾರ, ಹ್ಯಾಂಗ್‌ಝೌ ಗೇಮ್ಸ್‌ನಲ್ಲಿ ಭಾರತೀಯ ಪುರುಷರ ಮತ್ತು ಮಹಿಳಾ ಫುಟ್ಬಾಲ್ ತಂಡಗಳ ಭಾಗವಹಿಸುವಿಕೆ ಈ ಹಿಂದೆ ಅನುಮಾನಿಸಿತ್ತು.

ಎಐಎಫ್‌ಎಫ್‌ನ ಮನವಿಯ ನಂತರ ಕ್ರೀಡಾ ಸಚಿವಾಲಯ ಮಾನದಂಡಗಳನ್ನು ಸಡಿಲಿಸಿ, ಪುರುಷ ಮತ್ತು ಮಹಿಳಾ ತಂಡಗಳಿಗೆ ಅನುಮತಿ ನೀಡಿತು. ಇತ್ತೀಚಿನ ದಿನಗಳಲ್ಲಿ ಭಾರತ ತಂಡವು ಉತ್ತಮ ಪ್ರದರ್ಶನಗಳನ್ನು ನೀಡಿದೆ ಎಂದು ಪ್ರಧಾನ ಕೋಚ್ ಇಗೊರ್ ಸ್ಟಿಮ್ಯಾಕ್ ಅವರು ಪ್ರಧಾನಿ ನರೇಂದ್ರ ಮೋದಿ ಮಧ್ಯಸ್ಥಿಕೆಗೆ ಕೋರಿದ್ದರು.

ಭಾರತ ಪುರುಷರ ತಂಡವು ಆತಿಥೇಯ ಚೀನಾ ಪಿಆರ್, ಬಾಂಗ್ಲಾದೇಶ ಮತ್ತು ಮಯನ್ಮಾರ್ ಜೊತೆಗೆ ಎ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಒಟ್ಟು 23 ತಂಡಗಳಿದ್ದು, ಅವುಗಳನ್ನು ಆರು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಗುಂಪು ಎ, ಬಿ, ಸಿ, ಇ ಮತ್ತು ಎಫ್ ತಲಾ ನಾಲ್ಕು ತಂಡಗಳನ್ನು ಹೊಂದಿದ್ದರೆ, ಡಿ ಗುಂಪಿನಲ್ಲಿ ಮೂರು ತಂಡಗಳಿವೆ.

ಎರಡು ಬಾರಿಯ ಏಷ್ಯನ್ ಗೇಮ್ಸ್ ಚಾಂಪಿಯನ್ ಭಾರತ ತಂಡವು ಒಂಬತ್ತು ವರ್ಷಗಳಲ್ಲಿ ಮೊದಲ ಬಾರಿಗೆ ಏಷ್ಯನ್ ಗೇಮ್ಸ್ ಫುಟ್ಬಾಲ್ ಟೂರ್ನಿಯಲ್ಲಿ ಭಾಗವಹಿಸುತ್ತಿದೆ.

ಏಷ್ಯನ್ ಗೇಮ್ಸ್‌ನ ಫುಟ್ಬಾಲ್ ಪಂದ್ಯಾವಳಿ 23 ವರ್ಷದೊಳಗಿನ ಸ್ಪರ್ಧೆಯಾಗಿದೆ. ಆದರೆ, ಈ ಆವೃತ್ತಿಯನ್ನು ಆಯೋಜಿಸಲು ಒಂದು ವರ್ಷ ವಿಳಂಬವಾದ ಕಾರಣ, ಆಯೋಜಕರು 24 ವರ್ಷ ವಯಸ್ಸಿನವರಿಗೆ ಭಾಗವಹಿಸಲು ಅವಕಾಶ ನೀಡಿದ್ದಾರೆ. ಜನ್ಮ ದಿನಾಂಕವನ್ನು ಕಟ್-ಆಫ್ ಮಾಡಲಾಗಿದ್ದು, ಜನವರಿ 1, 1999ಕ್ಕೆ ನಿಗದಿಪಡಿಸಲಾಗಿದೆ.

ಜಕಾರ್ತಾದಲ್ಲಿ ನಡೆದ 2018ರ ಆವೃತ್ತಿಯ ಏಷ್ಯನ್ ಗೇಮ್ಸ್ ಕಳೆದುಕೊಂಡ ನಂತರ, ರಾಷ್ಟ್ರೀಯ ಫುಟ್ಬಾಲ್ ತಂಡವು ಏಷ್ಯನ್ ಗೇಮ್ಸ್‌ಗೆ ಮರಳಲಿದೆ.

ಭಾರತ ಫುಟ್ಬಾಲ್ ತಂಡ

ಗೋಲ್‌ಕೀಪರ್‌ಗಳು: ಗುರ್‌ಪ್ರೀತ್ ಸಿಂಗ್ ಸಂಧು, ಗುರ್ಮೀತ್ ಸಿಂಗ್, ಧೀರಜ್ ಸಿಂಗ್ ಮೊಯರಂಗಥೆಮ್.

ಡಿಫೆಂಡರ್ಸ್: ಸಂದೇಶ್ ಜಿಂಗಾನ್, ಅನ್ವರ್ ಅಲಿ, ನರೇಂದ್ರ ಗಹ್ಲೋಟ್, ಲಾಲ್ಚುಂಗ್ನುಂಗಾ, ಆಕಾಶ್ ಮಿಶ್ರಾ, ರೋಷನ್ ಸಿಂಗ್, ಆಶಿಶ್ ರೈ.

ಮಿಡ್‌ಫೀಲ್ಡರ್ಸ್: ಜೀಕ್ಸನ್ ಸಿಂಗ್ ತೌನೊಜಮ್, ಸುರೇಶ್ ಸಿಂಗ್ ವಾಂಗ್ಜಮ್, ಅಪುಯಾ ರಾಲ್ಟೆ, ಅಮರ್‌ಜಿತ್ ಸಿಂಗ್ ಕಿಯಾಮ್, ರಾಹುಲ್ ಕೆಪಿ, ನವೋರೆಮ್ ಮಹೇಶ್ ಸಿಂಗ್.

ಫಾರ್ವರ್ಡ್‌ಗಳು: ಸುನಿಲ್ ಛೆಟ್ರಿ, ಶಿವಶಕ್ತಿ ನಾರಾಯಣನ್, ರಹೀಮ್ ಅಲಿ, ಅನಿಕೇತ್ ಜಾಧವ್, ವಿಕ್ರಮ್ ಪರತಾಪ್ ಸಿಂಗ್, ರೋಹಿತ್ ದಾನು.