ರೋಚಕ ಪಂದ್ಯದಲ್ಲಿ ಕೋಸ್ಟರಿಕಾ ವಿರುದ್ಧ ಬ್ರೆಜಿಲ್ ಗೆ 2-0ಯ ಜಯ

ಮಾಸ್ಕೋ, ಜೂ. 22: ಫಿಟ್ಬಾಲ್ ಅಭಿಮಾನಿಗಳ ಕುತೂಹಲ ಕೆರಳಿಸಿದ್ದ ಫೀಫಾ ವಿಶ್ವಕಪ್ ಕೋಸ್ಟರಿಕಾ-ಬ್ರೆಜಿಲ್ ನಡುವಣ ಕಾದಾಟದಲ್ಲಿ ಬ್ರೆಜಿಲ್ 2-0 ಅಂತರದ ಗೆಲುವು ದಾಖಲಿಸಿದೆ. ಇತ್ತಂಡಗಳ ಭರ್ಜರಿ ಸೆಣಸಾಟದ ಅಂತಿಮ ಕ್ಷಣದಲ್ಲಿ ಬ್ರೆಜಿಲ್ ಎರಡು ಗೋಲ್ ಸಿಡಿಸಿ ಗೆಲುವನ್ನು ಸಂಭ್ರಮಿಸಿತು.

ಸ್ಕೋರ್ ಕಾರ್ಡ್

ಇ ಗ್ರೂಪಿನ ಈ ಪಂದ್ಯದಲ್ಲಿ ಆರಂಭದಿಂದಲೂ ಎರಡೂ ತಂಡಗಳು ಗೋಲ್ ಗಾಗಿ ಬಹಳಷ್ಟು ಸೆಣಸಾಟ ನಡೆಸಿದ್ದವು. ದ್ವಿತೀಯಾರ್ಧದಲ್ಲಿ ಬ್ರೆಜಿಲ್ ಗೋಲ್ ಬಾರಿಸಿ ಗೆಲುವು ಸಾಧಿಸಿತು. 90+1ನೇ ನಿಮಿಷದಲ್ಲಿ ಬ್ರೆಜಿಲ್ ನ ಫಿಲಿಪ್ ಕೌಟಿನ್ಹೊ ಅವರು ಮೊದಲ ಗೋಲ್ ಬಾರಿಸಿ ತಂಡಕ್ಕೆ 1-0ಯ ಮುನ್ನಡೆ ತಂದುಕೊಟ್ಟರು.

ಅದಾಗಿ 90+7ನೇ ನಿಮಿಷದಲ್ಲಿ ಬ್ರೆಜಿಲ್ ಸ್ಟಾರ್ ಆಟಗಾರ ನೇಮರ್ ಎರಡನೇ ಗೋಲ್ ಬಾರಿಸಿ ಬ್ರೆಜಿಲ್ ಗೆಲುವಲ್ಲಿ ಪಾಲುದಾರರಾದರು. ಪಂದ್ಯದ ಪ್ರಥಮಾರ್ಧದಲ್ಲಿ ಕೋಲ್ ದಾಖಲಾಗದೆ ದ್ವಿತೀಯಾರ್ಧದಲ್ಲಿ ಅದೂ ಹೆಚ್ಚುವರಿ ನಿಮಿಷ ಸೇರ್ಪಡಿಸಿದ ಅವಧಿಯಲ್ಲಿ ಗೋಲ್ ದಾಖಲಿಸಿ ಗೆಲ್ಲುವ ಮೂಲಕ ಬ್ರೆಜಿಲ್ ಗಮನ ಸೆಳೆಯಿತು.