ಚಾಂಪಿಯನ್ ತಂಡದ ನೈಜ ಚಾಂಪಿಯನ್ ವಿದಾಯ

ವಿದಾಯದ ಪಂದ್ಯದಲ್ಲಿ ಮೊದಲ ಗೋಲು

ಮೊದಲಾರ್ಧದ ಕೊನೆಯ ಹಂತದಲ್ಲಿ ಕೋಚ್ ವಿನ್ಸೆಂಟ್ ಡಿ ಬಾಸ್ಕ್‌ರಿಂದ ಬದಲಿ ಆಟಗಾರನಾಗಿ ಮೈದಾನಕ್ಕಿಳಿದಿದ್ದ ವಿಲ್ಲ ತನ್ನ ವಿದಾಯದ ಪಂದ್ಯದಲ್ಲಿ ಏಕೈಕ ಗೋಲನ್ನು ದಾಖಲಿಸಿದರು. ಸತತ ಎರಡು ಪಂದ್ಯಗಳನ್ನು ಸೋತಿದ್ದ ಸ್ಪೇನ್ ಪ್ರತಿಷ್ಠೆಯ ಪಂದ್ಯವನ್ನು ಗೆದ್ದುಕೊಂಡು ವಿಶ್ವಕಪ್‌ಗೆ ವಿದಾಯ ಹೇಳಿತು.

ನೋವಿನಿಂದ ಈ ಪಂದ್ಯವಾಡಿದ್ದೇನೆ

ರಾಷ್ಟ್ರೀಯ ತಂಡದ ಮೇಲೆ ನನಗೆ ಅತೀವ ಪ್ರೀತಿ. ತಂಡದೊಂದಿಗೆ ಆಡುವುದು ನನ್ನ ಕನಸಾಗಿತ್ತು. 55 ಹರೆಯದ ತನಕ ಆಡಬೇಕೆಂಬ ಆಸೆಯಿತ್ತು. ಆದರೆ, ಅದು ಸಾಧ್ಯವಿಲ್ಲ ಎಂದು ನನಗೆ ಗೊತ್ತಿದೆ. ವಿಶ್ವಕಪ್‌ನ ಮೊದಲೆರಡು ಪಂದ್ಯಗಳಲ್ಲಿ ಸೋತಾಗ ನನ್ನ ವಿದಾಯದ ಪಂದ್ಯದಲ್ಲಾದರೂ ಚೆನ್ನಾಗಿ ಆಡಬೇಕೆಂದು ನಿರ್ಧರಿಸಿದೆವು. ಈ ವರ್ಷದ ವಿಶ್ವಕಪ್‌ನಲ್ಲಿ ಮೊದಲ ಗೋಲು ದಾಖಲಿಸಿದ್ದಕ್ಕೆ ಸಂತೋಷವಾಗುತ್ತಿದೆ. ಸ್ಪೇನ್ ಜನತೆ ನಮ್ಮ ಮೇಲೆ ಭಾರೀ ನಿರೀಕ್ಷೆ ಇಟ್ಟಿದ್ದರು. ಇದೀಗ ಬರಿಗೈಯಲ್ಲಿ ತವರಿಗೆ ತೆರಳುವಂತಾಗಿದ್ದು ಬೇಸರ ತಂದಿದೆ ಎಂದು ವಿಲ್ಲ ಹೇಳಿದ್ದಾರೆ

ವಿಲ್ಲ ಸ್ಪೇನ್‌ನ ಅಗ್ರಮಾನ್ಯ ಆಟಗಾರ

2008ರ ಯುರೋಪಿಯನ್ ಚಾಂಪಿಯನ್ ಹಾಗೂ 2010ರ ಫಿಫಾ ವಿಶ್ವಕಪ್‌ನಲ್ಲಿ ಟಾಪ್ ಗೋಲ್ ಸ್ಕೋರರ್ ಎನಿಸಿಕೊಂಡಿದ್ದ ವಿಲ್ಲ ಸ್ಪೇನ್‌ನ ಅಗ್ರಮಾನ್ಯ ಆಟಗಾರ.

ಪ್ರಮುಖ ತಂಡಗಳಲ್ಲಿ ಆಡಿರುವ ವಿಲ್ಲಾ

32 ವರ್ಷ ವಯಸ್ಸಿನ ಸ್ಪಾನಿಷ್ ತಾರೆ ಡೇವಿಡ್ ವಿಲ್ಲ ಸ್ಯಾಂಚೇಜ್ ಸ್ಫೋರ್ಟಿಂಗ್ ಜಿಯಾನ್, ಜರಾಗೋಜಾ, ವಲೇನ್ಸಿಯಾ, ಬಾರ್ಸಿಲೋನಾ, ಅಟ್ಲೆಟಿಕೋ ಮ್ಯಾಡ್ರಿಡ್, ನ್ಯೂಯಾರ್ಕ್ ಸಿಟಿ, ಮೆಲ್ಬೋರ್ನ್ ಸಿಟಿ ಪರ ಆಡಿದ್ದಾರೆ.

ಸ್ಪೇನ್ ಗೆ ಮರೆಯಲಾರದ ಪಾಠ

ವಿಲ್ಲಾ ಹಾಗೂ ಟೊರೆಸ್ ರನ್ನು ಸಮರ್ಥವಾಗಿ ಬಳಸಿಕೊಳ್ಳದ ಕೋಚ್ ವಿನ್ಸೆಂಟ್ ಡಿ ಬಾಸ್ಕ್‌ ಅವರ ಸ್ಪೇನಿನ ಟಿಕಿ ಟಾಕಾ ರಣತಂತ್ರವೇ ಮುಳುವಾಯಿತು. ಟೂರ್ನಿಯ ಮೊದಲೆರಡು ಪಂದ್ಯಗಳಲ್ಲಿ ಡಿಯಾಗೋ ಕೋಸ್ಟಾ ಮೇಲೆ ಅಪಾರ ನಂಬಿಕೆ ಇಟ್ಟುಕೊಂಡು ಮುಂಪಡೆ ಆಟಗಾರನಾಗಿ ಆಡಿಸಿದ್ದು ಮುಳುವಾಯಿತು. ಇನಿಯಾಸ್ಟಾ, ಸಿಲ್ವಾಗೆ ಸರಿಯಾದ ಸಾಥಿ ಸಿಕ್ಕಿರಲಿಲ್ಲ.