ಬ್ರೆಜಿಲ್ಲಿಗೆ ಸೀಸರ್ ಬಲ, ಶೂಟೌಟ್ ನಲ್ಲಿ ಚಿಲಿ ಔಟ್

ನೇಮಾರ್ ಕಮಾಲ್ ನಡೆಯಲಿಲ್ಲ

ಪಂದ್ಯದ ಆರಂಭದಲ್ಲೇ ಕಾಲಿಗೆ ಪೆಟ್ಟು ಮಾಡಿಕೊಂಡ ನೇಮಾರ್ ಗೋಲು ಗಳಿಕೆಯ ಯಾವ ಪ್ರಯತ್ನವೂ ಸಫಲವಾಗಲಿಲ್ಲ.

ಬ್ರೆಜಿಲ್ಲಿಗೆ ಮುನ್ನಡೆ ಸಿಕ್ಕ ಕ್ಷಣ

ಡೇವಿಡ್ ಲೂಯಿಜ್ 18ನೇ ನಿಮಿಷದಲ್ಲಿ ಥಿಯಾಗೋ ಸಿಲ್ವ ಕೊಟ್ಟ ಪಾಸನ್ನು ಗೋಲಾಗಿಸಿ ಬ್ರೆಜಿಲ್ ಗೆ ಮುನ್ನಡೆ ದೊರಕಿಸಿಕೊಟ್ಟರು.

ಸಮಬಲ ಸಾಧಿಸಿದ ಚಿಲಿ

ಬ್ರೆಜಿಲ್ ಮುನ್ನಡೆ ಸಾಧಿಸಿದ 14 ನಿಮಿಷದ ನಂತರ ಚಿಲಿಯ ವರ್ಗಾಸ್ ನೆರವಿನಿಂದ ಅಲೆಕ್ಸಿಸ್ ಸ್ಯಾಂಚೇಜ್ ಟೂರ್ನಿಯ ಎರಡನೇ ಗೋಲು ಸಾಧಿಸಿ ಪಂದ್ಯಕ್ಕೆ ರೋಚಕತೆ ತಂದರು.

1975ರಿಂದ ಬ್ರೆಜಿಲ್ ಸೋಲು ಕಂಡಿಲ್ಲ

1975ರಿಂದ ಬ್ರೆಜಿಲ್ ತನ್ನ ನೆಲದಲ್ಲಿ ಸೋಲು ಕಂಡಿಲ್ಲ. ಈ ಪಂದ್ಯದಲ್ಲೂ ಪೆನಾಲ್ಟಿ ಶೂಟೌಟ್ ನಲ್ಲಿ ಕೂದಲೆಳೆ ಅಂತರದಲ್ಲಿ ಗೆಲುವು ಸಾಧಿಸಿದೆ.

ಪೆನಾಲ್ಟಿ ಶೂಟೌಟ್ ರೋಚಕತೆ

ಬ್ರೆಜಿಲ್ ಪರ ಡೇವಿಡ್ ಲೂಯಿಸ್, ಮಾರ್ಸೆಲೊ, ನೇಮಾರ್ ಗೋಲು ದಾಖಲಿಸಿದರೆ, ಚಿಲಿ ಪರ ಚಾರ್ಲ್ಸ್ ಅರಾಂಗ್ವಿಜ್, ಮಾರ್ಸೆಲೊ ಡಿಯಾಜ್ ಮಾತ್ರ ಗೋಲು ಹೊಡೆದರು.

ಬ್ರೆಜಿಲ್ ಗೋಲಿ ಸೀಸರ್ ಈಗ ಹೀರೋ

ಚಿಲಿ ದೇಶದ ಅಲೆಕ್ಸಿಸ್ ಸಾಂಚೇಜ್, ಪಿನಿಲ್ಲ ಹೊಡೆದ ಶೂಟ್ ಗಳನ್ನು ತಡೆದ ಬ್ರೆಜಿಲ್ ಗೋಲಿ ತಂಡಕ್ಕೆ ಗೆಲುವಿನ ಆಸೆ ಹುಟ್ಟಿಸಿದರು. ನಂತರ ಗೊಂಜಾಲೊ ಜರಾ ಹೊಡೆದ ಚೆಂಡು ತಡೆಯುತ್ತಿದ್ದಂತೆ ಬ್ರೆಜಿಲ್ 4-3 ಅಂತರದ ಜಯ ದಾಖಲಿಸಿತು.

ಹಲ್ಕ್ ಗೆ ಇರಲಿಲ್ಲ ಅದೃಷ್ಟ

ಬ್ರೆಜಿಲ್ಲಿನ ಮುಂಪಡೆ ಆಟಗಾರ ಹಲ್ಕ್ ಗೆ ಅದೃಷ್ಟ ಇರಲಿಲ್ಲ. ನಿಗದಿತ ಅವಧಿಯಲ್ಲೇ ಹಲ್ಕ್ ಗೋಲು ಹೊಡೆದರೂ ಹ್ಯಾಂಡ್ ಬಾಲ್ ಎಂದು ರೆಫ್ರಿ ಗೋಲನ್ನು ನಿರಾಕರಿಸಿಬಿಟ್ಟರು. ದೈತ್ಯದೇಹಿ ಹಲ್ಕ್ ತನ್ನ ಬಲತೋಳು ಹಾಗೂ ಎದೆ ಬಳಸಿ ಚೆಂಡನ್ನು ನೆಲಕ್ಕಿಳಿಸಿಕೊಂಡಿದ್ದು ಕಂಡು ಬಂದಿತ್ತು.

ಚಿಲಿಗೆ ಇರಲಿಲ್ಲ ಅದೃಷ್ಟ

ಗೊಂಜಲೊ ಜರಾ ಹೊಡೆದ ಪೆನಾಲ್ಟಿ ಕಿಕ್ ಗೋಲ್ ಬಾಕ್ಸ್ ಬಾರ್ ಗೆ ಹೊಡೆಯಿತು. ನಿಗದಿತ ಅವಧಿಯ ಎರಡನೇ ಅವಧಿಯಲ್ಲಿ ಸ್ವಲ್ಪದರಲ್ಲೇ ಗೋಲು ತಪ್ಪಿಸಿಕೊಂಡಿದ್ದ ಚಿಲಿ ವಿರೋಚಿತ ಸೋಲು ಸಾಧಿಸಿದೆ.

ಕ್ವಾರ್ಟರ್ ಫೈನಲ್ ಗೆ ಬ್ರೆಜಿಲ್ ಸಿದ್ದತೆ

ಕ್ವಾರ್ಟರ್ ಫೈನಲ್ ಗೆ ಬ್ರೆಜಿಲ್ ಸಿದ್ದವಾಗಿದ್ದು, ಉರುಗ್ವೆಯನ್ನು ಬಗ್ಗುಬಡಿದಿರುವ ಕೊಲಂಬಿಯಾ ತಂಡವನ್ನು ಎದುರಿಸಲಿದೆ.