ವಿಶ್ವಕಪ್ 2018: ಪೆರು ವಿರುದ್ಧ ಗೆದ್ದು, 16ರ ಹಂತಕ್ಕೆ ಜಿಗಿದ ಫ್ರೆಂಚರು

ಬೆಂಗಳೂರು, ಜೂನ್ 21 : ಫೀಫಾ ವಿಶ್ವಕಪ್ 2018ರ ಸಿ ಗುಂಪಿನ ಮತ್ತೊಂದು ಪಂದ್ಯದಲ್ಲಿ ಪೆರು ವಿರುದ್ಧ ಫ್ರಾನ್ಸ್ ಶುಭಾರಂಭ ಮಾಡಿದೆ. ಪಂದ್ಯದ ಮೊದಲಾರ್ಧದಲ್ಲಿ ಗೋಲು ಗಳಿಸಿ ಮುನ್ನಡೆ ಪಡೆದುಕೊಂಡಿದ್ದು, ಪಂದ್ಯದುದ್ದಕ್ಕೂ ನಿಭಾಯಿಸಿಕೊಂಡು ಪಂದ್ಯವನ್ನು 1-0 ಅಂತರದಲ್ಲಿ ಜಯ ಗಳಿಸಿದೆ.

ಈ ಗೆಲುವಿನೊಂದಿಗೆ 6 ಅಂಕ ಗಳಿಸಿರುವ ಫ್ರೆಂಚರು, ವಿಶ್ವಕಪ್ ನ 16ರ ಘಟ್ಟಕ್ಕೆ ಪ್ರವೇಶ ಪಡೆದುಕೊಂಡಿದ್ದಾರೆ. ಮತ್ತೊಂದು ತಂಡವಾಗಿ ಡೆನ್ಮಾರ್ಕ್ ಸೇರಿಕೊಳ್ಳಲಿದೆ.

19 ವರ್ಷ ವಯಸ್ಸಿನ ಫ್ರೆಂಚ್ ಆಟಗಾರ ಕಿಲಿಯನ್ ಎಂಬಾಪೆ ಗೋಲು ಗಳಿಸಿ, ಮುನ್ನಡೆ ತಂದು ಕೊಂಡಿದ್ದಾರೆ.

ಆಸ್ಟ್ರೇಲಿಯಾ ವಿರುದ್ಧ 2-1ರಿಂದ ಗೆಲುವು ಸಾಧಿಸಿರುವ ಫ್ರಾನ್ಸ್ ಹಾಗೂ ಡೆನ್ಮಾರ್ಕ್ ವಿರುದ್ಧ 1-0 ಅಂತರದಿಂದ ಸೋಲು ಅನುಭವಿಸಿದ ಪೆರು ತಂಡಗಳ ನಡುವೆ ಕದನ ನಡೆದಿದೆ.

36 ವರ್ಷಗಳ ನಂತರ ವಿಶ್ವಕಪ್ ಗೆ ಅರ್ಹತೆ ಪಡೆದಿರುವ ಪೆರು ತಂಡಕ್ಕೆ ಈ ಬಾರಿ ವಿಶ್ವಕಪ್ ನಲ್ಲಿ ಆರಂಭ ಉತ್ತಮವಾಗಿರಲಿಲ್ಲ. ಡೆನ್ಮಾರ್ಕ್ ವಿರುದ್ಧ ಪೆನಾಲ್ಟಿ ಸಿಕ್ಕರೂ ಮಿಸ್ ಮಾಡಿಕೊಂಡ ಪೆರು, ಈ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡುವ ಭರವಸೆ ಹೊಂದಿದೆ.