FIFA World Cup 2022: ಕತಾರ್‌ಗೆ ತೆರಳಿದ ದೀಪಿಕಾ ಪಡುಕೋಣೆ; ಫಿಫಾ ವಿಶ್ವಕಪ್ ಟ್ರೋಫಿ ಅನಾವರಣ ಸಾಧ್ಯತೆ!

ಖ್ಯಾತ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರು 2022ರ ಫಿಫಾ ಫುಟ್ಬಾಲ್ ವಿಶ್ವಕಪ್ ನಡೆಯುತ್ತಿರುವ ಕತಾರ್‌ಗೆ ತೆರಳಿದ್ದು, ಅಭಿಮಾನಿಗಳಲ್ಲಿ ಭಾರಿ ನಿರೀಕ್ಷೆ ಹುಟ್ಟಿಸಿದೆ.

ಡಿಸೆಂಬರ್ 18, ಭಾನುವಾರ ರಾತ್ರಿ 8.30ಕ್ಕೆ ಆರಂಭವಾಗುವ ಫ್ರಾನ್ಸ್ ಮತ್ತು ಅರ್ಜೆಂಟೀನಾ ನಡುವಿನ ರೋಚಕ ಫೈನಲ್‌ ಪಂದ್ಯ ನಡೆಯಲಿದ್ದು, ಅದಕ್ಕೂ ಮುನ್ನ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಕತಾರ್‌ನ ಲುಸೈಲ್ ಐಕಾನಿಕ್ ಸ್ಟೇಡಿಯಂನಲ್ಲಿ ಫಿಫಾ ವಿಶ್ವಕಪ್ ಟ್ರೋಫಿಯನ್ನು ಅನಾವರಣಗೊಳಿಸುವ ನಿರೀಕ್ಷೆಯಿದೆ.

ಕತಾರ್‌ಗೆ ತೆರಳುವ ವೇಳೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ನಟಿಯ ಛಾಯಾಚಿತ್ರ ತೆಗೆಸಲಾಯಿತು. ಈ ಸಂದರ್ಭದಲ್ಲಿ ದೀಪಿಕಾ ನಗುತ್ತಾ ಕ್ಯಾಮೆರಾಗೆ ಪೋಸ್ ನೀಡಿದರು.

ಭಾನುವಾರದ ಫಿಫಾ ವಿಶ್ವಕಪ್ ಪ್ರಶಸ್ತಿ ಹಣಾಹಣಿಯಲ್ಲಿ ಲಿಯೋನೆಲ್ ಮೆಸ್ಸಿ ನಾಯಕತ್ವದ ಅರ್ಜೆಂಟೀನಾ ತಂಡವು ಹಾಲಿ ಚಾಂಪಿಯನ್ ಫ್ರಾನ್ಸ್ ತಂಡವನ್ನು ಎದುರಿಸಲಿದೆ.

ಇನ್ನು ಅರ್ಜೆಂಟೀನಾ ವಿರುದ್ಧದ ಫಿಫಾ ವಿಶ್ವಕಪ್ ಫೈನಲ್‌ನ ಮುನ್ನಾದಿನದಂದು ಫ್ರಾನ್ಸ್ ತಂಡವು ನಿಗೂಢ ವೈರಸ್‌ನೊಂದಿಗೆ ಬಳಲುತ್ತಿದ್ದು, ಈ ವೇಳೆ ಫ್ರಾನ್ಸ್ ಕೋಚ್ ಡಿಡಿಯರ್ ಡೆಸ್ಚಾಂಪ್ಸ್ ಶನಿವಾರ ಕೆಲವು ಪ್ರಮುಖ ಆಟಗಾರರ ಫಿಟ್‌ನೆಸ್‌ನಲ್ಲಿ ಬೆವರು ಹರಿಸಿದರು.

ಭಾನುವಾರ ದೋಹಾದ ಲುಸೈಲ್ ಕ್ರೀಡಾಂಗಣದಲ್ಲಿ ಹಾಲಿ ವಿಶ್ವ ಚಾಂಪಿಯನ್ ಫ್ರಾನ್ಸ್ ತಂಡ ಲಿಯೋನೆಲ್ ಮೆಸ್ಸಿ ಮತ್ತು ಆತನ ತಂಡ ಅರ್ಜೆಂಟೀನಾವನ್ನು ಎದುರಿಸಲು 24 ಗಂಟೆಗಳ ಮುನ್ನ ಐದು ಆಟಗಾರರಿಗೆ ವೈರಸ್‌ ಕಾಣಿಸಿಕೊಂಡ ಪರಿಣಾಮ ಏಕಾಏಕಿ ಫ್ರಾನ್ಸ್ ತಂಡ ತತ್ತರಿಸಿ ಹೋಗಿದೆ.

ಸೆಂಟ್ರಲ್ ಡಿಫೆಂಡರ್‌ಗಳಾದ ರಾಫೆಲ್ ವರಾನೆ ಮತ್ತು ಇಬ್ರಾಹಿಂ ಕೊನಾಟೆ ಮತ್ತು ವಿಂಗರ್ ಕಿಂಗ್ಸ್ಲಿ ಕೋಮನ್ ಅವರು ಅನಾರೋಗ್ಯದಿಂದ ಬಳಲುತ್ತಿರುವ ಆಟಗಾರರಾಗಿದ್ದು, ಶುಕ್ರವಾರದ ಅಭ್ಯಾಸ ಅವಧಿಯನ್ನು ಕಳೆದುಕೊಳ್ಳಬೇಕಾಯಿತು.

ಮೊರೊಕ್ಕೊ ವಿರುದ್ಧ ಬುಧವಾರದ ಸೆಮಿಫೈನಲ್ ಗೆಲುವಿನಿಂದ ಆಡ್ರಿಯನ್ ರಾಬಿಯೊಟ್ ಮತ್ತು ದಯೊಟ್ ಉಪಮೆಕಾನೊ ಅವರನ್ನು ಹೊರಗಿಡಬೇಕಾಯಿತು.

ಇನ್ನು ಫ್ರಾನ್ಸ್ ತಂಡದ ಸಂಪರ್ಕದಲ್ಲಿರುವ ಆಟಗಾರರು, ಸಿಬ್ಬಂದಿಗಳು ಜ್ವರ, ಹೊಟ್ಟೆ ನೋವು ಮತ್ತು ತಲೆನೋವಿನಿಂದ ಬಳಲುತ್ತಿದ್ದು, ಇದು ತಂಡದ ಪ್ರದರ್ಶನದ ಮೇಲೆ ಪರಿಣಾಮ ಬೀರುವ ರೋಗಲಕ್ಷಣಗಳ ಬಗ್ಗೆ ಮಾತನಾಡುತ್ತಿದ್ದಾರೆ.

ಫ್ರಾನ್ಸ್ ನಾಯಕ ಹ್ಯೂಗೋ ಲೊರಿಸ್ ಇಬ್ಬರೂ ಶನಿವಾರ ಅವರು ಕತಾರ್‌ನ ಸ್ಥಳೀಯ ಸಮಯ 11:30ರ ನಂತರ ಪಂದ್ಯದ ಪೂರ್ವ ಪತ್ರಿಕಾಗೋಷ್ಠಿಯಲ್ಲಿ ಕಾಣಿಸಿಕೊಂಡಿದ್ದರು ಮತ್ತು ಇನ್ನೂ ಯಾವುದೇ ವೈದ್ಯಕೀಯ ಅಪಡೇಟ್ ಬಂದಿಲ್ಲ ಎಂದು ಹೇಳಿದರು.

"ನಾನು ಈ ಬೆಳಿಗ್ಗೆ ಶಿಬಿರದಿಂದ ಬೇಗನೆ ಹೊರಟೆ, ಆಟಗಾರರೆಲ್ಲರೂ ಇನ್ನೂ ನಿದ್ರಿಸುತ್ತಿದ್ದರು, ನಾನು ಯಾವುದೇ ಇತ್ತೀಚಿನ ವೈದ್ಯಕೀಯ ಅಪ್‌ಡೇಟ್ಸ್ ಹೊಂದಿಲ್ಲ," ಎಂದು ಕೋಚ್ ಡಿಡಿಯರ್ ಡೆಸ್ಚಾಂಪ್ಸ್ ಹೇಳಿದರು.