ಫಿಫಾ ವಿಶ್ವಕಪ್​ ಕತಾರ್ 2022: ಭಾರತದಲ್ಲಿ ವಯಾಕಾಮ್​18 ಸ್ಪೋರ್ಟ್ಸ್‌ನಲ್ಲಿ ನೇರಪ್ರಸಾರ

ಭಾರತದ ಹೊಸ ಪ್ರೀಮಿಯರ್​ ಸ್ಪೋರ್ಟ್ಸ್​ ನೆಟ್​ವರ್ಕ್​ ವಯಾಕಾಮ್​18 ಸ್ಪೋರ್ಟ್ಸ್​​ 'ಇಸ್ಸೆ ಬಡಾ ಕುಚ್​ ನಹೀ' ಎಂಬ ಅಭಿಯಾನದೊಂದಿಗೆ 'ಫಿಫಾ ವಿಶ್ವಕಪ್​ ಕತಾರ್​-2022'ಗೆ ಸಜ್ಜಾಗುತ್ತಿದೆ. ವಿಶ್ವದ ಅತಿದೊಡ್ಡ ಕ್ರೀಡಾಹಬ್ಬಕ್ಕೆ ಈ ಅಭಿಯಾನದ ಮೂಲಕ ಫುಟ್​ಬಾಲ್​ ಪ್ರೇಮಿಗಳ ಕಾತರ ಹೆಚ್ಚಿಸಲಾಗುತ್ತಿದೆ.

ನವೆಂಬರ್​ 20ರಿಂದ ಡಿಸೆಂಬರ್ 18ರವರೆಗೆ ನಡೆಯಲಿರುವ ಫಿಫಾ ವಿಶ್ವಕಪ್​ ಕತಾರ್​-2022ರ ಎಲ್ಲಾ ಪಂದ್ಯಗಳು ಜಿಯೋ ಸಿನಿಮಾ ಆ್ಯಪ್​ ಮತ್ತು ಮತ್ತು ಪೇ-ಟಿವಿ ಚಾನಲ್​ಗಳಾದ ಸ್ಪೋರ್ಟ್ಸ್18-1 ಎಸ್​ಡಿ ಮತ್ತು ಎಚ್​ಡಿಗಳಲ್ಲಿ ನೇರಪ್ರಸಾರ ಕಾಣಲಿವೆ. ಜಿಯೋ ಸಿನಿಮಾ ಆ್ಯಪ್​ ಈಗ ಟೆಲಿಕಾಂ ಸರ್ವೀಸ್​ ಸಬ್​ಸ್ಕ್ರೈಬರ್​ಗಳಿಗೆ ಡೌನ್​ಲೋಡ್​ ಮಾಡಿಕೊಳ್ಳಲು ಲಭ್ಯವಿದೆ.

ವಿಶ್ವದಲ್ಲಿ ಅತಿಹೆಚ್ಚು ಜನರು ವೀಕ್ಷಿಸುವ ಕ್ರೀಡಾಕೂಟವಾದ ಫಿಫಾ ವಿಶ್ವಕಪ್​ನ ಎನರ್ಜಿಯನ್ನು ದೇಶದ ಎಲ್ಲರೂ ಅನುಭವಿಸಬೇಕೆಂಬುದು ನಮ್ಮ ಬಯಕೆ. ಹಿಂದೆಂದಿಗಿಂತಲೂ ಹೆಚ್ಚಾಗಿ ಇದನ್ನು ಆನಂದಿಸುವಂತಾಗಬೇಕು. ನಮ್ಮ ಅಭಿಯಾನ ಇದೇ ಸಂಭ್ರಮವನ್ನು ಸಾರುತ್ತಿದೆ ಎಂದು ವಯಾಕಾಮ್​18 ಸ್ಪೋರ್ಟ್ಸ್ ವಕ್ತಾರರು ತಿಳಿಸಿದ್ದಾರೆ.

ಫಿಫಾ ವಿಶ್ವಕಪ್​-2022 ವೇಳೆ ಜಿಯೋ ಸಿನಿಮಾವು ತಮಿಳು, ಮಲಯಾಳಂ, ಬೆಂಗಾಲಿ ಸಹಿತ ವಿವಿಧ ಭಾಷೆಗಳಲ್ಲಿ ಪಂದ್ಯಗಳನ್ನು ನೇರಪ್ರಸಾರ ಮಾಡಲಿದೆ. ಯಾವುದೇ ಸಬ್​ಸ್ಕ್ರಿಪ್ಶನ್​ ಶುಲ್ಕ ಇಲ್ಲದೆ ಫುಟ್​ಬಾಲ್​ ಅಭಿಮಾನಿಗಳು ಈ ಭಾಷೆಗಳಲ್ಲಿ ಫುಟ್​ಬಾಲ್​ ಆಟವನ್ನು ಸವಿಯಬಹುದಾಗಿದೆ. 64 ಪಂದ್ಯಗಳ ಫಿಫಾ ವಿಶ್ವಕಪ್​, 4ಕೆನಲ್ಲಿ ಲೈವ್​ ಸ್ಟ್ರೀಮಿಂಗ್ ಕಾಣಲಿದೆ.

ಇನ್ನು ಇತ್ತೀಚೆಗಷ್ಟೇ ಕ್ರಿಕೆಟ್ ಸೌತ್ ಆಫ್ರಿಕಾ ಆಯೋಜಿಸಲಿರುವ SA20 ಲೀಗ್‌ನ ಮೊದಲ ಆವೃತ್ತಿಯ ಟಿ20 ಟೂರ್ನಿಗೆ ವಯೋಕಾಮ್ 18 10 ವರ್ಷಗಳ ಕಾರ್ಯತಂತ್ರ ಪಾಲುದಾರಿಕೆ ಪಡೆಯುವಲ್ಲಿ ಯಶಸ್ವಿಯಾಗಿದೆ.