FIFA World Cup 2022: ಈವರೆಗಿನ ಗೋಲ್ಡನ್ ಬೂಟ್ ವಿಜೇತರ ಪಟ್ಟಿ; ಈ ಬಾರಿ ಮೆಸ್ಸಿಗಿದೆ ಚಾನ್ಸ್!

ಕತಾರ್‌ನಲ್ಲಿ ನಡೆಯುತ್ತಿರುವ 2022ರ ಫಿಫಾ ಫುಟ್ಬಾಲ್ ವಿಶ್ವಕಪ್ ಪಂದ್ಯಾವಳಿ ಅಂತಿಮ ಘಟ್ಟ ತಲುಪಿದ್ದು, ಭಾನುವಾರ, ಡಿಸೆಂಬರ್ 18ರಂದು ನಡೆಯುವ ಫೈನಲ್ ಪಂದ್ಯದ ಮೂಲಕ ದೊಡ್ಡ ಟೂರ್ನಿಗೆ ತೆರೆಬೀಳಲಿದೆ.

ಕತಾರ್‌ನ ಫಿಫಾ ವಿಶ್ವಕಪ್ ವಿಜೇತ ಯಾರೆಂಬುದನ್ನು ತಿಳಿಯಲು ಕೇವಲ ಒಂದು ಪಂದ್ಯದ ದೂರದಲ್ಲಿದೆ. ಫೈನಲಿಸ್ಟ್‌ಗಳಾದ ಅರ್ಜೆಂಟೀನಾ ಮತ್ತು ಫ್ರಾನ್ಸ್ ತಮ್ಮ ಮೂರನೇ ಪ್ರಶಸ್ತಿಗಾಗಿ ಲುಸೈಲ್ ಸ್ಟೇಡಿಯಂನಲ್ಲಿ ಮುಖಾಮುಖಿಯಾಗಲಿವೆ.

ಕೋಚ್ ಡಿಡಿಯರ್ ಡೆಶಾಂಪ್ಸ್ ಅವರ ತಂಡ ಫ್ರಾನ್ಸ್ ಹಾಲಿ ಚಾಂಪಿಯನ್ ಆಗಿದ್ದರೆ, ಅರ್ಜೆಂಟೀನಾ ಕೊನೆಯ ಬಾರಿಗೆ 1986ರಲ್ಲಿ ಟ್ರೋಫಿಯನ್ನು ಗೆದ್ದುಕೊಂಡಿತ್ತು.

ಅರ್ಜೆಂಟೀನಾ ನಾಯಕ ಲಿಯೋನೆಲ್ ಮೆಸ್ಸಿ ಈ ಬಾರಿಯ ಫಿಫಾ ವಿಶ್ವಕಪ್‌ನಲ್ಲಿ ಎಲ್ಲರ ಗಮನ ಸೆಳೆದಿದ್ದಾರೆ. ಏಕೆಂದರೆ ಇದು ಅವರ ಕೊನೆಯ ವಿಶ್ವಕಪ್ ಪಂದ್ಯವಾಗಿರಲಿದೆ.

ಸದ್ಯ ನಡೆಯುತ್ತಿರುವ ಕತಾರ್ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಲಿಯೋನೆಲ್ ಮೆಸ್ಸಿ ಐದು ಗೋಲುಗಳೊಂದಿಗೆ ಅಗ್ರ ಸ್ಕೋರ್ ಮಾಡುವ ಮೂಲಕ ಅರ್ಜೆಂಟೀನಾ ಪರ ಸ್ಟಾರ್ ಆಟಗಾರನಾಗಿದ್ದಾರೆ.

ಗಮನಾರ್ಹ ಅಂಶವೆಂದರೆ, ಫ್ರಾನ್ಸ್‌ನ ಫಾರ್ವರ್ಡ್ ಆಟಗಾರ ಕೈಲಿಯನ್ ಎಂಬಪ್ಪೆ ಕೂಡ ಐದು ಗೋಲುಗಳೊಂದಿಗೆ ಅಗ್ರ ಗೋಲ್-ಸ್ಕೋರರ್‌ಗಳ ಪಟ್ಟಿಯಲ್ಲಿ ಲಿಯೋನೆಲ್ ಮೆಸ್ಸಿಯೊಂದಿಗೆ ಸಮಬಲ ಸಾಧಿಸಿದ್ದಾರೆ.

ಈ ಆವೃತ್ತಿಯಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿರುವ ಫ್ರಾನ್ಸ್‌ನ ಒಲಿವಿಯರ್ ಗಿರೌಡ್ ಮತ್ತು ಅರ್ಜೆಂಟೀನಾದ ಜುಲೇನ್ ಅಲ್ವರಾಜ್ ತಲಾ ನಾಲ್ಕು ಗೋಲುಗಳಿಂದ ಸಮನಾಗಿರುವುದರಿಂದ ಗೋಲ್ಡನ್ ಬೂಟ್‌ಗಾಗಿ ನೇರಾನೇರ ಸ್ಪರ್ಧೆಯಲ್ಲಿದ್ದಾರೆ.

2022ರ ಕತಾರ್ ಫಿಫಾ ವಿಶ್ವಕಪ್ ಆವೃತ್ತಿಯ ಗೋಲ್ಡನ್ ಬೂಟ್ ವಿಜೇತರನ್ನು ನಿರ್ಧರಿಸುವ ಮೊದಲು, 2018ರವರೆಗಿನ ಫಿಫಾ ವಿಶ್ವಕಪ್‌ನ ವಿವಿಧ ಆವೃತ್ತಿಗಳಲ್ಲಿ ಗೋಲ್ಡನ್ ಬೂಟ್ ವಿಜೇತರ ಪಟ್ಟಿ ಇಲ್ಲಿದೆ.

2018: ಹ್ಯಾರಿ ಕೇನ್- ಇಂಗ್ಲೆಂಡ್ (6 ಗೋಲುಗಳು)

2014: ಜೇಮ್ಸ್ ರೊಡ್ರಿಗಸ್- ಕೊಲಂಬಿಯಾ (6 ಗೋಲುಗಳು)

2010: ಥಾಮಸ್ ಮುಲ್ಲರ್- ಜರ್ಮನಿ (5 ಗೋಲುಗಳು)

2006: ಮಿರೋಸ್ಲಾವ್ ಕ್ಲೋಸ್- ಜರ್ಮನಿ (5 ಗೋಲುಗಳು)

2002: ರೊನಾಲ್ಡೊ- ಬ್ರೆಜಿಲ್ (8 ಗೋಲುಗಳು)

1998: ಡೇವರ್ ಸುಕರ್-ಕ್ರೊಯೇಷಿಯಾ (6 ಗೋಲುಗಳು)

1994: ಒಲೆಗ್ ಸಲೆಂಕೊ- ರಷ್ಯಾ (6 ಗೋಲುಗಳು)

1990: ಸಾಲ್ವಟೋರ್ ಶಿಲಾಸಿ- ಇಟಲಿ (6 ಗೋಲುಗಳು)

1986: ಗ್ಯಾರಿ ಲಿನೆಕರ್- ಇಂಗ್ಲೆಂಡ್ (6 ಗೋಲುಗಳು)

1982: ಪಾವೊಲೊ ರೊಸ್ಸಿ- ಇಟಲಿ (6 ಗೋಲುಗಳು)

1978: ಮಾರಿಯೋ ಕೆಂಪೆಸ್- ಅರ್ಜೆಂಟೀನಾ (6 ಗೋಲುಗಳು)

1974: ಗ್ರ್ಜೆಗೊರ್ಜ್ ಲಾಟೊ- ಪೋಲೆಂಡ್ (7 ಗೋಲುಗಳು)

1970: ಗೆರ್ಡ್ ಮುಲ್ಲರ್- ಜರ್ಮನಿ (10 ಗೋಲುಗಳು)

1966: ಯುಸೆಬಿಯೊ- ಪೋರ್ಚುಗಲ್ (9 ಗೋಲುಗಳು)

1962: ಫ್ಲೋರಿಯನ್ ಆಲ್ಬರ್ಟ್- ಹಂಗೇರಿ (4 ಗೋಲುಗಳು)

1958: ಜಸ್ಟ್ ಫಾಂಟೈನ್- ಫ್ರಾನ್ಸ್ (13 ಗೋಲುಗಳು)

1954: ಸ್ಯಾಂಡರ್ ಕೊಕ್ಸಿಸ್- ಹಂಗೇರಿ (11 ಗೋಲುಗಳು)

1950: ಅಡೆಮಿರ್- ಬ್ರೆಜಿಲ್ (8 ಗೋಲುಗಳು)

1938: ಲಿಯೊನಿಡಾಸ್- ಬ್ರೆಜಿಲ್ (8 ಗೋಲುಗಳು)

1934: ಓಲ್ಡ್ರಿಚ್ ನೆಜೆಡ್ಲಿ- ಜೆಕೊಸ್ಲೊವಾಕಿಯಾ (5 ಗೋಲುಗಳು)

1930: ಗಿಲ್ಲೆರ್ಮೊ ಸ್ಟೆಬೈಲ್- ಅರ್ಜೆಂಟೀನಾ (8 ಗೋಲುಗಳು)