ಬ್ರೆಜಿಲ್-1950
1950ರಲ್ಲಿ ವಿಜೇತ ತಂಡವನ್ನು ಫೈನಲ್ ಬದಲು ಪಾಯಿಂಟ್ ಟೇಬಲ್ ನ ಒಟ್ಟು ಅಂಕಗಳ ಮೂಲಕ ನಿರ್ಧರಿಸಲಾಗುತ್ತಿತ್ತು. ಉರುಗ್ವೆ-ಬ್ರೆಜಿಲ್ ಮುಖಾಮುಖಿಯಲ್ಲಿ ಬ್ರೆಜಿಲ್ ಗೆಲ್ಲಲು ಉರುಗ್ವೆ ಎದುರು ಪಂದ್ಯ ಡ್ರಾ ಮಾಡಿಕೊಂಡಿದ್ದರೂ ಸಾಕಿತ್ತು. ಆದರೆ ಪಂದ್ಯ ಉಲ್ಟಾ ಹೊಡೆಯಿತು. ಬ್ರೆಜಿಲ್ 1-0ಯ ಆರಂಭಿಕ ಮುನ್ನಡೆ ಸಾಧಿಸಿದ್ದರೂ ಅಂತಿಮ 10 ನಿಮಿಷಗಳ ಅವಧಿಯಲ್ಲಿ ಉರುಗ್ವೆ ಎರಡು ಗೋಲ್ ಬಾರಿಸಿ ಚಾಂಪಿಯನ್ ಎನಿಸಿಕೊಂಡಿತು.
ಇಂಗ್ಲೆಂಡ್-1950
ಇಂಗ್ಲೆಂಡ್ ತಂಡದಲ್ಲಿ ಟಾಮ್ ಫಿನ್ನಿ, ಸ್ಟ್ಯಾನ್ ಮಾರ್ಟೆನ್ಸೆನ್, ಬಿಲ್ಲಿ ರೈಟ್ ಮತ್ತು ವಿಲ್ಫ್ ಮ್ಯಾನಿಯನ್ ನಂತ ಅನೇಕ ಪ್ರಮುಖ ಆಟಗಾರರಿದ್ದರು. ಇಂಗ್ಲೆಂಡ್ ವಿರುದ್ಧ ಪಂದ್ಯಕ್ಕಿಳಿದಿದ್ದ ಅಮೆರಿಕಾ ತಂಡದಲ್ಲಿ ಅಂಥ ದೊಡ್ಡ ಆಟಗಾರರೇ ಇರಲಿಲ್ಲ. ಆದರೆ ಅಮೇರಿಕಾ ಒಂದು ಗೋಲ್ ಬಾರಿಸಿ ಬೀಗಿತ್ತು.
ಇಟಲಿ-1966
1966ರ ವೇಳೆ ಇಟಲಿ ಗೆಲ್ಲುವ ಪ್ರಮುಖ ತಂಡವಾಗಿತ್ತು. ತಂಡ ಗೆದ್ದೇ ಗೆಲ್ಲುತ್ತದೆ ಎನ್ನಲು ಇಟಲಿಯಲ್ಲಿ ಗಿಯಾನಿ ರಿವೆರಾ, ಸ್ಯಾಂಡ್ರೋ ಮಝೋಲಾ, ಜಿಯಾಸಿಂಟೊ ಫಚೆಟ್ಟಿ ಅವರಂಥ ಘಟಾನುಘಟಿಗಳಿದ್ದರು. ಆದರೆ ಅಂದು ನಾರ್ತ್ ಕೊರಿಯಾ ಎದುರು ಇಟಲಿ 0-1ರಿಂದ ಸೋತು ಮನೆಯ ದಾರಿ ಹಿಡಿದಿತ್ತು.
ವೆಸ್ಟ್ ಜರ್ಮನಿ-1982
ಅಲ್ಜೀರಿಯಾ ಎದುರು 1982ರಲ್ಲಿ ವಸ್ಟ್ ಜರ್ಮನಿ ಸೋಲನ್ನಪ್ಪಿತ್ತು. ಅಲ್ಜೀರಿಯಾದ ರಬಾ ಮದ್ಜೆರ್ ಅವರು ಪಂದ್ಯದ ದ್ವಿತೀಯಾರ್ಧ ಆರಂಭವಾದ 9 ನಿಮಿಷಗಳಲ್ಲಿ ಗೋಲ್ ಬಾರಿಸಿ ತಂಡದ ಖಾತೆ ತೆರೆದರು. ಅಲ್ಜೀರಿಯಾದ ಲಖ್ದಾರ್ ಬೆಲ್ಲೌಮಿ ಅವರು ಪಂದ್ಯದ ಅಂತಿಮ ಕ್ಷಣದಲ್ಲಿ ಮತ್ತೊಂದು ಗೋಲ್ ಬಾರಿಸಿ ತಂಡವನ್ನು ಗೆಲ್ಲಿಸಿಕೊಟ್ಟಿದ್ದರು.
ಅರ್ಜೆಂಟೀನಾ-1990
1990ರಲ್ಲಿ ಅರ್ಜೆಂಟೀನಾವೂ ಇಂಥದ್ದೊಂದು ಮುಖಭಂಗಕ್ಕೀಡಾಗಿತ್ತು. ಹಾಲಿಚಾಂಪಿಯನ್ ಅರ್ಜೆಂಟೀನಾವನ್ನು ಕ್ಯಮರೂನ್ ತಂಡ 1-0ಯಿಂದ ಸೋಲಿಸಿ ಅಘಾತವನ್ನು ನೀಡಿತ್ತು. ಈ ಪಂದ್ಯದಲ್ಲಿ ಕ್ವಾರ್ಟರ್ ಫೈನಲ್ ವರೆಗೂ ಮುನ್ನಡೆ ಸಾಧಿಸಿದ್ದ ಆಫ್ರಿಕನ್ ರಾಷ್ಟ್ರ, ಇಂಗ್ಲೆಂಡ್ ಎದುರು 3-2ರಿಂದ ಸೋಲನುಭವಿಸಿತ್ತು.
ಫ್ರಾನ್ಸ್-2002
2002ರ ವಿಶ್ವಕಪ್ ವೇಳೆ ವಿಶ್ವ ಚಾಂಪಿಯನ್ ಮತ್ತು ಯುರೊಪಿಯನ್ ಚಾಂಪಿಯನ್ ಆಗಿದ್ದ ಫ್ರಾನ್ಸ್ ತಂಡ ಸೆನೆಗಲ್ ಎದುರು 0-1ರ ಸೋಲನುಭವಿಸಿತ್ತು. ಫ್ರಾನ್ಸ್ ನ ಸ್ಟಾರ್ ಆಟಗಾರರಾಗಿದ್ದ (ಈಗ ರಿಯಲ್ ಮ್ಯಾಡ್ರಿಡ್ ಈಗಿನ ಕೋಚ್) ಝಿನ್ಡಿನ್ ಜಿಡಾನೆ ಅವರು ತಂಡದಿಂದ ಹೊರಗುಳಿದಿದ್ದು ತಂಡಕ್ಕೆ ಹಿನ್ನಡೆಯಾಗಿ ಪ್ರಮುಖ ಪಂದ್ಯದಲ್ಲಿ ಸೋತಿತ್ತು.