ಕೊಲಂಬಿಯಾ ಕನಸು ನನಸು ಮಾಡಿದ ರೊಡ್ರಿಗೇಜ್

ಒರಟಾಟಕ್ಕಿಳಿದ ಉರುಗ್ವೆ ಆಟಗಾರರು

ಗೋಲು ಹೊಡೆದ ನಂತರ ಕುಣಿದಾಡುವ ಕೊಲಂಬಿಯನ್ನರ ಖುಷಿಗೆ ಉರುಗ್ವೆ ಆಟಗಾರರು ಚೆಂಡಿನ ಮೂಲಕ ಉತ್ತರ ನೀಡದೆ ಒರಟಾಟದಲ್ಲಿ ತೊಡಗಿದರು. ಗೋಲು ಬಾರಿಸುವ ತವಕದಲ್ಲಿ ಅಪಾಯಕಾರಿ ಆಟ ಪ್ರದರ್ಶಿಸಿದ್ದಕ್ಕಾಗಿ ತಂಡದ ಮುಂಚೂಣಿ ಆಟಗಾರ ಡಿಯಾಗೋ ಮತ್ತು ಜೋಸ್‌ಗಿಮೆನ್ಸ್‌ಗೆ ರೆಫ್ರಿ ಹಳದಿ ಕಾರ್ಡ್ ತೋರಿ ಎಚ್ಚರಿಕೆ ನೀಡಿದರು.

ದ್ವಿತೀಯಾರ್ಧದಲ್ಲಿ ಪಂದ್ಯದ ರೋಚಕವಾಯ್ತು

ಅಂತಿಮ ಕ್ಷಣಗಳು ಸಮೀಪಿಸುತ್ತಿದ್ದಂತೆ ಪಂದ್ಯದ ರೋಚಕತೆ ಹೆಚ್ಚಿತು. ಉರುಗ್ವೆ ಪಂದ್ಯವನ್ನು ಡ್ರಾ ಮಾಡಿಕೊಳ್ಳಲು ಪ್ರಯತ್ನಿಸಿದ ತಂತ್ರಕ್ಕೆ ತಡೆಯೊಡ್ಡಲು ಕೊಲಂಬಿಯಾ ಡಿಫೆಂಡರ್‌ಗಳು ಸಫಲರಾದರು.

ಫೋರ್ಲಾನ್, ಕವಾನಿ ಮ್ಯಾಜಿಕ್ ನಡೆಯಲಿಲ್ಲ

ಕಳೆದ ವಿಶ್ವಕಪ್ ನಲ್ಲಿ ಚಿನ್ನದ ಬೂಟಿನ ರೇಸಿನಲ್ಲಿದ್ದ ಉರುಗ್ವೆಯ ಫೋರ್ಲಾನ್ ಮ್ಯಾಜಿಕ್ ಈ ಬಾರಿ ನಡೆಯಲಿಲ್ಲ ಹಾಗೂ ಸ್ವಾರೇಜ್ ಇಲ್ಲದೆ ಮುಂಪಡೆ ಅಟಗಾರ ಕವಾನಿ ಕೂಡಾ ಮಂಕಾದರು.

ಕೊಲಂಬಿಯಾ ಸಂಭ್ರಮ ನೋಡಲು ಸೊಗಸು

ವಿಶ್ವಕಪ್ ಇತಿಹಾಸದಲ್ಲಿ ಕರಾಳ ಅಧ್ಯಾಯ ಹೊಂದಿರುವ ಕೊಲಂಬಿಯಾ ಈ ಬಾರಿ ಯುವ ಆಟಗಾರ ರೋಡ್ರಿಗ್ರೇಜ್ ಮೂಲಕ ಹೊಸ ಅಧ್ಯಾಯ ಬರೆಯುತ್ತಿದೆ. ಕೊಲಂಬಿಯಾದ ಡಿಫೆಂಡರ್ ಆಂಡ್ರೆ ಎಸ್ಕೋಬಾರ್ ಓನ್ ಗೋಲ್ ಹೊಡೆದಿದ್ದಕ್ಕಾಗಿ 94ರಲ್ಲಿ ದುಷ್ಕರ್ಮಿಗಳ ಗುಂಡಿಗೆ ಬಲಿಯಾಗಬೇಕಾಗಿತ್ತು.

ಉರುಗ್ವೆ ದಾಳಿಗೆ ಡಿಫೆಂಡರ್ಸ್ ಸವಾಲು

ಉರುಗ್ವೆ ಕಡೆಯಿಂದ ಬಂದಂತಹ ಪ್ರಬಲ ದಾಳಿಯನ್ನು ಯಶಸ್ವಿಯಾಗಿ ಮೆಟ್ಟಿ ನಿಲ್ಲುವಲ್ಲಿ ಕೊಲಂಬಿಯಾದ ಡಿಫೆಂಡರ್‌ಗಳು ಯಶಸ್ವಿಯಾದರು. ಅಂತಿಮವಾಗಿ ಉರುಗ್ವೆ ಗೋಲು ಬಾರಿಸಲು ವಿಫಲವಾಗಿ ಕೊಲಂಬಿಯಾಗೆ ಶರಣಾಯಿತು. ನೆರೆದಿದ್ದ ಅಭಿಮಾನಿಗಳು ಚಪ್ಪಾಳೆ ತಟ್ಟಿ ಅಮೆರಿಕ ಖಂಡದ ಕೊಲಂಬಿಯಾ ತಂಡವನ್ನು ಅಭಿನಂದಿಸಿದರು.

ಕೊಲಂಬಿಯಾ ಮುಂದಿನ ಗುರಿ ಬ್ರೆಜಿಲ್

ಬ್ರೆಜಿಲ್ ವಿರುದ್ಧ ಜುಲೈ 5 ರಂದು ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಗೆಲುವು ಸಾಧಿಸುವ ಉತ್ಸಾಹದಲ್ಲಿರುವ ಕೊಲಂಬಿಯಾ ಭರ್ಜರಿ ತಯಾರಿ ನಡೆಸುತ್ತಿದೆ.