ಐಎಸ್‌ಎಲ್ 2019: ನಾರ್ತ್ ಈಸ್ಟ್ ಫಾರ್ವರ್ಡ್‌ನಲ್ಲಿ ಮಿಂಚಿನ ಜೋಡಿ!

ಗಲ್ಲೆಗೋ ಉತ್ತಮ ಪ್ರದರ್ಶನ

ಈ ಬಾರಿಯ ಲೀಗ್ ಆರಂಭವಾದಾಗಿನಿಂದ ಒಗ್ಬಚೆ ಹಾಗೂ ಗಲ್ಲೆಗೋ ಉತ್ತಮ ರೀತಿಯಲ್ಲಿ ಪ್ರದರ್ಶನ ತೋರುತ್ತಿದ್ದು, ಮುಂದಿನ ಸೆಮಿಫೈನಲ್‌ನಲ್ಲೂ ಇದೇ ರೀತಿಯ ಪ್ರದರ್ಶನ ನೀಡುತ್ತಾರೆಂಬ ನಂಬಿಕೆ ಇದೆ. ಪಿಎಸ್‌ಜಿ ಹಾಗೂ ರಿಯಲ್ ಒಲ್ಲಾಡೊಲಿಡ್ ತಂಡದ ಸ್ಚ್ರೆ‘ಕರ್ ಈ ವರ್ಷಐಎಸ್‌ಎಲ್ ಸೇರಿಕೊಂಡರು. ಆಡಿರುವ 17 ಪಂದ್ಯಗಳಲ್ಲಿ ಒಗ್ಬಚೆ 12 ಗೋಲುಗಳನ್ನು ಗಳಿಸಿ ಅತಿ ಹೆಚ್ಚು ಗೋಲು ಗಳಿಸಿದ ಎರಡನೇ ಆಟಗಾರರೆನಿಸಿದರು. ಫೆರಾನ್ ಕೊರೊಮಿನಾಸ್ (15) ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರರೆನಿಸಿದ್ದಾರೆ.

ಒಗ್ಬಚೆ ಅಪಾಯಕಾರಿ ಆಟಗಾರ

ನಾರ್ತ್ ಈಸ್ಟ್ ತಂಡದಲ್ಲಿರುವ ಒಗ್ಬಚೆಯನ್ನು ಇತರ ತಂಡದ ಆಟಗಾರರು ಅಪಾಯಕಾರಿ ಆಟಗಾರ ಎಂದೇ ಪರಿಗಣಿಸಿದ್ದಾರೆ. ಅದೇ ರೀತಿ ಒಗ್ಬಚೆ ಅವರ ನಿಲುವಿಗೆ ತಕ್ಕಂತೆ ಆಡಿದ್ದಾರೆ. ಚೆಂಡನ್ನು ನಿಯಂತ್ರಿಸುವುದು ಹಾಗೂ ಅದರ ಹಿಂಬಾಲಿಸುವುದರಲ್ಲಿ ಒಗ್ಬಚೆ ಅವರದ್ದು ಮಿಂಚಿನ ಓಟ. ನೈಜೀರಿಯಾದ ಆಟಗಾರನಿ ಇವೆಲ್ಲ ಸಹಜವಾಗಿತ್ತು. ವಿವಿಧ ತಂಡಗಳಲ್ಲಿ ವಿವಿಧ ಸಂದರ್ಭಗಳಲ್ಲಿ ಆಡಿರುವ ನೈಜಿರಿಯಾದ ಆಟಗಾರನಿಗೆ ಭಾರತದ ಫುಟ್ಬಾಲ್‌ಗೆ ಒಗ್ಗಿಕೊಳ್ಳಲು ಕಷ್ಟವೆನಿಸಲಿಲ್ಲ. ಸರಳವಾಗಿ ಆಡಿ ಅಷ್ಟೇ ಉತ್ತಮ ರೀತಿಯಲ್ಲಿ ಗೋಲು ಗಳಿಸಿದರರು.

ಹೇಳುವಂಥ ಸ್ಟಾರ್ ಆಟಗಾರರಿಲ್ಲ

ನಾರ್ತ್ ಈಸ್ಟ್ ಯುನೈಟೆಡ್‌ನಲ್ಲಿ ಹೇಳುವಂಥ ಸ್ಟಾರ್ ಆಟಗಾರರಿಲ್ಲ. ಇದರಿಂದಾಗಿ ಒಗ್ಬಚೆ ಒಂದು ರೀತಿಯಲ್ಲಿ ಒಂಟಿ ಸೇನೆ ಇದ್ದಂತೆ. ಇನ್ನು ಕೆಲವು ಪಂದ್ಯಗಳಿಗೆ ಕ್ಲಬ್ ಈ ರೀತಿಯ ಸಂಘಟಿತ ಆಟವನ್ನು ನಿರೀಕ್ಷಿಸುತ್ತಿದೆ. ಇದಕ್ಕೆ ಗಲ್ಲೆಗೋ ಉತ್ತಮ ರೀತಿಯಲ್ಲಿ ಪ್ರೋತ್ಸಾಹನೀಡಿದ್ದಾರೆ. ಎದುರಾಳಿ ಡಿಫೆನ್ಸ್ ವಿಭಾಗವನ್ನು ಚದುರಿಸುವಲ್ಲಿ ಗಲ್ಲೆಗೋ ನಿಸ್ಸೀಮರು. ಅವರ ಅದ್ಭತ ಪಾಸ್‌ಗಳು ಎದುರಾಳಿಯ ಡಿಫೆನ್ಸ್ ಮುರಿಯುವಲ್ಲಿ ನೆರವಾಗುತ್ತಿತ್ತು.

ಗಲ್ಲೆಗೋ ಅವರ ರಣತಂತ್ರ

ಒಗ್ಬಚೆ ಕಡೆಗೆ ಹೆಚ್ಚಿನ ಗಮನ ಹರಿಸುತ್ತಿದ್ದ ತಂಡಕ್ಕೆ ಗಲ್ಲೆಗೋ ಅವರ ರಣತಂತ್ರವನ್ನು ತಿಳಿದುಕೊಳ್ಳುವಲ್ಲಿ ವಿಲವಾಗುತ್ತದೆ. ಆಗ ನಾರ್ತ್ ಈಸ್ಟ್‌ಗೆ ಗೋಲು ಗಳಿಸಲು ಸುಲಭದಾರಿ ಸಿಗುತ್ತದೆ. ಗಲ್ಲೆಗೋ ಐದು ಗೋಲು ಗಳಿಸಿದ್ದು, ನಾಲ್ಕು ಗೋಲುಗಳಿಕೆಯಲ್ಲಿ ನೆರವಾಗಿದ್ದಾರೆ. ಈ ಇಬ್ಬರೂ ಆಟಗಾರರು ಇದುವರೆಗೂ ನಾರ್ತ್ ಈಸ್ಟ್‌ಗೆ 22 ಗೋಲುಗಳ ಕೊಡುಗೆಯನ್ನು ನೀಡಿದ್ದಾರೆ. ಮಾರ್ಚ್ 7ರಂದು ನಡೆಯಲಿರುವ ಸೆಮಿೈನಲ್ ಪಂದ್ಯದಲ್ಲಿ ಎಲ್ಕೋ ಷೆಟೋರಿ ಪಡೆ ಬೆಂಗಳೂರು ತಂಡದ ವಿರುದ್ಧ ಸೆಣಸಲಿದೆ.