ಐಎಸ್‌ಎಲ್: ಗೋಲ್ಡನ್ ಗ್ಲೋವ್ ರೇಸ್‌ನಲ್ಲಿ ಗುರ್‌ಪ್ರೀತ್, ಅರ್ಮಿಂದರ್

ಅರ್ಮಿಂದರದ್ದು ಸುರಕ್ಷಿತ ಕೈ

ಈ ಬಾರಿಯ ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಅರ್ಮಿಂದರ್ ಅವರದ್ದು ಅತ್ಯಂತ ಸುರಕ್ಷಿತ ಕೈ ಎಂದೆನಿಸಿದೆ. ಗೋಲೊಂದಕ್ಕೆ 89.65 ಸರಾಸರಿ ನಿಮಿಷಯದಲ್ಲಿ ಅವರು ಕೇವಲ 16 ಗೋಲುಗಳನ್ನು ನೀಡಿದ್ದಾರೆ. 25 ವರ್ಷದ ಗೋಲ್‌ಕೀಪರ್ ಆರು ಕ್ಲೀನ್ ಶೀಟ್ ಸಾಧನೆಯನ್ನು ಮಾಡಿರುವುದು ಅಚ್ಚರಿಯೇನಲ್ಲ. ಪಂಜಾಬ್ ಮೂಲದ ಈ ಕೀಪರ್ ಅವರ ಸಾಧನೆಯಿಂದಾಗಿ ಮುಂಬೈ ತಂಡ ಪ್ಲೇ ಆಫ್ ಹಂತ ತಲುಪಿತು. ಈ ಗೋಲ್‌ಕೀಪರ್ ಅವರ ಮೇಲೆ ವಿನಿಯೋಗಿಸಿರುವ ಪ್ರತಿಯೊಂದು ಪೈಸೆಗೂ ಬೆಲೆ ತೆತ್ತಿದ್ದಾರೆ.

ಅತ್ಯಂತ ದುಬಾರಿ ಗೋಲ್‌ಕೀಪರ್

ಗುರ್‌ಪ್ರೀತ್ ಇಂಡಿಯನ್ ಸೂಪರ್ ಲೀಗ್‌ನಲ್ಲೇ ಅತ್ಯಂತ ದುಬಾರಿ ಗೋಲ್‌ಕೀಪರ್, ಯೂರೋಪ್‌ನಲ್ಲಿ ಪಳಗಿರುವ ಗೋಲ್‌ಕೀಪರ್ ತಮ್ಮ ಅನುಭವವನ್ನು ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ವಿನಿಯೋಗಿಸಿದ್ದಾರೆ. ಗೋಲ್‌ಕೀಪಿಂಗ್‌ನಲ್ಲಿ ಗುರ್‌ಪ್ರೀತ್ ಸಿಂಗ್ ಬೆಂಗಳೂರು ತಂಡದ ಡಿಫೆನ್ಸ್ ವಿಭಾಗ ಅತ್ಯಂತ ಆತ್ಮವಿಶ್ವಾಸದಲ್ಲಿ ಆಡುತ್ತದೆ.

ಗುರ್‌ಪ್ರೀತ್ ವೈಫಲ್ಯ

ಡೆಲ್ಲಿ ಡೈನಮೋಸ್ ವಿರುದ್ಧದ ಪಂದ್ಯದಲ್ಲಿ ಮೂರು ಗೋಲುಗಳನ್ನು ನೀಡಿರುವುದು ಗುರ್‌ಪ್ರೀತ್ ಸಾಧನೆಯಲ್ಲಿ ಕಂಡ ಚಿಕ್ಕ ವೈಫಲ್ಯ. ಐದು ಕ್ಲೀನ್ ಶೀಟ್ ಸಾಧನೆ ಮಾಡಿರುವ ಗುರ್‌ಪ್ರೀತ್ ಈ ಋತುವಿನಲ್ಲಿ 55 ಬಾರಿ ಗೋಲಾಗುವ ಚೆಂಡನ್ನು ತಡೆದು ತಂಡಕ್ಕೆ ಗೋಡೆಯಾಗಿದ್ದರು. ಹಲವಾರು ಬಾರಿ ಅವರು ಒಬ್ಬಂಟಿಯಾಗಿ ತಂಡಕ್ಕೆ ಅಮೂಲ್ಯ ಅಂಕಗಳನ್ನು ನೀಡಿದ್ದಾರೆ. ಬೆಂಗಳೂರು ತಂಡ ಉತ್ತಮವಾಗಿ ಆಡದಿರುವಾಗ ಗುರ್‌ಪ್ರೀತ್ ಅವರ ಸಾಧನೆ ತಂಡಕ್ಕೆ ಯಶಸ್ಸು ತಂದಿದೆ.

3ನೇ ಸ್ಥಾನದಲ್ಲಿ ಪವನ್ ಕುಮಾರ್

ಇಂಡಿಯನ್ ಸೂಪರ್ ಲೀಗ್ ಅಂಕಿ ಅಂಶಗಳ ಪ್ರಕಾರ ಪ್ರತಿ 90 ನಿಮಿಷಗಳಿಗೊಮ್ಮೆ ಗುರ್‌ಪ್ರೀತ್ ಗೋಲು ನೀಡಿದ್ದಾರೆ. ಅಗೇ ರೀತಿ ಅರ್ಮಿಂದರ್ ಪ್ರತಿ 89.56 ನಿಮಿಷಗಳಿಗೊಮ್ಮೆ ಗೋಲು ನೀಡಿದ್ದಾರೆ. ಮೂರನೇ ಸ್ಥಾನದಲ್ಲಿರುವವರು ಪವನ್ ಕುಮಾರ್. ಅವರ ಮಿಂಚಿನ ಗೋಲ್‌ಕೀಪಿಂಗ್‌ನಿಂದಾಗಿ ಎಲ್ಕೋ ಷೆಟೋರಿ ಅವರ ನಾರ್ತ್ ಈಸ್ಟ್ ಯುನೈಟೆಡ್ ತಂಡ ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಮೊದಲ ಬಾರಿ ಪ್ಲೇ ಆಫ್ ತಲುಪಿತು. 52 ಬಾರಿ ಗೋಲುಗಳನ್ನು ತಡೆದು, ಐದು ಕ್ಲೀನ್ ಶೀಟ್ ಸಾಧನೆ ಮಾಡಿರುವ ಪವನ್ ಕುಮಾರ್ ತಾನೊಬ್ಬ ಉತ್ತಮ ಗೋಲ್‌ಕೀಪರ್ ಎಂಬುದನ್ನು ಸಾಬೀತುಪಡಿಸಿದ್ದಾರೆ.