ವಿಲಿಯಮ್ಸ್ ಗೋಲಿನಿಂದ ಮುನ್ನಡೆ
ಡೇವಿಡ್ ವಿಲಿಯಮ್ಸ್ (38ನೇ ನಿಮಿಷ) ಗಳಿಸಿದ ಗೋಲಿನಿಂದ ಎಟಿಕೆ ಮೋಹನ್ ಬಾಗನ್ ತಂಡ ಹೀರೋ ಇಂಡಿಯನ್ ಸೂಪರ್ ಲೀಗ್ ನ ಎರಡನೇ ಸೆಮಿಫೈನಲ್ ನ ಎರಡನೇ ಲೆಗ್ ನಲ್ಲಿ ನಾರ್ಥ್ ಈಸ್ಟ್ ಯುನೈಟೆಡ್ ವಿರುದ್ಧ ಪ್ರಥಮಾರ್ಧದಲ್ಲಿ 1-0 ಗೋಲಿನಿಂದ ಮೇಲುಗೈ ಸಾಧಿಸಿದೆ. ಮೊದಲ ಲೆಗ್ ನಲ್ಲಿ ತಂಡದ ಪರ ಗೋಲು ಗಳಿಸಿದ್ದ ಡೇವಿಡ್ ವಿಲಿಯಮ್ಸ್ ಇಲ್ಲಿಯೂ ತಮ್ಮ ಕರಾಮತ್ತು ತೋರಿದರು. ಪಿಚ್ ನ ಮಧ್ಯ ಭಾಗದಲ್ಲಿ ರಾಯ್ ಕೃಷ್ಣ ನೀಡಿದ ಪಾಸ್ ಡೇವಿಡ್ ವಿಲಿಯಮ್ಸ್ ಗೆ ಸುಲಭವಾಗಿ ನಿಯಂತ್ರಣಕ್ಕೆ ಸಿಕ್ಕಿತು. ಅಶುತೋಶ್ ಮೆಹ್ತಾ ಹಾಗೂ ಮಶೂರ್ ಶರೀಫ್ ನಿಯಂತ್ರಿಸಲು ಯತ್ನಿಸಿದರೂ ಯಾವುದೇ ರೀತಿಯ ಪ್ರಯೋಜವಾಗಲಿಲ್ಲ. ಡೇವಿಡ್ ವಿಲಿಯಮ್ಸ್ ತುಳಿದ ಚೆಂಡು ಗೋಲ್ ಬಾಕ್ಸ್ ನ ಅಂಚಿಗೆ ತಗಲಿ ನೆಟ್ ಸೇರಿಕೊಂಡಿತು. ನಾರ್ಥ್ ಈಸ್ಟ್ ಮೊದಲಾರ್ಧದಲ್ಲಿ ಸಿಕ್ಕ ಅವಕಾಶವನ್ನು ಗೋಲಾಗಿಸುವಲ್ಲಿ ವಿಫಲವಾಗಿತ್ತು.
ಫೈನಲ್ ಗುರಿ
ಪಂದ್ಯದಲ್ಲಿ 2-2 ಗೋಲುಗಳಿಂದ ಸಮಬಲ ಸಾಧಿಸಿದ್ದ ಎಟಿಕೆ ಮೋಹನ್ ಬಾಗನ್ ಹಾಗೂ ನಾರ್ಥ್ ಈಸ್ಟ್ ತಂಡಗಳು ಫಟೋರ್ಡಾ ಅಂಗಣದಲ್ಲಿ ಫೈನಲ್ ಸ್ಥಾನಕ್ಕಾಗಿ ಅಂತಿಮ ಹೋರಾಟ ನಡೆಸಲು ಮುಖಾಮುಖಿಯಾದವು.
ಕೋಲ್ಕೊತಾದ ತಂಡ ಇದುವರೆಗೂ ಉತ್ತಮ ಪ್ರದರ್ಶನ ನೀಡಿತ್ತ ಬಂದಿದೆ. ಅದೇ ರೀತಿ ಗೆಲ್ಲುವ ಫೇವರಿಟ್ ಎನಿಸಿದೆ.ನೀಗ್ ನ ಕೊನೆಯ ಮೂರು ಪಂದ್ಯಗಳಲ್ಲಿ ತಂಡ ಐದು ಗೋಲುಗಳನ್ನು ನೀಡಿತ್ತು, ಇದು ತಂಡದ ಲೀಗ್ ವಿನ್ನರ್ ಶೀಲ್ಡ್ ಕೈಜಾರಲು ಪ್ರಮುಖ ಕಾರಣವಾಗಿತ್ತು.
ಸೋಲು ಕಂಡಿರಲಿಲ್ಲ
ಖಾಲೀದ್ ಜಮಿಲ್ ಅವರ ನಾರ್ಥ್ ಈಸ್ಟ್ ಯುನೈಟೆಡ್ ಕಳೆದ 10 ಪಂದ್ಯಗಳಲ್ಲಿ ಸೋಲು ಕಂಡಿರಲಿಲ್ಲ, ಆದರೆ ಹಿಂದಿನ ದಾಖಲೆಗಳು ಇಲ್ಲಿ ಪ್ರಯೋಜನಕ್ಕೆ ಬಾರದು ಎಂಬುದು ಇತ್ತಂಡಗಳಿಗೆ ಅರಿವಿದೆ.
ಬಾಗನ್ ತಂಡವು ಡೇವಿಡ್ ವಿಲಿಯಮ್ಸ್ ಮತ್ತು ರಾಯ್ ಕೃಷ್ಣ ಅವರನ್ನು ಹೆಚ್ಚು ಅವಲಂಭಿಸಿದ್ದು, ಇಬ್ಬರ ಋತುವಿನುದ್ದಕ್ಕೂ ಸ್ಥಿರ ಪ್ರದರ್ಶನ ತೋರಿದ್ದಾರೆ. ಜಮೀಲ್ ಅವರು ಆಗಮಿಸಿದಾಗಿನಿಂದ ಸೋಲನ್ನೇ ಕಂಡಿರದ ನಾರ್ಥ್ ಈಸ್ಟ್ ಎಟಿಕೆಎಂಬಿ ವಿರುದ್ಧ ಜಯ ಗಳಿಸಿ ಮೊದಲ ಬಾರಿಗೆ ಫೈನಲ್ ತಲಪುವ ಗುರಿ ಹೊಂದಿದೆ.