ಐಎಸ್‌ಎಲ್: ಹೈದರಾಬಾದ್‌ ಎದುರು ಗೆದ್ದು ಬೀಗಿದ ಕೇರಳ ಬ್ಲಾಸ್ಟರ್ಸ್‌

ಮಿಂಚಿದ ಕೇರಳ ಬಾಯ್ಸ್‌

ಟೂರ್ನಿಯಲ್ಲಿ ಮೊದಲ ಗೆಲುವಿನ ಹುಡುಕಾಟದಲ್ಲಿದ್ದ ಕೇರಳಾ ಬ್ಲಾಸ್ಟರ್ಸ್‌ ತಂಡ ಹೈದರಾಬಾದ್‌ ಎದುರು ಗೆಲ್ಲಲೇ ಬೇಕೆಂಬ ಹಠದಲ್ಲಿ ಕಣಕ್ಕಿಳಿದಂತ್ತಿತ್ತು. ಅಂತೆಯೇ ಪಂದ್ಯದ ಮೊದಲ ಅವಧಿಯಲ್ಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾಗಿ ಗೋಲ್‌ ಗಳಿಕೆಯ ಹಲವು ಅವಕಾಶಗಳನ್ನು ಸೃಷ್ಟಿಸಿತು. ಚೆಂಡಿನ ಮೇಲಿನ ನಿಯಂತ್ರಣವನ್ನು ಅತಿ ಹೆಚ್ಚ ಸಮಯ ತನ್ನಲ್ಲೇ ಕಾಯ್ದುಕೊಂಡಿದ್ದ ಕೇರಳಾ ಬ್ಲಾಸ್ಟರ್ಸ್‌ ತಂಡ ಒಂದರ ಹಿಂದೆ ಒಂದರಂತೆ ಸತತ ಪ್ರಯತ್ನ ನಡೆಸುತ್ತಲೇ ಇತ್ತಾದರೂ ಹೈದರಾಬಾದ್‌ನ ಗೋಲ್‌ಕೀಪರ್‌ ಅನುಭವಿ ಸುಬ್ರತಾ ಪಾಲ್‌ ತಡೆಗೋಡೆಯಂತೆ ನಿಂತಿದ್ದರು.

ಎಡವಿದ ಹೈದರಾಬಾದ್

ಪಂದ್ಯದ 29ನೇ ನಿಮಿಷದಲ್ಲಿ ಬ್ಲಾಸ್ಟರ್ಸ್‌ ತಂಡದ ಸ್ಟ್ರೈಕರ್‌ಗಳ ಕೈಲಿ ಆಗದೇ ಇದ್ದ ಕೆಲಸವನ್ನು ಡಿಫೆಂಡರ್‌ ಅಬ್ದುಲ್‌ ಹಕ್ಕೂ ನೆಡಿಯೋದತ್ ಮಾಡಿ ತೋರಿಸಿದರು. ಸಹ ಆಟಗಾರ ಕಾರ್ನರ್‌ನಿಂದ ನೀಡಿದ ಪಾಸ್‌ ಅನ್ನು ಅದ್ಭತವಾಗಿ ಸ್ವೀಕರಿಸಿದ ಅಬ್ದುಲ್‌ ಮನಮೋಹಕ ಹೆಡರ್‌ ಮೂಲಕ ಚೆಂಡನ್ನು ಗೋಲ್‌ ಪೆಟ್ಟಿಗೆಯೊಳಗೆ ಸೇರಿಸಿಬಿಟ್ಟರು. ಅಲ್ಲಿವರೆಗೂ ತಡೆಗೋಡೆಯಂತೆ ನಿಂತಿದ್ದ ಸುಬ್ರತಾ ಪಾಲ್‌ ಈ ಬಾರಿ ವಿಫಲರಾಗಿದ್ದರು.
ಪಂದ್ಯದ ಎರಡನೇ ಅವಧಿಯಲ್ಲಿ ಸೋಲು ತಪ್ಪಿಸಿಕೊಳ್ಳಲು ಜಿದ್ದಾಜಿದ್ದಿನ ಹೋರಾಟ ನಡೆಸಿದ ಹೈದರಾಬಾದ್‌ ಎಫ್‌ಸಿ ತಂಡ ಗೋಲ್‌ಗಳಿಕೆಗೆ ಸತತ ಪ್ರಯತ್ನ ಮಾಡಿತು. ಹಲವು ಬಾರಿ ಕೇವಲ ಕೂದಲೆಳೆಯ ಅಂತರದಲ್ಲಿ ಚೆಂಡು ಗುರಿ ತಪ್ಪಿದರೆ, ಮತ್ತೆರಡು ಬಾರಿ ಬ್ಲಾಸ್ಟರ್ಸ್‌ನ ಗೋಲ್‌ ಕೀಪರ್‌ ಅಲ್ಬೀನೊ ಗೋಮ್ಸ್‌ ಚಾಕಚಕ್ಯತೆ ಮೆರೆದು ಎದುರಾಳಿಯ ಪ್ರಯತ್ನಗಳನ್ನು ವಿಫಲವನ್ನಾಗಿಸಿದರು.

ಕೊಂಚ ಮೈಮರೆತಂತ್ತಿತ್ತು

ಗೋಲ್‌ ಗಳಿಕೆಯ ಸಲುವಾಗಿ ಅಟ್ಯಾಕಿಂಗ್‌ ಮೂಡ್‌ನಲ್ಲಿದ್ದ ಹೈದರಾಬಾದ್‌ ತಂಡ ತನ್ನ ಡಿಫೆನ್ಸ್‌ ಕಡೆಗೆ ಕೊಂಚ ಮೈಮರೆತಂತ್ತಿತ್ತು. ಇದರ ಸಂಪೂರ್ಣ ಲಾಭ ತೆಗೆದುಕೊಂಡ ಬದಲಿ ಆಟಗಾರನಾಗಿ ಕಣಕ್ಕಿಳಿದಿದ್ದ ಸ್ಟ್ರೈಕರ್‌ ಜಾರ್ಡನ್‌ ಮರ್ರೆ 88ನೇ ನಿಮಿಷದಲ್ಲಿ ಏಕಾಂಗಿಯಾಗಿ ಗೋಲ್‌ ಬಾರಿಸುವ ಮೂಲಕ ಕೇರಳ ತಂಡ ಗೆಲುವಿನ ಅಂತರವನ್ನು 2-0ಗೆ ಹಿಗ್ಗಿಸಿದರು. ಅಲ್ಲಗೆ ಕೇರಳ ತಂಡದ ಪ್ರತಿಹೋರಾಟದ ಹುಮ್ಮಸ್ಸು ಅಡಗಿ ಹೋಗಿತ್ತು. 6 ನಿಮಿಷಗಳ ಹೆಚ್ಚುವರಿ ಅವಧಿಯಲ್ಲೂ ಹೈದರಾಬಾದ್‌ಗೆ ಯಾವುದೇ ಯಶಸ್ಸು ಸಿಗಲಿಲ್ಲ.