ಐಎಸ್‌ಎಲ್: ಅಂತಿಮ ನಾಲ್ಕರ ಸ್ಥಾನಕ್ಕಾಗಿ ಬೆಂಗಾಲ್ ಎದುರಾಳಿ ಹೈದರಾಬಾದ್

ಪ್ರದರ್ಶನ ತೋರಬೇಕಾಗಿದೆ

ಪಂದ್ಯದ ಫಲಿತಾಂಶ ಏನೇ ಇರಲಿ, ಆದರೆ ಈಸ್ಟ್ ಬೆಂಗಾಲ್ ಅಂತಿಮ ಕ್ಬಾರ್ಟರ್ ನಲ್ಲಿ ಉತ್ತಮ ಪ್ರದರ್ಶನ ತೋರಬೇಕಾಗಿದೆ. ಓಪನ್ ಪ್ಲೇ ನಲ್ಲಿ ತಂಡ ಅತಿ ಕಡಿಮೆ ಗೋಲು (7) ಗಳಿಸಿದೆ. ಉತ್ತಮ ಆರಂಭ ಕಂಡ ಸ್ಟ್ರೈಕರ್ ಬ್ರೈಟ್ ಎನೋಬಾಖ್ರೆ ಈಗ ಮಿಂಚುತ್ತಿಲ್ಲ. ಪಂದ್ಯ ದ್ವಿತಿಯಾರ್ಧದಲ್ಲಿ ನಿರ್ಣಯವಾಗುವ ಸಾಧ್ಯತೆ ಹೆಚ್ಚಿದೆ. ಹೈದರಾಬಾದ್ ತಾನು ಗಳಿಸಿರುವ ಒಟ್ಟು ಗೋಲುಗಳಲ್ಲಿ ಶೇ75ರಷ್ಟನ್ನು ದ್ವಿತಿಯಾರ್ಧದಲ್ಲಿ ಗಳಿಸಿದೆ. ಈ ಅವಧಿಯಲ್ಲಿ ಈಸ್ಟ್ ಬೆಂಗಾಲ್ ತಾನು ನೀಡಿರುವ ಒಟ್ಟು 21 ಗೋಲುಗಳಲ್ಲಿ 14 ಗೋಲುಗಳನ್ನು ಎದುರಾಳಿ ತಂಡಕ್ಕೆ ನೀಡಿದೆ.

ಉತ್ತಮವಾಗಿಯೇ ಆಡಿತ್ತು

ಜೆಮ್ಷೆಡ್ಪುರ ವಿರುದ್ಧ ಈಸ್ಟ್ ಬೆಂಗಾಲ್ ಉತ್ತಮವಾಗಿಯೇ ಆಡಿತ್ತು. ಅದೇ ರೀತಿಯ ಆಟ ಪ್ರದರ್ಶಿಸಬೇಕೆಂಬುದು ಗ್ರಾಂಟ್ ಅವರ ನಿಲುವು. 11 ಆಟಗಾರರಲ್ಲಿ ಬದಲಾವಣೆಗಳನ್ನು ಮಾಡುತ್ತಿರಬೇಕೆಂಬುದು ಅವರ ಆಶಯ. "ನಾವು ಅದೇ 11 ಮಂದಿಯಲ್ಲಿ ಆಟವನ್ನು ಮುಂದುವರಿಸಲು ಬಯಸುವುದಿಲ್ಲ. ನಾವು ಉತ್ತಮವಾಗಿಯೇ ಆಡಿದ್ದೇವೆ. ನಾವು ಅದೇ ತಂಡವನ್ನು ಮುಂದುವರಿಸಲಿದ್ದೇವೆ, ಗಾಯದ ಸಮಸ್ಯೆ ಬಂದಾಗ ಮಾತ್ರ ಬದಲಾವಣೆ ಬಯಸುತ್ತೇವೆ," ಎಂದು ಗ್ರಾಂಟ್ ಹೇಳಿದ್ದಾರೆ.

ಪ್ಲೇ ಆಫ್ ಗೆ ದಿಟ್ಟ ಹೆಜ್ಜೆ ಇಟ್ಟಂತೆ

ಗುತ್ತಿಗೆ ಮುಂದುವರಿದ ಖುಷಿಯಲ್ಲಿರು ಹೈದರಾಬಾದ್ ತಂಡದ ಕೋಚ್ ಮಾನ್ವೆಲ್ ಮಾರ್ಕ್ವೇಜ್ ನಾಳೆ ಜಯ ಗಳಿಸಿದರೆ ಪ್ಲೇ ಆಫ್ ಗೆ ದಿಟ್ಟ ಹೆಜ್ಜೆ ಇಟ್ಟಂತೆ ಎಂದಿದ್ದಾರೆ. ಸತತ ಎಂಟು ಪಂದ್ಯಗಳಲ್ಲಿ ಸೋಲು ಕಂಡರಿಯದ ಹೈದರಾಬಾದ್ ಅದೇ ಹಾದಿಯಲ್ಲಿ ಮುನ್ನಡೆಯುವ ಗುರಿ ಹೊಂದಿದೆ.
" ಇದು ಕಠಿಣ ಪಂದ್ಯ, ನನ್ನ ಪ್ರಕಾರ ಅವರು ಸಾಕಷ್ಟು ಆಟಗಾರರನ್ನು ಬದಲಾಯಿಸಿದ್ದಾರೆ. ಆದರೆ ನಾವು ಗೆಲ್ಲಲು ಯತ್ನಿಸುವೆವು, ನಾವು ಗೆದ್ದರೆ ಅಂತಿಮ ನಾಲ್ಕರಲ್ಲಿ ಸ್ಥಾನ ಪಡೆಯುವೆವು, ನಾವು ಪಂದ್ಯದಿಂದ ಪಂದ್ಯಕ್ಕೆ ಅಂಕಗಳನ್ನು ಗಳಿಸಬೇಕು," ಎಂದರು.