ಐಎಸ್‌ಎಲ್: ಮುಂಬೈ ವಿರುದ್ಧ ಸೋತ ಈಸ್ಟ್ ಬೆಂಗಾಲ್ ಕಂಗಾಲ್!

ಮೊದಲ ಜಯದ ನಿರೀಕ್ಷೆ

ಹೊಸ ತಿಂಗಳ ಮೊದಲ ಪಂದ್ಯ ಹೊಸ ತಂಡವಾಗಿರುವ ಈಸ್ಟ್ ಬೆಂಗಾಲ್ ತಂಡ ಹೀರೋ ಇಂಡಿಯನ್ ಸೂಪರ್ ಲೀಗ್ ನಲ್ಲಿ ಮುಂಬಯ ಸಿಟಿ ಎಫ್ ಸಿ ವಿರುದ್ಧ ಜಯ ಗಳಿಸುವ ಆತ್ಮವಿಶ್ವಾಸದೊಂದಿಗೆ ಅಂಗಣಕ್ಕಿಳಿಯಿತು. ಎಟಿಕೆ ಮೋಹನ್ ಬಾಗನ್ ವಿರುದ್ಧದ ಮೊದಲ ಪಂದ್ಯದಲ್ಲಿ ಸೋಲು ಅನುಭವಿಸಿದ ನಂತರ ರಾಬೀ ಫ್ಲವರ್ ಪಡೆಗೆ ಈಗ ಕಠಿಣ ಸವಾಲನ್ನು ಸದುರಿಸಬೇಕಾದ ಅನಿವಾರ್ಯತೆ.

ಬೆಂಗಾಲ್ ಆತ್ಮವಿಶ್ವಾಸದ ಆಟ

ಸೋಲಿನ ನಡುವೆಯೂ ಈಸ್ಟ್ ಬೆಂಗಾಲ್ ಆತ್ಮವಿಶ್ವಾಸದ ಆಟವಾಡಿತ್ತು. ಮಿಡ್ ಫೀಲ್ಟ್ ವಿಭಾಗದಲ್ಲಿ ಆಂಟೊನಿಯೊ ಪಿಲ್ಕಿಂಗ್ಟನ್ ಮತ್ತು ಮಟ್ಟಿ ಸ್ಟೈನ್ಮನ್ ತಂಡದ ಬೆನ್ನೆಲುಬಾಗಿದ್ದಾರೆ. ಬಲ್ವಂತ್ ಸಿಂಗ್ ಮೊದಲ ಪಂದ್ಯದಲ್ಲಿ ನರೀಕ್ಷಿತ ಮಟ್ಟದ ಪ್ರದರ್ಶನ ತೋರಿಲ್ಲ. ಇದರಿಂದ ಜೆಜೆ ಲಾಲ್ಪೆಖ್ಲುವಾ ಅವರು ಅಂಗಣಕ್ಕಿಳಿದರೆ ಅಚ್ಚರಿ ಇಲ್ಲ. ಎರಡೂ ತಂಡಗಳು ಚೆಂಡಿನ ಹತೋಟಿಯಲ್ಲಿಡುವ ಬಗ್ಗೆಯೇ ಆಸಕ್ತಿ ಹೆಚ್ಚು ತೋರುವುದರಿಂದ ಪಂದ್ಯ ಸಾಕಷ್ಟು ಕುತೂಹಲಕ್ಕೆ ಕಾರಣವಾಗುವ ಸಾಧ್ಯತೆ ಹೆಚ್ಚು.

ಮುಂಬೈ ನೈಜ ಆಟ ಆಡಿರಲಿಲ್ಲ

ಮುಂಬೈ ಇದುವರೆಗೂ ತನ್ನ ನೈಜ ಆಟವನ್ನು ಆಡಿರಲಿಲ್ಲ. ಈಗ ಹೊಸ ತಂಡದ ವಿರುದ್ಧ ಜಯ ಗಳಿಸುವ ಆತ್ಮವಿಶ್ವಾಸದೊಂದಿಗೆ ಅಣಗಣಕ್ಕಿಳಿಯಿತು. ಕೋಚ್ ಸರ್ಗಿಯೊ ಲೊಬೆರಾ ಅವರು ಆಡಂ ಲೀ ಫೊಂಡ್ರೆ ಮತ್ತು ಬಾರ್ಥಲೋಮ್ಯೊ ಒಗ್ಬಚೆ ಅವರನ್ನು ಅಂಗಣಕ್ಕಿಳಿಸುವ ಸಾಧ್ಯತೆ ಇದೆ. ಹ್ಯುಗೊ ಬೌಮಾಸ್ ಅವರ ಜನಪ್ರಿಯತೆ ಇನ್ನೂ ತಂಡದ ಫಲಿತಾಂಶದ ಮೇಲೆ ಬೀಳಲಿಲ್ಲ. ಮಂದಾರ ರಾವ್ ದೇಸಾಯಿ ಇಂಡಿಯನ್ ಸೂಪರ್ ಲೀಗ್ ನಲ್ಲಿ 100ನೇ ಪಂದ್ಯವನ್ನಾಡಿದ ಮೊದಲ ಭಾರತೀಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.