ಯುಇಎಫ್‌ಎ ಯೂರೋ 2020, ಟರ್ಕಿ vs ಇಟಲಿ, Live ಸ್ಕೋರ್‌

ರೋಮ್: ಇಟಲಿಯ ರೋಮ್‌ನಲ್ಲಿ ಯೂನಿಯನ್ ಆಫ್ ಯುರೋಪಿಯನ್ ಫುಟ್ಬಾಲ್ ಅಸೋಸಿಯೇಶನ್ (ಯುಇಎಫ್‌ಎ) ಯೂರೋ 2020 ಉದ್ಘಾಟನಾ ಪಂದ್ಯದಲ್ಲಿ ಇಂದು (ಜೂನ್ 12) ಇಟಲಿ ಮತ್ತು ಟರ್ಕಿ ತಂಡಗಳು ಮುಖಾಮುಖಿಯಾಗಿವೆ. ರೋಮ್‌ನ ಸ್ಟೇಡಿಯೋ ಒಲಿಂಪಿಕೋ ಸ್ಟೇಡಿಯಂನಲ್ಲಿ ಈ ಪಂದ್ಯ ನಡೆಯುತ್ತಿದೆ.

ಕೋವಿಡ್-19 ಕಾರಣ ಸ್ಟೇಡಿಯಂನಲ್ಲಿ ಕೇವಲ 25 ಶೇ. ಅಂದರೆ ಬರೀ 16,000 ಪ್ರೇಕ್ಷಕರು ಮೈದಾನದಲ್ಲಿದ್ದು ತಮ್ಮ ತಮ್ಮ ನೆಚ್ಚಿನ ತಂಡಗಳನ್ನು ಬೆಂಬಲಿಸಲಿದ್ದಾರೆ. ರಾಬರ್ಟೊ ಮಾನ್ಸಿನಿ ಮುಖ್ಯ ಕೋಚ್ ಆಗಿರುವ ಇಟಲಿ ತಂಡ ಗ್ರೂಪ್‌ 'ಎ'ಯಲ್ಲಿರುವ ಟರ್ಕಿ ತಂಡವನ್ನು ಎದುರಿಸಲಿದೆ.

ಇಟಲಿ ತಂಡ: ಡೊನರುಮ್ಮ, ಫ್ಲೋರೆಂಜಿ, ಲೊಕಾಟೆಲ್ಲಿ, ಬೊನುಸಿ, ಚಿಯೆಲಿನಿ, ಸ್ಪಿನಾಜೋಲಾ, ಜೋರ್ಗಿನ್ಹೋ, ಬೆರಾಡಿ, ಬರೆಲ್ಲಾ, ಇನ್ಸೈನ್, ಇಮ್ಮೊಬೈಲ್.

ಟರ್ಕಿ ತಂಡ: ಕಾಕಿರ್, ಸೆಲಿಕ್, ಡೆಮಿರಲ್, ಸೋಯುಂಕು, ತುಫಾನ್, ಯೋಕುಸ್ಲು, ಮೆರಾಸ್, ಯಾಜಿಸಿ, ಕ್ಯಾಲ್ಹಾನೊಗ್ಲು, ಯಿಲ್ಮಾಜ್, ಕರಮನ್.