ಹಾಕಿ ವಿಶ್ವಕಪ್: ಆರಂಭೋತ್ಸವಕ್ಕೆ ಶಾರುಖ್, ಮಾಧುರಿ, ರೆಹಮಾನ್ ಮೆರಗು

ಮನಗೆದ್ದ ಮಾಧುರಿ

ಆರಂಭೋತ್ಸವದಲ್ಲಿ ಭೂಮಿ ತಾಯಿಯಾಗಿ ರೂಪದಲ್ಲಿ ಪಾಲ್ಗೊಂಡಿದ್ದ ಮಾಧುರಿ ದೀಕ್ಷಿತ್, ಆರಂಭೋತ್ಸವ ಕಾರ್ಯಕ್ರಮದ ಪ್ರಮುಖಾಕರ್ಷಣೆಯಾಗಿದ್ದರು. ಭಗವತ್‌ಗೀತದ ಉಪನಿಷತ್‌ನ ಕೆಲ ವಿಚಾರಗಳನ್ನು ಒಳಗೊಂಡಿದ್ದ ಈ ರೂಪಕ ಇಂಗ್ಲಿಷ್-ಹಿಂದಿ ಎರಡೂ ಭಾಷೆಗಳ ಪ್ರದರ್ಶಿಸಲ್ಪಡುವ ಮೂಲಕ ಪ್ರೇಕ್ಷಕರ ಮನಸೂರೆಗೊಳಿಸಿತು.

ಎಆರ್ ರೆಹಮಾನ್ ಸಂಗೀತ

ತವರಿನಲ್ಲಿ ನಡೆಯುವ ಬಹುತೇಕ ಅಂತಾರಾಷ್ಟ್ರೀಯ ಟೂರ್ನಿಗಳ ಆರಂಭೊತ್ಸವದ ವೇಳೆ ಸಂಗೀತ ಮಾಂತ್ರಿಕ ಎಆರ್ ರೆಹಮಾನ್ ಸಂಗೀತ ರಂಜಿಸೋದಿದೆ. ಈ ಬಾರಿಯೂ ರಹಮಾನ್ 'ಜೈ ಹಿಂದ್ ಜೈ ಹಿಂದ್' ಸಂಗೀತದೊಂದಿಗೆ ಗಮನ ಸೆಳೆದರು. ಇದು ಹಾಕಿ ವಿಶ್ವಕಪ್‌ನ ಅಧಿಕೃತ ಗೀತೆಯೂ ಹೌದು.

ಶಾರುಖ್ ಮೆರಗು

ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಕೂಡ ಕಾರ್ಯಕ್ರಮದಲ್ಲಿ ಆಕರ್ಷಣೆ ಮೂಡಿಸಿದರು. ಸ್ಟೇಜ್ ನಲ್ಲಿ ನಿಂತು ಶಾರೂಖ್ ಖಾನ್ 'ಚಕ್ ದೇ ಇಂಡಿಯಾ' ಸಿನಿಮಾದ 'ವೊ ಸತ್ತರ್ ಮಿನ್ಯೂಟ್' ಡೈಲಾಗ್ ಹೇಳಿದ್ದು ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಯಿತು.

ಮುಖ್ಯಮಂತ್ರಿಗಳಿಂದ ಅಧಿಕೃತ ಚಾಲನೆ

ಇಂಟರ್ ನ್ಯಾಷನಲ್ ಫೆಡರೇಷನ್ ಹಾಕಿ (ಎಫ್‌ಐಎಚ್) ಪುರುಷರ ಹಾಕಿ ವಿಶ್ವಕಪ್ ಟೂರ್ನಿಗೆ ಒಡಿಶಾ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಅಧಿಕೃತ ಚಾಲನೆ ನೀಡಿದರು. ಸಭೆಯನ್ನುದ್ದೇಶಿಸಿ ಮಾತನಾಡಿದ ಬಳಿಕ ಟೂರ್ನಿಗೆ ಚಾಲನೆ ನೀಡಲಾಯಿತು.