ಒಲಿಂಪಿಕ್ಸ್ ಇತಿಹಾಸದಲ್ಲಿ ಭಾರತೀಯ ಹಾಕಿ ತಂಡವನ್ನು ಮುನ್ನಡೆಸಿದ ನಾಯಕರ ಪಟ್ಟಿ

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

2020ರ ಜುಲೈ 24ರಂದು ಟೊಕಿಯೋ ಒಲಿಂಪಿಕ್ಸ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ ಹಾಕಿ ತಂಡ ಸೋತು ಹೊರನಡೆದಾಗ, ಮನ್‌ಪ್ರೀತ್ ಸಿಂಗ್ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಪುರುಷರ ಹಾಕಿ ತಂಡವನ್ನು ಮುನ್ನಡೆಸಿದ 21ನೇ ನಾಯಕರೆನಿಸಿದರು.

ಭಾರತದ ಹಾಕಿಯ 41 ವರ್ಷಗಳ ಒಲಿಂಪಿಕ್ ಪದಕದ ಬರವನ್ನು ಕಂಚಿನ ಪಂದಕದೊಂದಿಗೆ ಕೊನೆಗೊಳಿಸಿದ ಮನ್‌ಪ್ರೀತ್ ಸಿಂಗ್ ಅವರು ಭಾರತ ಹಾಕಿ ತಂಡದ ನಾಯಕತ್ವ ಗೌರವ ಪಡೆದಿರುವ ಧ್ಯಾನ್ ಚಂದ್, ಕುನ್ವರ್ ದಿಗ್ವಿಜಯ್ ಸಿಂಗ್ ಮತ್ತು ಬಲ್ಬೀರ್ ಸಿಂಗ್ ಅವರಂತಹ ಲೆಜೆಂಡ್ ಆಟಗಾರರನ್ನು ಒಳಗೊಂಡ ಪ್ರಸಿದ್ಧದ ಪಟ್ಟಿಯನ್ನು ಸೇರಿಕೊಂಡರು.

ಜೈಪಾಲ್ ಸಿಂಗ್ ಮುಂಡಾ ಅವರು ಆಮ್ಸ್ಟರ್‌ಡ್ಯಾಮ್‌ನಲ್ಲಿ 1928ರ ಒಲಿಂಪಿಕ್ಸ್‌ನಲ್ಲಿ ಚೊಚ್ಚಲ ಚಿನ್ನದ ಪದಕ ಗೆದ್ದಾಗ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಹಾಕಿ ತಂಡದ ಮೊದಲ ನಾಯಕರಾಗಿದ್ದರು.

Indian Hockey Team Captains List in Olympic History and Achievements

1932ರ ಲಾಸ್ ಏಂಜಲೀಸ್‌ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಹಾಕಿ ತಂಡವನ್ನು ಮತ್ತೊಂದು ಚಿನ್ನದ ಪದಕಕ್ಕೆ ಸೈಯದ್ ಲಾಲ್ ಶಾ ಬೊಖಾರಿ ಮುನ್ನಡೆಸಿದರು. ನಂತರ ಭಾರತ ಸ್ವಾತಂತ್ರ್ಯಗೊಂಡು ವಿಭಜನೆಗೊಂಡ ನಂತರ ಪಾಕಿಸ್ತಾನಕ್ಕೆ ವಲಸೆ ಹೋದರು.

ಹಾಕಿ ಮಾಂತ್ರಿಕ ಧ್ಯಾನ್ ಚಂದ್ (ಆಮ್ಸ್ಟರ್‌ಡ್ಯಾಮ್ 1928, ಲಾಸ್ ಏಂಜಲೀಸ್ 1932, ಬರ್ಲಿನ್ 1936) ಮತ್ತು ಬಲ್ಬೀರ್ ಸಿಂಗ್ ದೋಸಾಂಜ್ (ಲಂಡನ್ 1948, ಹೆಲ್ಸಿಂಕಿ 1952, ಮೆಲ್ಬೋರ್ನ್ 1956) ತಲಾ ಮೂರು ಚಿನ್ನದ ಪದಕ ವಿಜೇತ ಭಾರತೀಯ ಹಾಕಿ ತಂಡಗಳ ಭಾಗವಾಗಿದ್ದರು ಎಂಬುದು ಗಮನಾರ್ಹ.

ಧ್ಯಾನ್ ಚಂದ್ ಅವರು 1936ರ ಒಲಿಂಪಿಕ್ಸ್‌ನಲ್ಲಿ ಭಾರತ ತಂಡದ ನಾಯಕರಾಗಿದ್ದರು ಮತ್ತು ಬಲ್ಬೀರ್ ಸಿಂಗ್ 1956ರ ಮೆಲ್ಬೋರ್ನ್ ಒಲಿಂಪಿಕ್ಸ್‌ನಲ್ಲಿ ಭಾರತ ತಂಡದ ನಾಯಕರಾಗಿದ್ದರು.

ತಮಿಳುನಾಡಿನ ವಾಸುದೇವನ್ ಬಾಸ್ಕರನ್ ಅವರು ಮಾಸ್ಕೋದಲ್ಲಿ ನಡೆದ 1980ರ ಒಲಿಂಪಿಕ್ಸ್‌ನಲ್ಲಿ ಭಾರತೀಯ ಹಾಕಿ ತಂಡದ ಕೊನೆಯ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ನಾಯಕನಾಗಿದ್ದಾರೆ.

ಇನ್ನು ಮಹಿಳಾ ಹಾಕಿ ತಂಡದಲ್ಲಿ ರೂಪಾ ಸೈನಿ ಅವರು ಮಾಸ್ಕೋದಲ್ಲಿ ನಡೆದ 1980ರಲ್ಲಿ ಒಲಿಂಪಿಕ್ಸ್‌ನಲ್ಲಿ ಭಾರತದ ನಾಯಕಿಯಾಗಿದ್ದರು. ಈ ವೇಳೆ ಮಹಿಳಾ ಹಾಕಿಯು ಒಲೊಂಪಿಕ್ ಕ್ರೀಡಾಕೂಟಕ್ಕೆ ಚೊಚ್ಚಲ ಪ್ರವೇಶ ಮಾಡಿತು.

ಫಾರ್ವರ್ಡ್ ಆಟಗಾರ್ತಿ ರಾಣಿ ರಾಂಪಾಲ್ ಅವರು ಟೊಕಿಯೋ 2020ರಲ್ಲಿ ಭಾರತೀಯ ಮಹಿಳಾ ಹಾಕಿ ತಂಡದ ಅಭಿಯಾನದ ನಾಯಕತ್ವ ವಹಿಸಿದ್ದರು.