PKL 2022: ಬೆಂಗಾಲ್ ವಾರಿಯರ್ಸ್‌ಗೆ ಟಕ್ಕರ್ ಕೊಡುತ್ತಾ ದಬಾಂಗ್ ಡೆಲ್ಲಿ?

ಡೆಲ್ಲಿಯ ಪ್ರಮುಖ ಆಟಗಾರ ನವೀನ್ ಕುಮಾರ್

ನವೀನ್ ಕುಮಾರ್ ಅವರು ತಮ್ಮ ದಾಳಿಯನ್ನು ಚುರುಕಿನಿಂದ ಮುನ್ನಡೆಸಿದ್ದಾರೆ, ಈವರೆಗೆ ಆರು ಪಂದ್ಯಗಳಲ್ಲಿ 81 ರೇಡ್ ಪಾಯಿಂಟ್‌ಗಳನ್ನು ಸಂಗ್ರಹಿಸಿದ್ದಾರೆ ಮತ್ತು ಈ ಋತುವಿನಲ್ಲಿ ಇದುವರೆಗಿನ ಅತಿ ಹೆಚ್ಚು ರೇಡ್ ಪಾಯಿಂಟ್‌ಗಳ ಸ್ಕೋರ್‌ಗಳಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.

ರೈಡರ್‌ಗಳಾದ ಮಂಜೀತ್ 36 ಅಂಕ ಮತ್ತು ಅಶು ಮಲಿಕ್ 25 ಅಂಕ ಗಳಿಸಿ ನವೀನ್ ಕುಮಾರ್‌ಗೆ ಉತ್ತಮ ಬೆಂಬಲ ನೀಡಿದ್ದಾರೆ. ರೈಡಿಂಗ್ ವಿಭಾಗದಲ್ಲಿ ಬಲಿಷ್ಠವಾಗಿರುವ ದಬಾಂಗ್ ಡೆಲ್ಲಿ ಬೆಂಗಾಲ್ ವಿರುದ್ಧ ಕೂಡ ತಮ್ಮ ಉತ್ತಮ ಪ್ರದರ್ಶನ ನೀಡುವ ಆತ್ಮವಿಶ್ವಾಸದಲ್ಲಿದೆ.

ಪಾಕ್ ವಿರುದ್ಧ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡಿದ ಆಟಗಾರನನ್ನು ಮುಂದಿನ ಪಂದ್ಯದಿಂದ ಹೊರಗಿಡಲು ಗವಾಸ್ಕರ್ ಸಲಹೆ

ದಬಾಂಗ್ ಡೆಲ್ಲಿಯ ಬಲಿಷ್ಠ ರಕ್ಷಣಾ ವಿಭಾಗ

ದಬಾಂಗ್ ಡೆಲ್ಲಿಯ ರಕ್ಷಣಾ ವಿಭಾಗ ಕೂಡ ಸಾಕಷ್ಟು ಬಲಿಷ್ಠವಾಗಿದೆ. ಡಿಫೆಂಡರ್ ಕ್ರಿಶನ್ 21 ಟ್ಯಾಕಲ್ ಪಾಯಿಂಟ್‌ಗಳ ಮೂಲಕ ಡೆಲ್ಲಿ ರಕ್ಷಣಾ ವಿಭಾಗವನ್ನು ಮುನ್ನಡೆಸಿದ್ದಾರೆ. ಡಿಫೆಂಡರ್‌ಗಳಾದ ವಿಶಾಲ್ ಮತ್ತು ರವಿಕುಮಾರ್ ಅವರು ಕ್ರಮವಾಗಿ 15 ಮತ್ತು 14 ಅಂಕ ಗಳಿಸಿ ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಬೆಂಗಾಲ್‌ ತಂಡದ ಸ್ಟಾರ್ ರೈಡರ್ ಮೈಟಿ ಮಣಿಂದರ್ ವಿರುದ್ಧ ಡೆಲ್ಲಿ ಡಿಫೆನ್ಸ್ ಅತ್ಯುತ್ತಮ ಪ್ರದರ್ಶನ ನೀಡಿದರೆ ಮಾತ್ರ ಜಯ ಗಳಿಸಲು ಸುಲಭವಾಗುತ್ತದೆ. ಎರಡೂ ತಂಡಗಳ ನಡುವೆ ರೋಚಕ ಹಣಾಹಣಿಯನ್ನು ನಿರೀಕ್ಷಿಸಬಹುದಾಗಿದೆ.

ಜಯದ ಹಾದಿಗೆ ಮರಳುತ್ತಾ ಬೆಂಗಾಲ್

ಬೆಂಗಾಲ್ ವಾರಿಯರ್ಸ್ ಜೈಪುರ ಪಿಂಕ್ ಪ್ಯಾಂಥರ್ಸ್ ಮತ್ತು ಪುಣೇರಿ ಪಲ್ಟನ್ ವಿರುದ್ಧ ಸತತ ಸೋಲಿನ ನಂತರ ಪುಟಿದೇಳಲು ಉತ್ಸುಕವಾಗಿದೆ. ವಾರಿಯರ್ಸ್ ನಾಯಕ ಮಣಿಂದರ್ ಸಿಂಗ್ ತಮ್ಮ ಕೊನೆಯ ಎರಡು ಪಂದ್ಯಗಳಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡಿಲ್ಲ. ಕಳೆದ ಎರಡು ಪಂದ್ಯಗಳಿಂದ ಕೇವಲ 8 ಅಂಕಗಳನ್ನು ಗಳಿಸುವಲ್ಲಿ ಯಶಸ್ವಿಯಾಗಿದ್ದರು.

ಬೆಂಗಾಲ್ ವಾರಿಯರ್ಸ್ ಜಯದ ಹಳಿಗೆ ಮರಳಬೇಕಾದರೆ ಮಣಿಂದರ್ ಸಿಂಗ್ ತಮ್ಮ ಅತ್ಯುತ್ತಮ ಆಟ ಪ್ರದರ್ಶಿಸಬೇಕಿದೆ. ಅವರು ಇನ್ನೂ ಈ ಋತುವಿನಲ್ಲಿ ಆರು ಪಂದ್ಯಗಳಿಂದ 49 ರೇಡ್ ಪಾಯಿಂಟ್‌ಗಳೊಂದಿಗೆ ತಂಡದ ಅತ್ಯುತ್ತಮ ರೈಡರ್ ಆಗಿದ್ದಾರೆ. ಶ್ರೀಕಾಂತ್ ಜಾಧವ್ ತಮ್ಮ ನಾಯಕನಿಗೆ ಉತ್ತಮ ಬೆಂಬಲ ನೀಡಿದ್ದಾರೆ. ಅವರು ಸೀಸನ್ 9 ರಲ್ಲಿ 31 ರೇಡ್ ಪಾಯಿಂಟ್‌ಗಳನ್ನು ಗಳಿಸಿದ್ದಾರೆ. ಆದರೆ ಅವರಿಗೆ ಆಲ್‌ರೌಂಡರ್‌ಗಳಾದ ದೀಪಕ್ ಹೂಡಾ ಮತ್ತು ಮನೋಜ್ ಗೌಡರಿಂದ ಹೆಚ್ಚಿನ ಸಹಾಯದ ಅಗತ್ಯವಿದೆ, ಅವರಿಬ್ಬರೂ ಇನ್ನೂ ದಾಳಿಯಲ್ಲಿ ತಮ್ಮ ಅತ್ಯುತ್ತಮ ಪ್ರದರ್ಶನವನ್ನು ನೀಡಿಲ್ಲ.

ರಕ್ಷಣಾತ್ಮಕ ವಿಭಾಗದಲ್ಲಿ, ಗಿರೀಶ್ ಮಾರುತಿ ಎರ್ನಾಕ್ ಪ್ರಮುಖರಾಗಿದ್ದಾರೆ. ಈ ಋತುವಿನಲ್ಲಿ 23 ಟ್ಯಾಕಲ್ ಪಾಯಿಂಟ್‌ಗಳೊಂದಿಗೆ ತಂಡವನ್ನು ಮುನ್ನಡೆಸಿದ್ದಾರೆ. ಶುಭಂ ಶಿಂಧೆ 13 ಟ್ಯಾಕಲ್ ಪಾಯಿಂಟ್‌ಗಳನ್ನು ಗಳಿಸಿ ತಂಡದ ಅತ್ಯುತ್ತಮ ಡಿಫೆಂಡರ್ ಆಗಿದ್ದಾರೆ.