Click it and Unblock the Notifications
ಪಟ್ಟುಬಿಡದೆ ದಾಳಿ ನಡೆಸಿದ ಭರತ್ ಆಲೌಟ್ ಮಾಡಿದರು
7ನೇ ನಿಮಿಷದಲ್ಲಿ ಬೆಂಗಳೂರು ಬುಲ್ಸ್ 13-6ರಲ್ಲಿ ಮುನ್ನಡೆ ಸಾಧಿಸಿದಾಗ ಭರತ್ ಕೆಲವು ರೇಡ್ ಪಾಯಿಂಟ್‌ಗಳನ್ನು ಗಳಿಸಿದರು. ಎದುರಾಳಿ ಪಾಟ್ನಾ ಪೈರೇಟ್ಸ್ ಆಲೌಟ್ ಅಂಚಿನಲ್ಲಿತ್ತು. ಆದರೆ ಮೊಹಮ್ಮದ್ರೇಜಾ ಶಾಡ್ಲೌಯಿ ಚಿಯಾನೆಹ್ ತಮ್ಮ ತಂಡವನ್ನು ಮತ್ತೆ ಅಟದಲ್ಲಿರುವಂತೆ ಮಾಡಲು ಅದ್ಭುತ ದಾಳಿ ನಡೆಸಿದರು.
ಆದರೂ, ಪಟ್ಟುಬಿಡದೆ ದಾಳಿ ನಡೆಸಿದ ಭರತ್ ಶೀಘ್ರದಲ್ಲೇ ಸೂಪರ್-ರೈಡಿಂಗ್ ಮೂಲಕ ಪಾಟ್ನಾ ತಂಡವು ಆಲೌಟ್ ಅಗುವಂತೆ ಮಾಡಿದರು. ನಂತರ 13ನೇ ನಿಮಿಷದಲ್ಲಿ ಬೆಂಗಳೂರು ಬುಲ್ಸ್ 23-12ರಲ್ಲಿ ಬೃಹತ್ ಮುನ್ನಡೆ ಸಾಧಿಸಿದರು.
ಬೆಂಗಳೂರು ಬುಲ್ಸ್ ತಂಡವು ಮೊದಲಾರ್ಧದಲ್ಲಿ 31-16ರಲ್ಲಿ ಮುನ್ನಡೆ
ಪಾಟ್ನಾ ತಂಡದ ಸಚಿನ್ ಅದ್ಭುತ ದಾಳಿ ಮೂಲಕ ಎರಡು ಪಾಯಿಂಟ್ ಗಳಿಸಿದರೂ ಬೆಂಗಳೂರು ತಂಡ 25-14ರಲ್ಲಿ ಆರಾಮದಾಯಕ ಮುನ್ನಡೆ ಸಾಧಿಸಿತು. ತದನಂತರವೂ ಬುಲ್ಸ್ ತಂಡದ ಪ್ರಾಬಲ್ಯವನ್ನು ಮುಂದುವರಿಸಿದ ಭರತ್ 17ನೇ ನಿಮಿಷದಲ್ಲಿ ಸುನಿಲ್ ಮತ್ತು ಸಚಿನ್ ಅವರನ್ನು ಔಟ್ ಮಾಡಿದರು. ಆಗ ಬೆಂಗಳೂರು ಬುಲ್ಸ್ ತಂಡವು ಮೊದಲಾರ್ಧವನ್ನು 31-16ರಲ್ಲಿ ಮುನ್ನಡೆ ಸಾಧಿಸಿತು.
ಭರತ್ ದ್ವಿತೀಯಾರ್ಧದ ಆರಂಭಿಕ ನಿಮಿಷಗಳಲ್ಲಿ ಅತ್ಯುತ್ತಮ ದಾಳಿ ಮುಂದುವರೆಸಿದರು ಮತ್ತು ಪಾಟ್ನಾ ಪೈರೇಟ್ಸ್ ತಂಡವನ್ನು ಅಂಕಣದಲ್ಲಿ ಕೇವಲ ಒಬ್ಬ ಆಟಗಾರನಿಗೆ ಇಳಿಸಿದರು. ಕೆಲವೇ ಸಮಯದ ನಂತರ ಬೆಂಗಳೂರು ಬುಲ್ಸ್ ಮತ್ತೊಂದು ಆಲೌಟ್ ಮಾಡಿತು ಮತ್ತು 36-18 ಅಂಕಗಳ ಮೂಲಕ 18 ಪಾಯಿಂಟ್‌ಗಳ ಬೃಹತ್ ಮುನ್ನಡೆ ಗಳಿಸಿತು. ಬೆಂಗಳೂರು ಗೂಳಿಗಳು ಮುನ್ನುಗ್ಗುತ್ತಲೇ ಇದ್ದಾಗ, ಸಜಿನ್ ನರ್ವಾಲ್ ಅವರು ರೈಡಿಂಗ್ ವಿಭಾಗದಲ್ಲಿ ಭರತ್‌ಗೆ ಬೆಂಬಲ ನೀಡಿದರು.
ಬೆಂಗಳೂರು ಬುಲ್ಸ್ 46-31ರಲ್ಲಿ ದೊಡ್ಡ ಮುನ್ನಡೆ
33ನೇ ನಿಮಿಷದಲ್ಲಿ ಮಹೇಂದರ್ ಸಿಂಗ್ ಅದ್ಭುತ ಸೂಪರ್ ಟ್ಯಾಕಲ್ ಮೂಲಕ ಬೆಂಗಳೂರು ಬುಲ್ಸ್ 43-28ರಲ್ಲಿ ಮುನ್ನಡೆ ಸಾಧಿಸುವಂತೆ ಮಾಡಿದರು. ಪಾಟ್ನಾ ಪೈರೇಟ್ಸ್ ತಂಡದ ಆನಂದ್ ತೋಮರ್ 36ನೇ ನಿಮಿಷದಲ್ಲಿ ಸೂಪರ್ ರೈಡ್ ಮಾಡಿದರು. ಆದರೂ, ಬೆಂಗಳೂರು ಬುಲ್ಸ್ 46-31ರಲ್ಲಿ ದೊಡ್ಡ ಮುನ್ನಡೆ ಕಾಯ್ದುಕೊಂಡಿತು.
ಪಂದ್ಯದ ಕೊನೆಯ ನಿಮಿಷದಲ್ಲಿ ಪಾಟ್ನಾ ಪೈರೇಟ್ಸ್ ಮತ್ತೊಮ್ಮೆ ಅಲೌಟ್ ಆದರು. ಬೆಂಗಳೂರು ಬುಲ್ಸ್ ತಂಡದ ಸ್ಕೋರ್‌ಗಿಂತ ತುಂಬಾ ಹಿಂದುಳಿದಿದ್ದ ಪಾಟ್ನಾ ಪೈರೇಟ್ಸ್ ಸೋಲಿನ ರುಚಿ ಕಂಡಿತು. ಬೆಂಗಳೂರು ಬುಲ್ಸ್ ಆಟಗಾರರು ಅಂತಿಮವಾಗಿ ಸಮಗ್ರ ವಿಜಯವನ್ನು ತಮ್ಮದಾಗಿಸಿಕೊಂಡರು.
