ಪ್ರೊ ಕಬಡ್ಡಿ ಲೀಗ್ 2018: ಆರನೇ ಆವೃತ್ತಿಯ ಆಕರ್ಷಣೀಯ ಆಟಗಾರರು

ಪರ್ದೀಪ್ ನರ್ವಾಲ್

ಕಬಡ್ಡಿ ಅಂಕಣದಲ್ಲಿ ಸೆಳೆಯಬಲ್ಲ ಆಟಗಾರರಲ್ಲಿ ಪರ್ದೀಪ್ ನರ್ವಾಲ್ ಮೊದಲಿಗರು. ಸೀಸನ್ 4 ಮತ್ತು 5ರಲ್ಲೂ ಮೌಲ್ಯಯುತ ಆಟಗಾರರಾಗಿ ಪರ್ದೀಪ್ ಗುರುತಿಸಿಕೊಂಡಿದ್ದಾರೆ. ಪ್ರದೀಪ್, ಪಾಟ್ನಾ ಪೈರೇಟ್ಸ್ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. ಏಷ್ಯನ್ ಗೇಮ್ಸ್ ನಲ್ಲಿ ಭಾರತ ತಂಡದ ಪರ ಪರ್ದೀಪ್ ಗಮನಾರ್ಹ ಆಟವಾಡಿದ್ದರು.

ರೋಹಿತ್ ಕುಮಾರ್

ಬೆಂಗಳೂರು ಬುಲ್ಸ್ ತಂಡದ ನಾಯಕ ರೋಹಿತ್ ಕುಮಾರ್ ಕೂಡ ಕ್ರೀಡಾ ಪ್ರೇಮಿಗಳನ್ನು ತನ್ನತ್ತ ಸೆಳೆಯಬಲ್ಲ ಆಟಗಾರ. ಪ್ರತೀ ಪಂದ್ಯದಲ್ಲೂ ರೈಡಿಂಗ್ ಮೂಲಕ ಸೆಳೆಯುವ ರೋಹಿತ್ ಬೆಂಗಳೂರಿನ ಬಲವಾಗಿ ನಿಲ್ಲಲಿದ್ದಾರೆ.

ರಾಹುಲ್ ಚೌಧರಿ

ಭಾರತೀಯ ಕಬಡ್ಡಿ ತಂಡದ ಆಟಗಾರ ರಾಹುಲ್ ಚೌಧರಿ ಕೂಡ ಪಿಕೆಎಲ್ ಇತಿಹಾಸದಲ್ಲಿ ಯಶಸ್ವಿ ರೈಡರ್ ಆಗಿ ಗುರುತಿಸಿಕೊಂಡಿದ್ದಾರೆ. ರಾಹುಲ್ ಅವರು ತೆಲುಗು ಟೈಟಾನ್ಸ್ ನಲ್ಲಿನ ಪ್ರಮುಖ ಆಟಗಾರರು.

ಸುರೇಂದರ್ ನಾಡ

ಹಿಂಗಾಲು ಹಿಡಿದು ಜಗ್ಗುವುದರಲ್ಲಿ ಸುರೇಂದರ್ ನಾಡ ಅವರದ್ದು ಎತ್ತಿದ ಕೈ. ರೈಡರ್ ಕೊಂಚ ಕಾಲು ಚಾಚಿದರೂ ಸಾಕು ಅಂಕ ನಷ್ಟವಾದಂತೆಯೆ. ಸುರೇಂದರ್ ನಾಡ ಹರ್ಯಾಣ ಸ್ಟೀಲರ್ಸ್ ತಂಡದ ನಾಯಕ.